|
المنتدى العام للنقاش الهادف والبناء والمواضيع العامه |
|
أدوات الموضوع | إبحث في الموضوع | انواع عرض الموضوع |
#1
|
||||
|
||||
الحق وضع فكرك
بسم الله الرحمن الرحيم
الحكاية بتبدأ من حوالى سنتين.... العفش بينزل من على عربية النقل... و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟ قالتلى اه يا حبيبى دى الشقة اللى قصادنا قلتلها ويا ترى عرسان جداد ولا عيلة وبتعزل؟ قالتلى والله يابنى مانا عارفة قلتلها طيب.. يا خبر انهارده بفلوس.. بكرة يبقى بفلوس اكتر.. و بعد أسبوع...... أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص قلتلها يا شيـــــخة! قالتلى: اه.. مرات الراجل عدت عليا انهارده وسلمت عليا وعرفتنى بيهم قلتلها: ايــه بقى عرسان جداد؟؟ قالتلى لا دول أسرة.. عندهم ولدين وبنت قلتلها خير.. خير.. (والشر بيبظ من عينيا) و أثناء الحديث الشيق ده.. طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى - و بعدين طلع ولد صغير ابتسم لنا اول ما شافنا.... أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى... المهم.. الأم ندهت لبنتها... الحقيقة انا كنت أول مرة فى حياتى أسمع الاسم اللى هى ندهت به.. أول مرة أعرف ان فى بنت اسمها كده أصلا... الام بتنده: يــــــا روفيدة (على وزن بثينة , بضم الراء يعنى) اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها.. و طلعت روفيدة من ورا الستارة فـى حركة Slow Motion من بتاعة الافلام.. و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض.. مش قادر ارفع عينى من عليها.. مينفعش ارفع عينى من عليها اصلا... فضلت متنح لحد ما شافتنا انا وامى.. لما شافت امى ابتسمت لها.. و لما شافتنى زى ما تكون شافت عفريت ودخلت على جوة جرى... و تمر الأيام.. و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ.. ساعة ما الاقيها واقفة.. اطلع البلكونة.. مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة - او بلعب عشر ضغط.. اى تلكيكة والسلام الغريب انها كانت فى الاول لما تشوفنى تروح داخلة جرى على جوة.. لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان... بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد واقف بالساعات مدام روفيدة واقفة... ارمى نظرة.. ابتسامة.. أشاور و كانت هى بتكتفى بالابتسام وعلامات الخجل... و ف يوم من ذوات الايام.. بشاورلها.. شاورتلى بقيت هطير م الفرحة.. روفيده شاورتلى يا جدعان... قعدت اطنطط ع السقف وأغنى وحياة قلبى وأفراحه.. و هبا إيـه هبا أاه.. إن شاء الله هنظبط امتى بقى اتكلم معاها ونهظر سوا... لحد ما جه اليوم... انا راجع م الكلية.. وعلى اول الشارع شفت أمى واقفة مع مامت روفيده.. و المفاجاة: روفيده واقفة معاهم لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو... لحد ما بقيت عندهم.. عرقان طبعا وبنهج وحالتى حالة... نزلت عليهم زى الباراشوط.. ازيك ياما.. ازيك يا طنط عاملين ايه... و بصيت لرٌفيدة.. كانت بصالى وبتضحك.. كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده - قلتلها: ازيك يا روفيده؟! و كان رد فعلها غير متوقع بالمررررة... كان صدمة حقيقية بالنسبة لى.. لقيتها بتمد ايديها وبتسلم عليا... و بتقولى: الحمد لله.. ازيك انت؟؟! رحت مسلم عليها.... و قلتلها: الله يسلم قلبك يا روح قلبى.. و رحت بايس ايديها.... و رحت شايلها........... و قلتلها: انتى عندك كام سنة بقى؟؟ قالتلى عندى 3 سنين رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت و من يومها وانا وروفيده اصحاب... كل ما تطلع البلكونه نلعب ونهزر مع بعض00 ==================================== يارب تعجبكم
__________________
افضل 15 مشارك |
#2
|
||||
|
||||
هههه شكرا الك موضوع حلو
__________________
صياماً مقبولا وافطاراً شهياً
|
#3
|
||||
|
||||
العفو
وشكرا لمرورك
__________________
افضل 15 مشارك |
#4
|
||||
|
||||
ههههههههههههههههههههههههههه
موضوع جميل اوى يا عمرو خللتنى افكر فى حاجات حلوة ...... متحرمناش من المواضيع الحلوة دى
__________________
رأيت الهَم في الدنيا كثير ... وأكثره يـكون مــن النساء فلا تأمن لأنثي قــط يوما ... ولوهبطت عليك من السماء |
#5
|
||||
|
||||
ماهو دى على حسب نيتك
__________________
افضل 15 مشارك |
#6
|
||||
|
||||
ههههههههههههههههههههههههههههه
مشكور يا عمووووور |
#7
|
||||
|
||||
هههههههههههههههههههههههه
ممكن بقى تخطبهالى ههههههههههه مشكوووووووور يا عمووووووووووور |
#8
|
||||
|
||||
ايه يا عمور أنا قلت هنفرح فيك ونيجى نشرب الشربات ونتعشى وتبقى ليلة... بس فيه حاجة أنا لاحظت ان انتوا بتغسلوا كتير
__________________
مساكين اهل العشق حتى قبورهم عليها تراب الذل بين المقابر @@@@@@@@@@@@ ياللي تغركـ ضحكتي بعض الأوقات .. أحيان بعض الضحك معناهـ × موتــــي × أوقات تلقاني أحاكيك بـــ سكــــــــات .. يوم الكلام يموت داخل × سكوتـــــــــي × يوم الحناجر تحتضر فيها الآهــــــــات .. واعجز عن الشكوى ولو طال × صوتــــي @@@@@@@@@@@@ لا تأسفن على غدر الزمان لطالما رقصت على جثث الاسود كلاب لا تحسبن برقصها تعلو على اسيادها تبقى الاسود اسود والكلاب كلابا تبقى الاسود مخيفة فى اسرها حتى ولو نبحت عليها كلاب @@@@@@@@@@@@ صمتى لا يعنى جهلى بما يدور حولى ولكن ما يدور حولى لا يستحق الكلام |
#9
|
||||
|
||||
بجد انا اتشوقت وبرده اندهشت ومش هتصدق انكبست وبصراحه ده أول موضوع أقرأه للأخر
تسلم ايدك
__________________
افضل 15 مشارك وكلب إذا ضرب الحذاء بوجهه.... صرخ الحذاء بأي ذنب أضرب |
#10
|
||||
|
||||
اه احنا غسيلنا كتير
اصل احنا ماشيين بمبدأ كله يطلع في الغسيل فبنغسل كتير علشان يطلع ههههههههههههههههههههههه
__________________
افضل 15 مشارك |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الحق شوف [قصة حب فاشلة بالصور] | MAGIC7 | اضحك من قلبك | 4 | 2010-09-03 11:09 PM |
الحق بنطلونك قبل ما يقع ....................... | vindiesel | سلة المحذوفات | 1 | 2010-02-01 09:08 PM |
الصديق .....الحق!!!!!! | TORGO | عالم ادم | 5 | 2009-06-10 01:30 AM |
الحق بوس حبيبتك قبل الفرصة ما تفوتك | GHOST | المنتدى العام | 9 | 2009-02-18 06:11 PM |
الحق قبل الحذف أدخل وشوف | اسطوره المحبين | سلة المحذوفات | 2 | 2008-03-13 06:41 PM |