ايه الفرق بين اشتغلات الموبايل وإشتغالات التليفون الارضي؟؟؟؟؟

1- * ف التليفون الارضي بيبقى لكل منطقة كود معين قبل اخر 3 ارقام يعني ما ينفعش تقول لحد انك ساكن ف حي الافرنج وانت ساكن ف المحطة الجديدة مثلا (مع كامل الاحترام لسكان حي الافرنج)

* ف الموبايل ممكن تقول انك ساكن ف استراحة الريس لو حبيت

2- * ف التليفون الارضي بيبقي صعب انك تشتغل حد يعرفك عشان الصوت بيبقي واضح اوي

* ف الموبايل ممكن تقلد صوت محمد فؤاد ( والله حتي اسئلوا الموبايلات الصيني )

3- * ف التليفون الارضي بيبقي صعب تعمل اشتغالة كاملة لان ممكن كل مرة تتصل فيها يرد عليك حد جديد

* ف الموبايل غالبا نفس الشخص هيرد عليك كل مرة ( الا لو كان خطك موبينيل ) بيبقي فيه احتملات تانية صدقني حصلت معايا كتير

4- * ف التليفون الارضي بيبقي عندك فرصة تعرف اذا كان اللى انت بتشتغله عنده اظهار ولا لأ (عشان تتفادي الرزالة ومباحث التليفونات)

* ف الموبايل اكيد فيه اظهار لكن صدقني ماحدش هيعرف يجيبك

5- * التليفون الارضي (اتكلم ارضي يا ابن بلدي صوتك بقي واضح اوي عندي )

*الموبايل *موبينيل (اتكلم من القلب) *فودافون(عيش احلي ما ف اللحظة) *اتصالات(انطلق)

6- * المصرية للاتصالات (خط ارضي)

* اتصالات جرين لايت (خط حياتك الجديد)

7- * ف التليفون الارضي ( عمر حبيبتك ما هتقولك حولي رصيد)

* ف الموبايل ( اشحنلي عشان اتصل اطمن عليك) ابقي قابلني

8- * وانت بتركب تليفون ارضي مش بتحتار وانت بتركبه لانه هوة نظام واحد والاوبشنز بتاعته ( الزيرو)

*الموبايل خد عندك *موبينيل( الوهات , الو فلاحين , الو صعايدة , غير البريمو والحاجات الكتير التانية) *فودافون ( رغينا , رغي اكسترا , ونظام الخط والاشتراك السنوي, والحاجات الكتيييييييييييييييير التانية ) *اتصالات(كل الشعب , بلاك لايت (خط موتك الاكيد على ايد الفواتير طبعا , ا و ب ش ن ز , وحاجات كتير بس مش اوى )

9- * التليفون الارضي بيقي سهل انك تخلع من خطيبتك او حبيبك او اي حد عايز تخلع منه كفاية بس انك ترفع السماعة وتسيبها مرفوعة

* الموبايل بيسبب 90% من الخناقات والمشاكل ( والفهم الغلط) لانك عشان تخلع لازم تقفله ولو ما قفلتوش يبقي لازم ترد ولو ما رديتش يبقي لازم تكنسل ولو ما كنسلتش يبقي هتخبطه ف الحيطة يرجعلك خمس حتت عشان تستريح

10- * اخر حاجة ان ف التيفون الارضي مش هتعرف تحب باليل ولو عرفت اعرف انك مسيرك هتتقفش ف يوم من الايام

* ف الموبايل هتعرف تتكلم بالليل براحتك وكمان ببلاش ( احسن ناس)

- * التليفون الارضي (اتكلم ارضي يا ابن بلدي صوتك بقي واضح اوي عندي )

*الموبايل *موبينيل (اتكلم من القلب) *فودافون(عيش احلي ما ف اللحظة) *اتصالات(انطلق)

هههههههههههههههههههههههههههههههههههههههههههههههههههههههههههههههههههههههه
لا تعليق

هههههههههههههههههه
ميرسي يا ميمو على مرورك واللا تعليق

* الموبايل بيسبب 90% من الخناقات والمشاكل ( والفهم الغلط) لانك عشان تخلع لازم تقفله ولو ما قفلتوش يبقي لازم ترد ولو ما رديتش يبقي لازم تكنسل ولو ما كنسلتش يبقي هتخبطه ف الحيطة يرجعلك خمس حتت عشان تستريح

فعلا الحته دي صح أوي يا تهامي
ميرسي لمرورك
شكلك مجرب

* الموبايل بيسبب 90% من الخناقات والمشاكل ( والفهم الغلط) لانك عشان تخلع لازم تقفله ولو ما قفلتوش يبقي لازم ترد ولو ما رديتش يبقي لازم تكنسل ولو ما كنسلتش يبقي هتخبطه ف الحيطة يرجعلك خمس حتت عشان تستريح

ميرسي يا ريمـــــــــو عالمرور
نورتي

- * التليفون الارضي (اتكلم ارضي يا ابن بلدي صوتك بقي واضح اوي عندي )

*الموبايل *موبينيل (اتكلم من القلب) *فودافون(عيش احلي ما ف اللحظة) *اتصالات(انطلق)

ههههههههههههههههههههه
تسلم ايدك كارمن