|
المنتدى العام للنقاش الهادف والبناء والمواضيع العامه |
|
أدوات الموضوع | إبحث في الموضوع | انواع عرض الموضوع |
#1
|
||||
|
||||
حيـــاتنـا .... @
السلامـ عليكمـ بنعيش حياتنا بشكل شبه عادى و احياناّ مبنفكرش فى حاجات كتير بتحصل بس لو جينا نحسب و نفكر .. هيجرالنا حاجه .. من اللى هنلاقيه يعنى لو جينا نتكلمـ عن مشكله الـ ................. !!!! مش عارف .. اصل بصراحه هما كتيــــــــر هريحكمـ و نتكلمـ عن المشكله الكبيره التوظيف ... الشغل ... العمل اللى بنجيب منه الممـ عشان ناكل يا امــا مش موجود و صعب ,,,, يا امــا موجود و مقرف و متعب تعالوا نشوف اللى بيحصل ..... ســـؤال بــرىء يا ترى ايه احوال الشغل اليومين دول فى ..... ؟؟؟؟؟ يكون ايه شعوركـ ... لو جابوا واحد مطلعش من البيضه و عملوه مدير عليكـ !!! لو واحد زميلكـ حالته زى مـ انت شايف كده أخد كل الترقيات .. و يا بخت من كان المدير خاله و زميل تانى واخد راحته ع الاّخر ربنا يسهل لعبيده .. الراحه دى فعلاّ عمليه شاقه و ده بقى عمو رشدى اباظه .. فاكر نفسه محطمـ قلوب العذارى .. وطول النهار نازل تسبيل على الفاضى و المليان فى الشغل لأى حاجه مؤنث لدرجه انه قرب يدخل على الطفايه ... مش عاتق و نازل تريقه على زمايله قصاد البنات ... و كركركر و مرمرمر و هىءهىء و تربوىء و واحد تانى عمال يقرع على كل اللى حواليه بحواديت جدو الباشا اللى اسمه اعظمهمـ باشا( الواقع بيقول ان المرحومـ كان محولجى سكه حديد ..... احولهمـ باشا ) و ده زى البصله ...... محشور فى كل اكله ده بقى التعلبــ المكار ... اللى بينقل للمدير الأخبــار و ده شعاره فى الحياه النبى قبل الهديه و ده كل الحوافز و السفريات جاياله .. جاياله كل واحد فى حاله يا اخواننا .. مش عايزين قرررر ده طبعاّ .. مش قادر يقف على رجليه ... مش كده بس مسنود قوى !!!! و الهانمـ طول النهار فى اجازه .. و انتى يا عينى تشيلى شغلهــا اصل حبايبنـا .. شعارهمـ فى العمل المليان يكب على الفاضى و ده مولود فى بقه معلقه دهبــ و بيشتغل بس فى اوقات الفراغ أمــا انت يا مسكين .. يرمولكـ اى فتافيت و تفرح بيها زى العبيط !! لازمـ تتأقلمـ على نظامـ ( اللى يجى منهمـ ... احسن منهمـ ) ناس ليها حظ .. و ناس ليها ترتر تدعى عليهمـ ليل نهار .. زى الولايا ولا تشد فى شعركـ ولا تعض صوابع الندمـ انكـ مفكرتش تهاجر من زمان ولا تتجوز واحده غنيه .. تصرف عليكـ و سيبكـ من الشغل خالص كفايه عليكـ المدامـ تعمل ودن من طين و ودن من عجين و تكبر دماغكـ ؟؟؟ و لا تنهى حياتكـ نهايه مأساويه !! . |
#2
|
||||
|
||||
حيـــاتنــا .. @
او تعمل فيهمـ عمله .. كان نفسكـ تعملها من زمان !!! اشمعنى يعنى هما .. كل واحد يعمل عمله سوده .. و تيجى على دماغكـ فى الاّخر !! طبــعاّ .. شعر راسكـ بيقف من البلاوى اللى بتشوفهــا !!! و مهمــا اشتغلت و وقفت على راسكـ حتى برضه مش عاجب اقوللكـ على نصيحه اخويه خد حبايه شجاعه .. و روح للمدير و قوله : يا راجل يا عجوز .. مناخيركـ قد الكــوز مش مهمـ انكـ تكون من خيــار الناس فى الزمن الاغبر ده و مش مهمـ انت موهوب ولا لأ ولا لازمـ برضه انكـ تكون .. دكتور كبيــر لازمـ تكون معاكـ العصايا *****يه اللى بتفتح مغــاره على بابا ********************* التفسير فى القاموس المعـاصر و : وسيله مناسبه للوصول للغايه ( هديه _ نقديه .. الخ ) ا : امكانيه الوصول الى على بابا ( خارطه الطريق يعنى ) س : سبوبه حلوه للأربعين حرامى و الا مش هتوصل لـ على بابا ط : طلبكـ مجاب ان شاء الله هـ : هبره كبيره تعوض الشقـا اللى شوفته لحد ما دخلت المغاره ******************* انتقل الى رحمه الله المرحومـ اللى اسمه الضمــير قريب و نسيب الذمه و الأمانه و الأخلاق و شيعت الجنازه من جميع المساجد و الكنائس المصاب فــادح و لا عزاء للشرفاء تلغرافياّ .. مغاره على بابا و فروعها كترت وبقت فى كل مكان الحمد لله ربنا يكون فى عونكمـ و الله ,,,, و انا معاكمـ و زيكمـ طبعاّ ... و مستنى رأيكمـ |
#3
|
||||
|
||||
تحيا جمهورية الكوسه الشعبيه
والله انت ابن حلال يا زيزو وقلت كل اللى كان نفسنا نقوله من زمان ارحمونااااااااا بقى كفايه كوسه ووسايط وبلاوى زرقا دول حتى شالوا التكليف عن كلية الطب يعنى من زمان الحكومه شايله ايديها من تعيين الدفعات الجديده والقديمه كمان وكنا مستحملين وصابرين واهو كان كل واحد بيقضيها لكن توصل لدرجة انهم يشيلوا ايدهم من التكليفات لطلبة الطب يعنى الدكتور منهم يتخرج يقعد عالقهوه والله فعلا تحيا جمهورية الكوسه الشعبيه (يا مصر لو نيلك صلصه مش هيكفى الكوسه اللى فيكى) شكرا ليك يا زيزو |
#4
|
||||
|
||||
زيـــــزو
اقتباس:
و الله يا كارمن احنا مظلومين و حقنا ضايع بسبب الوسايط و متفهميش بقى مين السبب .. ظروف البلد ولا اللى ماسكينها بس هنعمل ايه .. دلوقتى الىل معاه واسطه بتتفتحله كل السككـ و الأبواب طيب بنتعلمـ ليه و نحرق دمنا و نجيب مجموع و تقدير و فى الاّخر ولا كأنى عملت حاجه على العمومـ ... ربنا يخفف من صلصه النيل يمكن الكوسه تخف شويه لما تلاقى الصلصه بتخف نورتى التوبيكـ يا كارمن |
#5
|
||||
|
||||
جميل جدا الموضوع ممتاز
__________________
|
#7
|
||||
|
||||
والله يا أحمد أنت بتطرح مواضيع نقاشية ممتازة
والواسطة بقت فى كل مكان وكل حتة ويعنى مش متوقفة على الوظيفة بس دى حتى كمان عشان تقضى مصلحة محتاج واسطة معاك عشان تخلصها وطول ما انت عارف ناس فى كل مكان مش هيقابلك أى مشكلة فى اى مكان هتعمل ايه بقى ما خلاص الضمير مات وقبل ما تتكلم فى الواسطة محتاج تصحى الضمير عشان تموت الواسطة مشكور ع الطرح الجيد ... وبالتوفيق
__________________
رأيت الهَم في الدنيا كثير ... وأكثره يـكون مــن النساء فلا تأمن لأنثي قــط يوما ... ولوهبطت عليك من السماء |
#8
|
||||
|
||||
زيــــــزو
اقتباس:
متشكر يا سيلفو و ده من زوقكـ و الله و بعدين الواحد يعمل ايه طيب .. لو فضلنا ماشيين بالوسايط هنلاقى نس كتير مهدور حقها لمجرد ان معهاش واسطه ولا تعرف حد مهم انما اللى يعرف حد .. ده تبقى الحاجه داعياله و تتفتحله البيبان كلها اقولكـ موقف و الله حصل معايا شخصياّ النتيجه بتاعتى كانت متأخره جداّ فى الظهور .. يدوب بس دخلت لدكتور عندنا قولتله انا من طرف فلان ... و الله بالتليفون فى اقل من 10 ثوانى بالعدد عرفتها طب نعمل ايه اذا كان النظام فى بلدنا روتينى ممل الموظف عشان يعملى حاجه هيطلع عينى عشان يريح دماغه انما لو قولتله انا تبع فلان .. يقوم و يلف معايا زى النحله لغايه م طلبى يخلص و فى النهايه عايز اقول ان فى ناس بتلجأ للواسطه عشان ترتاح و ناس بتلجألها عشان محتاجاها ضرورى ربنا يسترها علينا .. متشكر ليكـ يا سيلفر |
#9
|
||||
|
||||
مشكور ليك يغالى
والموضوع مدعم بالصور مما يزيد جمال الموضوع فعلا الوسطه فى كل شئ وفى الشغل الواحد بيشوف العجب وفيش غير ان الواحد يقول حسبنا الله ونعم الوكيل |
#10
|
||||
|
||||
زيـــــــزو
اقتباس:
حسبنا الله و نعمـ الوكيل فعلاّ .. بس كله على الله بقى ربنا ياخد الظلمه و الواحد بس يجتهد و هو و نصيبه شكراّ ليك على المرور و الرد ,,, |
مواقع النشر (المفضلة) |
الكلمات الدلالية (Tags) |
...., حيـــاتنـا |
|
|