|
المنتدى العام للنقاش الهادف والبناء والمواضيع العامه |
|
أدوات الموضوع | إبحث في الموضوع | انواع عرض الموضوع |
#1
|
||||
|
||||
طرق انتحار تدخلك الجنه مش النار
مساء الفل والهنا والورد والياسمين على احلى اعضاء فى احلى منتدى انا النهارده جايب لكم موضوع انما ايه!! فى الجووووووووون طبعا انتوا قريتوا اسم الموضوع قبل ما تدخلوا تشوفوه وطبعا بدافع الفضول حبيتوا تعرفوا ازاى انتحار ويدخلك الجنه؟؟ طول عمرنا عارفين إن الانتحار حرام وعيب ومايصحش، والغريبة إنه ضار جداً بالصحة، ده غير إنه كمان بيودي النار، لكن المفاجأة الذكية اللي اكتشفناها مؤخراً إن فيه انتحارات جديدة لانج نزلت السوق مؤخراً مابتوديش النار؛ لأن اللي ميت منتحر الحكومة بتسميه شهيد بالصلاة ع النبي.. هنا 6 أنواع للانتحار بيدخلوا الجنة.. الطريقة الأولى: لو عايز تنتحر وماتبقاش منتحر في نفس الوقت عليك وعلى حي الدويقة ومنشية ناصر اللي الخنازير ماشية بتلعب فيها، والناس بتهشهم ولا كأنهم قطط!! ده غير الروائح الكريهة الصعبة لدرجة إن فيه سكان هناك بيحلفوا إنهم عمرهم ما فتحوا بلكوناتهم من ييجي أكتر من 30 سنة.. كل ما عليك لو سيادتك مش لاقي شقة تسكن فيها وعايز تنتحر لهذا السبب، إنك تجيب كام صفيحة حديد على كام خشبة وكام ماسوّرة، وتبني بيهم عشة في حضن جبل المقطم، مع مراعاة أن يكون تسريب الصرف الصحي الخاص بك على أعلى الجبل، وكلها شويتين والجبل مش هيستحمل الصرف الصحي بتاعك أنت واللي معاك وهينزل على نافوخكم واحد واحد وكلكم تتكلوا على الله في ثواني، وحتى اللي هينجى منكم وهيفضل حي تحت الأنقاض محدش هيعرف ينقذه أو يوصل له وبرضه هيموت هيموت، والذنب طبعاً هيكون على الحكومة اللي ما وفرتلناش سكن غير في المناطق العشوائية اللي في حضن الجبل اللي صخوره وحجارته مابترحمش وبتنزل على الغلابة تدفنهم بالحيا. الطريقة التانية: ركوب الأوتوبيسات اللي بتطلع على الكباري وهي متكدسة بالبشر زي الأوتوبيس اللي وقع بالركاب بتوعه من كام سنة من على كوبري في الجيزة وكل اللي فيه ماتوا، والناس الغلابة اللي كانوا ماشيين في حالهم لا بيهم ولا عليهم تحت الكوبري برضه ماتوا، وعندك كمان كوبري السيدة عائشة اللي كل سنة يقع من عليه أوتوبيس أو ملاكي أو تاكسي أو عربية جيش، وآخر مرة الأرض هبطت تحت الكوبري، وطبعاً الحكومة هتعتبرك شهيد وتصرف لأهلك مكافآت كمان. الطريقة التالتة: بعد صلاة الفجر تصلي ركعتين لله تودع بيهم دنيتك وتسلم على كل أهلك ومعارفك وتسدد الديون اللي عليك وتسيب وصيتك وتجهز نفسك للعملية الانتحارية.. لأ يا راجل.. يا راجل مش في فلسطين.. إحنا بنتكلم عن عملية انتحارية هنا في مصر بتحصل كل فجرية في طوابير العيش على الأفران البلدي ولو أخلصت النية لله هتموت يعني هتموت مالهاش حل تاني.. الطريقة الرابعة: حج البيت لمن استطاع إليه سبيلاً.. تجهز كل تحويشة عمرك وفي الغالب مش هتكفي إنك تطلع للسعودية طيران، يبقى يا معلم مفيش غير العبارة، ناقص بس تلبس ملابس الإحرام وأنت في العبارة عشان تكون متكفن جاهز وشوية وهتغرق بيك المركب ولو ما موتش غرقان يبقى القرش هياكلك وهتبقى ميت شهيد وتبقى آبا الحاج الشهيد، وسلم لي على "ممدوح إسماعيل"! الطريقة الخامسة: أكيد طبعاً شفت إعلانات الحكومة اللي بتقول لك لازم تلحق القطر قبل ما القطر يفوتك.. لو أنت ليك مزاج تموت بقى وخايف تتحسب عليك الموتة انتحار وتدخل جهنم يبقى عليك وعلى الحكومة.. أيوه زي ما بقول لك كده يالا بسرعة إجري إلحق القطر، وساعتها تبقى موتة ومكتوبة لك حاجة ببلاش كده.. يا إما القطر هيولع بيك والسواق هيفصل العربيات المحروقة عشان تواجه مصيرك مع نفسك زي ما حصل في قطر الصعيد من 6 سنين، يا إما هتتزنق وتروح الحمام وممكن وأنت قاعد منسجم وواخد راحتك ع الآخر تلاقي دورة المياه وقعت بيك تحت القطر يا إما القطر يخرج عن القضبان ويتشقلب بيك في الهوا، يا إما عربية تريلا فراملها تسيب وتلبس في القطر زي قطر مطروح، وفي كل الأحوال سيادتك ميت ميت. الطريقة السادسة: محدش فينا ماسمعش عن طريق المحور اللي المفروض إنه بيختصر الطريق.. وماحدش فينا برضه ماسمعش عن الحوادث والكوارث اللي بتحصل عليه كل يوم.. كل ما عليك بقى لو أنت وعايز تنتحر بشياكة إنك تتلكك وتروح أي مشوار بيعدي من على المحور، ولو حتى تروح تجيب من هناك ترمس، وساعتها هتلبس هتلبس مفيهاش كلام وتبقى برضه ميت شهيد على حسب تصريحات السيد وزير النقل والمواصلات والسيد وزير الصحة والسكان وقبل منهم السيد رئيس الوزراء وصورتك تيجي في الجرايد ببلاش من غير ما تكلف عيلتك حق النعي في صفحة الوفيات.. وصباح الخير يا مصر.. وياريت اللى عنده طرق تانيه وانا معرفهاش يقول علطول علشان يبقى عندك اكتر من اوبشن "يعنى اختيار" فى الطريقه اللى تنتحر بيها وعلشان تدخل الجنه لان انتوا عارفين ان كل واحد بيبقى مختلف عن التانى فى الذوق وعلى رأى المثل"لولا اختلاف الاذواق لبارت السلع"
__________________
من النهارده مفيش توقيع
الفيلا بتاعتنا هى التوقيع |
#2
|
|||
|
|||
الطريقة التالتة:
بعد صلاة الفجر تصلي ركعتين لله تودع بيهم دنيتك وتسلم على كل أهلك ومعارفك وتسدد الديون اللي عليك وتسيب وصيتك وتجهز نفسك للعملية الانتحارية.. لأ يا راجل.. يا راجل مش في فلسطين.. إحنا بنتكلم عن عملية انتحارية هنا في مصر بتحصل كل فجرية في طوابير العيش على الأفران البلدي ولو أخلصت النية لله هتموت يعني هتموت مالهاش حل تاني.. ههههههههههه فعلا كده داخلين الجنه داخلين الجنه بس اجمل موته موتت العيش شهيد ف سبيل اللقمه عشان يا عيني تاكل انت وعيالك الحمدلله وتلاقي مصيرك الضرب والموت الحمدلله الواحد فعلا حاسس هنا ف البلد دي بقيمته الحمدلله علي كل شئ تسلم ايدك يا فينديزل ع الموتات الانج دي
__________________
افضل 15 مشارك انا ليه ساكته عليه انا ليه سايباه يتقرب مني ضعيفه قصاد عنيه مع اني انا مش كده وده جنني كل اللي يقول عليه بقي حلو علي قلبي ليه سلمت خلاص باينلي يظهر ده اللي اسمه ايه انا طول الوقت مكسوفه اجي اتكلم بتغلبط ليه مخبيه اني ملهوفه مينفعش ارمي نفسي عليه بجد بجد مش عارفه ايه ده اللي انا فيه انا ليه بالي طويل وياه مش قادرة استني ثواني وعرفت سهر الليل وبقيت اسهراسمع ف اغاني من يومي مشغوله بيه ف نومي محلمش الا بيه سلمت خلاص باينلي يظهر ده اللي اسمه ايه انا طول الوقت مكسوفه اجي اتكلم بتغلبط ليه مخبيه اني ملهوفه مينفعش ارمي نفسي عليه بجد بجد مش عارفه ايه ده اللي انا فيه انا ليه ساكته عليه انا ليه سايباه يتقرب مني ضعيفه قصاد عنيه مع اني انا مش كده وده جنني كل اللي يقول عليه بقي حلو علي قلبي ليه سلمت خلاص باينلي يظهر ده اللي اسمه ايه |
#3
|
||||
|
||||
الطريقة الخامسة: أكيد طبعاً شفت إعلانات الحكومة اللي بتقول لك لازم تلحق القطر قبل ما القطر يفوتك.. لو أنت ليك مزاج تموت بقى وخايف تتحسب عليك الموتة انتحار وتدخل جهنم يبقى عليك وعلى الحكومة.. أيوه زي ما بقول لك كده يالا بسرعة إجري إلحق القطر، وساعتها تبقى موتة ومكتوبة لك حاجة ببلاش كده.. يا إما القطر هيولع بيك والسواق هيفصل العربيات المحروقة عشان تواجه مصيرك مع نفسك زي ما حصل في قطر الصعيد من 6 سنين، يا إما هتتزنق وتروح الحمام وممكن وأنت قاعد منسجم وواخد راحتك ع الآخر تلاقي دورة المياه وقعت بيك تحت القطر يا إما القطر يخرج عن القضبان ويتشقلب بيك في الهوا، يا إما عربية تريلا فراملها تسيب وتلبس في القطر زي قطر مطروح، وفي كل الأحوال سيادتك ميت ميت. |
#4
|
||||
|
||||
اقتباس:
الواحد فعلا حاسس هنا ف البلد دي بقيمته طبعا انتى بتكدبى يا اميره تسلم ايدك يا فينديزل ع الموتات الانج دي احنا فى الخدمه علطول ياقمر
__________________
من النهارده مفيش توقيع
الفيلا بتاعتنا هى التوقيع |
#5
|
||||
|
||||
اقتباس:
ميرسى ليك يا اسامه على مرورك
__________________
من النهارده مفيش توقيع
الفيلا بتاعتنا هى التوقيع |
#6
|
||||
|
||||
وياريت اللى عنده طرق تانيه وانا معرفهاش يقول علطول علشان يبقى عندك اكتر من اوبشن "يعنى اختيار" فى الطريقه اللى تنتحر بيها وعلشان تدخل الجنه لان انتوا عارفين ان كل واحد بيبقى مختلف عن التانى فى الذوق
وعلى رأى المثل"لولا اختلاف الاذواق لبارت السلع"
__________________
من النهارده مفيش توقيع
الفيلا بتاعتنا هى التوقيع |
مواقع النشر (المفضلة) |
الكلمات الدلالية (Tags) |
الجنه, النار, انتحار, تدخلك |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حوار بين الماء و النار !! | احمدينيو | المنتدى العام | 4 | 2010-05-10 03:02 AM |
طرق للانتحار تدخلك الجنة وليس النار! | manolly | سلة المحذوفات | 1 | 2010-03-09 02:05 PM |
انتحار هندي !!!!!!!! | radwan | اضحك من قلبك | 9 | 2009-11-26 02:15 PM |
صفة اهل النار | radwan | منتدى نور الإيمان | 1 | 2008-12-01 06:41 PM |