الفرق بين السادات وبين عنتر بن شداد

[كونان]

بسم الله الرحمن الرحيم

أزيكو يا شباب

عاملين ايه؟؟؟؟ كل سنه وانتو طيبين

مش بمناسبه العيد

العيد السنه دى جاى فى وقت حزين شويه على الشعب المصرى اللى تقريبا مش حاسس انه مصرى اليومين دول

الشعب المصرى شاف حاجات الايام اللى فاتت خليته ينسى انه مصرى

طول عمرى بحس ان المصرى اعلى الطبقات العربيه اللى مش ممكن حد يقدر يمسه

بس لما يبئى ولى أمره راضى بكدا يبئى يتمس اوى اوى

ويتهزأ اوى اوى , ويتهان اوى اوى

بصرف النظر عن ايه سبب الإهانه جزائر ولا يهود اللى دفعو الجزائر ولا مين السبب

هل كان ممكن يحصل اللى حصل فى السودان ايام السادات ؟؟؟؟

لو حد فينا متابع الكوره واخبارها يعرف اللى حصل فى دوره الألعاب الأفريقيه 1978 المقامه فى الجزائر

فى ماتش مصر وليبيا بعد ما مصر جابت الجون الأول

المنتخب الليبى بجهازه الفنى ضرب المنتخب المصرى ونزل الجمهور الجزائرى فى نفس الماتش ضرب المنتخب المصرى (دون تحرك أمن الأستاد الجزائرى وكأن النيه مبيته)

السادات عمل ايه؟؟؟؟؟

أرسل 3 طائرات هليكوبتر محاطه بسرب طائرات حربيه إلى استاد الجزائر فى قلب الجزائر

ضربت الطائرات قنابل فسفورية فى الهواء و سحبت الجمهور و المنتخب المصرى من ارض الاستاد الى القاهرة ..

هوا ده السادات اللى خلفلنا احسن خلف

عنتر بن شداد اللى فى وقته المنتخب اتضرب مش بعيد جنبنا على طول فى الخرطوم

ومش بس المنتخب ده الجمهور نساء واطفال ورجاله

ضرب وسب واغتصاب وقله أدب وكشف حرمانيه بلد

بس عنتر بن شداد ماسكتش ده طلع فى مجلس الشورى وقال كرامه المصرى من كرامه مصر

يا تقيل انت ( كرامه المصرى من كرامه مصر)

وانت كنت فين ساعتها؟؟؟؟؟

كنت فين لما المصريين كانو فى السودان بيعانو من الجزائر ومن السودانيين كمان

الحمد لله حميت طياره جمال وعلاء والمنتخب والفنانين ورجال الأعمال

وطظ فى الباقى


و اكيد كلنافاكريين لما أغتالت جماعة التكفير و الهجرة يوسف السباعى فى مطار لاكرنكا فى قبرص ..

و لما اتصل السادات يستعلم عن ماذا حدث مع المعتدين قال انهم خاطفين الطائرة و معاهم جثة السباعى و مش عارفين يدخلولهم ...

طلب منهم فتح الاجواء .. و ارسل مباشرة فرقة صاعقة الى قبرص و رجعت و معها المعتدين متكتفين و جثة السباعى


هوا ده السادات

لكن نفتكر لما المنتخب الجزائرى ضرب المنتخب المصرى فى عقر داره فى استاد القاهره 1984
عنتر بن شداد ولا عمل حاجه , بالعكس حماهم لحد ما روحهم بلدهم


و فى ليبيا لما قاد معمر القذافى جبهة الصمود و التحدى ضد زيارة السادات للقدس و قام بتعذيب و سجن الرعايا المصريين فى ليبيا ... ارسل السادات طائرات حربية و دكت اكبر قاعدة حربية فى ليبيا و ساوتها بالارض دون ان تقتل مدنى واحد ... و بعدها التزمت ليبيا الادب بعد ان عرفت من هى مصر

هوا ده السادات


السنه اللى فاتت السعوديه حكمت على طبيبين مصريين ب1500 جلده وده مش موجود فى الشريعه الإسلاميه

وحتى ضد حقوق الإنسان

عنتر بن شداد سكت وقال يستاهلو

ده الفرق بين السادات وبين عنتر بن شداد

يرحمك الله يا سادات

i miss u

[admin]

مشكور ليك كونان


فينك من زمان