أبوخ موقف محرج حصلك

[بلابل المتمرد]

السلام عليكم ورحمة الله وبركاته

جتلى فكرة الموضوع بان كل عضو يشارك معانا بابوخ موقف محرج حصلو

وعشان ابقى راجل ديمقراطى وثلث هبدا انا الاول وعشان اشجعكو كمان



فى احد الايام كان منظم اصدقائى خروجة يوم الشيم النسيم وقالولى لازمن تبقى معانا يبلابل المهم انا كنت متردد قلتلهم برسيم اية بس قالولى تعالى هنقعد على النيل ونلعب والحياة هتبقى حلوة ويمكن يبقى معان بنات قلتلهم هو مفيش بنات كمان تطرى القعدة وغير كدا انا مبحبش الحوادىء قالولى كل بيض دة احنا ملونينو ضحكت اوى قلتلهم علون البيض مش عاطفى بس ماشى جاى معاكو المهم روحت ويرتنى
وقعدنا ونصبنا القعدة وقلنا متقوم لما نلعب كورة قلتلهم نلعب وحصل اختلاف بينى وبين احد الزملاء على الكورة جون والى لا طبعا الجون دخل فى فريقى وكبرت المشادة الى ان جعلتنى اشوط الكورة بكل غضب فى المياة اندهش الجميع من التصرف وقالولى انزل هات الكورة من المية مش انت الى رميتة وصاحب الكورة كان متضايق وان حست بالندم قلتلو انزل هاته وانا همسكلك هدومك قلى انا مالى انت الى رميتة قلتلوة هى تمنها كام يعم الحج قالى دة انا ليسى شريه خمسين جنيه قلتلو لا نفكر ازاى نجيبة احسن واحد منينا ينزل يجبها ويلحقها قبل متمشى مع التيار وقلتلهم انتو لازمن تزهقونى مهى مكنتش جون وفجاة وبدون مقدمات انقض على اصدقائى واحد من ورا واحد من ادام واربعة من الاجناب وفجاة لئيت نفسى تحت سيطرتهم وفعلا الكترة تغلب الشجاعة وشلونى هيلة بيلة ورمونى ورا الكورة فى المية بهدومى والله الى خارج بيها من البيت يولاد الكلب
المهم الحمد لله انى بعرف اعوم نهايك بقى على التعلقيات السخيفة وانا بتحدف من الناس الى بيشمو النسيم
الشباب الى واقف تتضحك والستات تقول لى حرام بيرمو لى مهو شغال وطلعت من المية وانا غرقان فى هدومى وملئيتش والى واحد منهم الخونة هربوا راحو يجيبوا الكورة المهم قلعت هدومى ووقفت بالاندر ويييييييييير
والناس عمال تضحك وكان فى بنات لزيزة اوى مشغلين الموبيلات و بيصورو مش عارف لية

مستنى مشاركتكم

[karmen]

كلنا كاتبين مواقف فى الموضوع ده يا بلابل المتمرد
تسلم على الفكره بس ياريت نكمل فى الموضوع ده

التحميل

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

[بلابل المتمرد]

بس يكارمن الزكريات شىء وابوخ موقف شىء تانى ياريت تقولى موقفك انا عارف انتى مكثوفة تقولى

[eima]

كنت فى لبنان سنة 2006 وخاصة فى شهر مايو كان هذا الحدث .

كان وقتها الضرب ما بين أسرائيل وحزب نصر الله وصواريخ سكود والضبع الأسود شغالة زى الفل هناك .

وكنت وقتها بحى الأشرفية ببيروت فى المنطقة 62 وكنت عارف أن الضرب كان فى المزرعة فى المنطقة 52 وبينى وبينها كتير وأصحابي قالو ليا بلاش تنزل فيه أصلا حظر تجول من الحكومة ومن حزب نصر الله ومن الحكومة يعنى 3 مجموعات قلتلهم لا الضرب فى حى المزرعة وفى حى المدور واحنا فى الأشرفية بعيد أنا هنزل أجيب ورقي من العربية وكمان باسبورى جوة العربية يعنى ماليش فى الحفلة ونزلت .

العربيية كانت راكنة فى الشارع الخلفي ويدوب مالحقتش أعدى الشارع لقيت دورية والفل بقي انا دورية ميركافا عارف لما تبقي فى جنينة ويطلع عليك ديناصور لالا أكتر من ديناصور كانت الدورية كلها مجنزرة طبعا أنا لافف ملحف على راسي فكرونى تبع حزب الله وتخيل أنك بتجرى من مدرعة يبقي أيه .
أنا خفت أجرى على مسكنى يدربو المسكن وصحابي جوا فضلت أجرى على الطريق العمومى وقولت أرمى أم الملحفة من راسي لقيت حزب نصر الله بيضرب فى المجنزرات وانا فى النص عارف أنا عملت ايه أول ما لقيت الضرب ما بنهم وانا فى النص ( فضلت أزغرط ) ههههه وانا بجرى ههههه كملت وبقي الضرب ما بين الشرطة و المركافات و نصر الله ريحت عقلى واستخبيت فى بركة مية أكتر من قذرة وتقدر تقول عمقها ثلث متر وعامل ميت لمدة 4 ساعات طبعا أنا أكلت باب عربيه طاير فتح دماغى 8 غرز وضغط كتفى وكسر بدراعى الأيسر وكل ده نايم فى الميه خايف أتحرك أو أقول أااااه حتى .

مش عاوز أقولك أنى كنت بشتكى قبلها من منظر المية دى ومن القذارة اللى فيها وجه الوقت اللى أستخبيت فيها .

وعمرى ما هنساه الموقف ده .

يبقى أنهو أرحم مية النيل ولا مية البركة اللى كنت فيها .

[karmen]

هههههههههههههههه
معلش يا ايما
عالعموم أوكى يا بلابل
هقول موقف بس لما أفتكر والله أصلى مش فاكره غير الموقف اللى قلته قبل كده

[بلابل المتمرد]

هههههههههههههههههههههههههههههههههههههههههههههههههه هههههههههههههههه
مكنتش اعرف ان معانا فى المنتدى مناضل زيك يايما لا النيل ارحم
اوكى كارمن مستنيكى

[eima]

المشاركة الأصلية كتبت بواسطة بلابل المتمرد التحميل

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

هههههههههههههههههههههههههههههههههههههههههههههههههه هههههههههههههههه

مكنتش اعرف ان معانا فى المنتدى مناضل زيك يا إيما لا النيل ارحم

يا سيدى ولا مناضل ولا حاجة .

دى من أولها لأخر وأنا مضروب يا باشا .

[eima]

أقراء الموقف ده بس للأخر /

عندنا شارع مهجور ديما والناس بتخاف تمشي فيه أصلا الصبح المهم الشارع ده يبقي طريق مختصر لبتنا هو عبارة أنه مابين مراكب راكنه ومية القنال .

المهم كنت ماشي السنة اللى فاتت الساعة 3 بليل وكان الدنيا بتشتى جامد وكنت مسرع علشان المطر وأنا بمد فى الخطوة لقيت واحدة بتصوت جااااااامد قوى وبتنده الحقونى الحقونى ولقتها زى الطلقة عليا بتجرى وبيجرى وراها 3 كلاب وكانت من غير ملابس انا شفتها بتجرى عليا والكلاب وراها ببص حوليا لقيت خشبة قصيرة ومسكة الطوب لحد ما بقت هى فى ضهرى والكلاب حولينا وبتنبح جااامد وضربت الكلب الاول بقالب الطوب والتانى مسك فى البنطلون لقتها بتقولى ألحق يا وليد الكلب التالت وراك سرحة لحظة ثوانى ( هى عرفت أسمى منين ) شوطت الكلب برجلى وببص ورايا لقتها بتضحك وبترفع شعرها بأديها الاتنين أتسمرت مكانى ببص على الكلاب مالقتهمش فص ملح وداب قولتلها هما راحو فين وانتى عريانة ليه وبقلع الجاكت وبدهولها قالتلى أحنا مابنلبس هدوم يا وليد أنا من أصحاب الشارع وبنلعب معاك أنا وأخواتى أنا جني يا وليد وفضلت تضحك وانا بترعش مكانى قالتلى أهدى أهدى وببص لقيت الـ 3 كلاب واقفين ورايا وببص على رأسهم لقتها رأس حمير على جسد كلاب وفضلو ينحئو وينحئو وهى تضحك وتضحك وتضحك بمد أيدى وقعت كوباية المية على الأبجورة من على الكميدينو صحيت وقولت الحمد لله كان كابوس .

ههههههههههههههههه كنت بهزر معاك .

بدلع دماغى بقصة صغنونة بس

[karmen]

ههههههههههههههههههه
حرام عليك يا ايما أنا اتخضيت والله وقعدت أقول ايه نهاية الموضوع ده
أنا بقى هقولكم الموقف اللى حكيته قبل كده
أنا بقى كنت مره أنا وصاحبتى مانوللى عضوه هنا فى المنتدى كنا راكبين المترو مره وواقفين قام المترو وقف فجأه رحت أنا غصب عنى وقعت على رجل الراجل اللى كان قاعد قدامى ومعرفتش أقوم ازاى أصلى كنت لابسه جزمه بلارينا فلات بتزحلق وكل ما أحاول أقوم من على رجل الراجل ألاقى نفسى مش عارفه ومانوللى واقفه اللى طالع عليها انها تضحك ومش بتساعدنى أقوم ولا أى حاجه فالحه بس تتضحك والراجل اللى أنا قاعده على رجله ساكت مبيعملش أى حاجه ولا بيبدى أى رد فعل كأنه كان شارب حاجه لحد ما جه واحد كتر خيره والله يستره شدنى من ايدى وقومنى وكانت مسخره المترو كله عمال يضحك وكنت فى نص هدومى
بس كده حد يقول حاجه تانى

[بلابل المتمرد]

اية الاشتغالت دى يايما براحة علنا يعم


وموقفك يكارمن فطسنى من الضحك اصل انا متخيلو كل متيجى تقومى تقعى على الراجل هههههههههههههه
الى لو كمان المصيبة لو انتى سمينة شوية هههههههههههههههههههههه يبقى فطستى الراجل
لا وموقف منولى صاحبتك بارد صراحة بتفكرنى باصدقائى التنحين واحد سواء خبط واحدة زميلتى وخطيبة واحد صاحبى بالعربية السوزوكى
انا طبعا اتجننت اطمنت عليها ومسكت السواء هو والى معاة طحنتهم فجاة لئية سوائين ملهمش عدد ركنين عربياتهم وحالفين ليجبو رقبتى انا واحد صاحبى شهم دخل فى الخناءة لما لائينى لوحدى بتخانىء مع الموقف كلو المهم انى خطيب البت الهو صديقى كان واقف وشايف الموقف من اوله بس يخسارة مكنيش لى وجود هو يدوبت خد خطبتو ومسكها من ايدها ومشى وهى كانت قلقنا علينا قلها ولا يهمك تعالى بس دة الرجالة تفوت فى الحديد وطبعا انا وصاحبى التانى السوائين مسبوناش حتى بوسنا دمغاتهم وقلنلهم حقكم علينا احنا غلطنين لغية يومنا هذا مبكلميش الواد والى البت حتى االبت فسخت معاة وكانت عايزة ترجع معاى زى الاول زمالة ويمكن اكتر بس انا نفدتلة