مصطلحات على الصراط

[GHOST]

النظام العالمي الجديد

ويندوز اكس بي .
************************
الجات :
مصيبة وجات على دماغنا .
************************
التنوير :
عملية تتم في الشوارع عندما يسكنها وزير .
************************
صندوق النقد :
ما يفرقش كتير عن صندوق الزبالة .
************************
الخصخصة :
تحدث في الحدائق يوم شم النسيم مع أكل الفسيخ .
*************************
النظام الملكي :
عند وفاة الملك ينتقل الحكم لابنه ليصبح هو الملك الجديد .

******************
النظام الجمهوري :
عند وفاة الرئيس ينتقل الحكم لابنه ليصبح هو الرئيس
الجديد .
*******************
المبايعة :
ورقة بتكتبها لما تبيع عربية قديمة .
*************************
الدستور :
كلمة تقال للحماية من الآسياد لما الواحد يدخل بيت مسكون ؛
دستور يا اسيادي العفو و السماح .
***********************
الديموقراطية :
نوع من الفنون الزخرفية يستخدم لتزويق صورة الحكومة .
***********************
القانون :
آلة تصدر أصوات جميلة لما تلعب فيها بصوابعك .
************************
الحرية للجميع :
للشعب أن يقول ما يشاء ، وللحكومة أن تفعل ما تشاء .
*************************
حرية النشر :
تمارسها النساء على السطوح في المناطق الشعبية .
***********************
رأي المرأة :
ستات مصر قالوا كلمتهم ؛ النخلتين سمنتهم .
************************
الدبلوماسية :
أحسن هدية تصالح بيها مراتك ، بس بشرط الماس يكون حر .
***********************
العمل السياسي :
يمارسه كل من يعمل سايس في جراج .
***********************
السياسي المحنك :
رجل يتسم بسعة الصدر عند المناقشة ، وسعة الكرش فيما عدا
ذلك .
**********************

اليساري :
شخص طيب يقود سيارته على الجانب الأيسر من الطريق ويشتم كل
السواقين اللي جايين في وشه لأنهم عملاء الإمبريالية ويسيرون ضد الحتمية
التاريخية .
*********************

الصراع الطبقي :
خناقة كل بيت على مين اللي حيغسل الأطباق النهاردة .
**************************
الحرب الأهلية :
حرب البنت مع أهلها عشان تتجوز الواد اللي هي عايزاه .
********************

حرب الشوارع :
قيادة سيارة في شوارع القاهرة .
*************************

حرب التحرير :
معركة شهيرة يخوضها كل من يريد استخراج جواز سفر من مجمع
التحرير .
************************

العمل الثوري :
مذكر العمل البقري .
********************

الشريط الحدودي :
الشريط الجاي لعمرو دياب .
**********************

اليهود :
شعب يعيش على الأساطير ، يألفها في الأول ويصدقها بعد كده . يعني
بالعربي أسهل شعب ممكن يضحك عليه .
الله يرحم اللي ضحك عليهم مرتين .
***********************

الوحدة العربية :
أن تعاني كل دولة عربية الشعور بالوحدة .
************************

إعلان العرب للحرب :
يا مبارك اذهب أنت وشعبك فقاتلا ، إنا هاهنا قاعدون

[Silver]

مصطلحات جديدة وغريبة

فكرتنى بقاموس الشباب الهايف

تسلم ايديك يا غالى

[GHOST]

تسلملي انت على مرورك

يا ريت المصطلحات تكون عجبتك بجد

وفين النااااااااااااااااااااااس

[mody eljoker]

ههههههههههههههههههههههههه

شكرا ليك على الموضوع الرائع واتمنى لك التوفيق فى مواضيعك القادمة

[karmen]

النظام الملكي :
عند وفاة الملك ينتقل الحكم لابنه ليصبح هو الملك الجديد .

******************
النظام الجمهوري :
عند وفاة الرئيس ينتقل الحكم لابنه ليصبح هو الرئيس
الجديد .
الوحدة العربية :
أن تعاني كل دولة عربية الشعور بالوحدة
ميرسى ليك جوست
مصطلحات جامده جدا

[هيمة فرج]

ههههههههههههههههههههههه

تسلم ايديك على الكلمات