|
|
|||||||
| منتدي الفنون الادبيه شعر و قصائد وقصص وفنون أدبيه يُمنع وضع المواد التي تحتوي على موسيقى |
 |
|
|
أدوات الموضوع | إبحث في الموضوع | انواع عرض الموضوع |
|
#1
2010-01-26, 02:23 AM
|
||||
|
||||
قصيدة حسنى مبارك (احمد فواد نجم)
حسنى مبارك نؤيد سيادتك لفترة جديدة نكمل خلالها المسيرة السعيدة و بالمرة فيها نبيع الحديدة مفيش حاجة تانية نبيعها خلاص ***** نؤيد سيادتك لأجل المزيد من اللي تحقق بفضلك أكيد بقينا خلاص ع الحميد المجيد و ربك لوحده ف ايده الخلاص ***** نبايع سيادته ولا حد غيره كفايا علينا نبرطع في خيره و نوم شعب مصر العظيمة و شخيره يقول للحرامي ما تسرق كمان ***** نبايع سيادته وابنه وحفيده مفيش زي فكره قديمه و جديده خرابك يا مالطة حيحصل بايده ومين فيكي يعني بيسمع آذان ***** نبوس ايد سيادتك و رجلك كمان تخليك معانا يا ريس عشان وجودك ضرورة فرضها الزمان و من غير وجودك حقيقي نضيع ***** دي مصر بتاعتك و احنا ضيوفك كفايا علينا يا ريس نشوفك و عاذرين سيادتك و فاهمين ظروفك عليك بس تؤمر و احنا نطيع ***** في جزمة سيادتك كلابك يبوسوا و فوق الغلابة بجزمهم يدوسوا و شعبك ليلاتي يا ريس غموسه مذلة و مهانة و حوجة و مر ***** لكن يعني ما دمنا شعب انتساب و دايما وأبدا ف حالة غياب متعملش لينا يا ريس حساب دي عزبة سيادتك و فيها انت حر ***** و دستور مدستورش مش فارقة خالص كلام فاضي كله يا فندم بناقص كفايا علينا الفساد اللي ماصص عرقنا و معشش و ضارب جذوره ***** و ايه يعني تهري جتتنا البلاوي يوماتي كوارث فضايح رشاوي كفايا علينا القعاد في القهاوي بنستنى لما الوريث ييجي دوره
__________________
 أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! 
|
|
| مواقع النشر (المفضلة) |
| الكلمات الدلالية (Tags) |
| (احمد, مبارك, حسنى, فؤاد, نجم), قصيدة |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [شعر] قصيدة بلح ابريم (احمد فواد نجم) | ahmed.dodo | منتدي الفنون الادبيه | 0 | 2010-01-26 02:16 AM |
| [شعر] قصيدة يا مصر (احمد فواد نجم) | ahmed.dodo | منتدي الفنون الادبيه | 0 | 2010-01-26 02:09 AM |
| قصيدة عنيكي (احمد فواد نجم) | ahmed.dodo | منتدي الفنون الادبيه | 0 | 2010-01-26 02:01 AM |
| قصيدة هو شي منه (احمد فواد نجم) | ahmed.dodo | منتدي الفنون الادبيه | 0 | 2010-01-26 02:00 AM |
| [شعر] قصيدة يا عرب(احمد فواد نجم) | ahmed.dodo | منتدي الفنون الادبيه | 1 | 2010-01-25 11:51 AM |
العرض العادي
