|
اضحك من قلبك تعالوا نفك عن نفسنا ونفرفش |
|
أدوات الموضوع | إبحث في الموضوع | انواع عرض الموضوع |
#1
|
|||
|
|||
سومه والعفريت...ههههههه
بسم الله الرحمن الرحيم**)**)
العفريت : نياهاهاهااااااا شوبيكى لوبيكى خدامك بين ايديكى سومه: بسم الله الرحمن الرحيم لا حول ولا قوه الا بالله ... صلى ع النبى كدا يا خويا حد قالك عاوزه انا خدامين... بعدين متنفش ريشك قوى كدا لتفرقع يا خويا ولا يطقلك عرق....دا العمر مش بعزقه... العفريت: ييييييييه كل مره اقولهم بلاش ستات الكلمه يترد قصادها ميه وا غبيه يا معين يا رب ...اتطلبى وانا انفذ يا ستى ...وانجزى بقى خلصينى سومه: ياحلاوه يا ولاد دا عامل زى عفروتو بتاع المرسحيه قصير واقرع .... سومه:هع هع هععع يطولها ؟؟؟ اذا كنت انت نموك وقف على الحجم دا دا انت ولا خاتم سليمان يحوق معاك.... بقولك ايه اما انت تعرف تنفذ طلباتى طيب ما تطول نفسك شويه ولا تطلعلك شعر العفريت:يا ستى انا عاجبنى منظر اهلى كدا اطلبى السبع طلبات بتوعك وانجزى دا هى مجيه سوده سومه:الله مالك كدا ياخويا من ساعه ما جيت وانت نازل تنأويز ...على ايه يا حسره ....امال لو طويل حبتين... وعمال خدامك ومش خدامك العفريت :ماشى يا ستى انا اسف ...مش حتكلم حسيبك لضميرك الاسود ابوس رجليكى اطلبى انا ورايا ابنى لازم اعدى اجيبه من تدريب الزحلقه ع السحاب سومه:اهى ى ى لا هو انتوا عندكم ولاد العفريت :امال يعنى بننقرض سومه:وانت من اى قبيله اتيت....بس عرفتك تكونش بتاع كارتون السنافر.... شاطره يا سومه والنبى طول عمرك نبيهه يا بت العفريت: دى حتغلط بقى انا من الجن الابيض يا ستى خلصى سومه:هههههه العفريت رطن بالبلدى العفريت:طيب تحبى تسافرى وتلفى العالم سومه:يا نصيبتى اخرج من بيتى فى غير علم سى بطيخ دا كان يقتلنى... ثم انا ميهونش عليا زعله.... ثم يا خويا الف العالم فيه ايه زياده عن اللى فى بيتى سى بطيخ مكفينى وجايبلى كلشن كان. اه امال ايه.؟؟؟ العفريت:طيب تحبى اخلصك من سى بطيخ نفسه سومه:يا خويا بعد الشر تف من بقك ان شاء الله انت وميه زيك .... هو صحيح عينه زايغه....ولسانه طويل وايده باطشه....وجزمه ديما طايره .... بس الست مننا ايه منغير بطيخها ....والعيال مين حيشيلهم مين يشيل مشاكلهم.... العفريت :انا زهقت منك... مش ممكن واحده معندهاش ولا طلب.... طيب اسمعى اجيبلك ذهب ياقوت مرجان..الماظ.... سومه:هههههه شوف العبيط سى بطيخ جايبلى شبكه جوا دبله ومحبس وحتتين غوايش وسلسله ما شاء الله... عبيط يقولى مرجان ....لا وعايز يضحك عليا بحته ازازه ويقولى عليها ماس و مرجان طيب دى راحت ولا جات ازازه....بس متلمعه ..اما عفريت خرع بصحيح.. طيب انا حريحك ...لو حزفت اجابتين انا ممكن اقولك الاجابه الصح عدل العفريت:هو انا جورج قرداحى ...تحزفى اجابتين جديده دى سومه:خلاص انا عرفت سياتك تبقى مين العفريت:الحمد لله وحتطلبى بقى خلاص مش كدا سومه:اه يا خويا...زيع زيع انا معنديش ايتوها مانع مش انتوا بتوع الكاميره الخفيه العفريت:يا خوااااااااااااااااااتى انا حعتزل المهنه انا شوفت كتير وقليل لكن غبيه وبارده ومبتفهمش ثلاثه فى واحد انتى حطمتى القواعد سومه:طبعا يا خويا نحن نختلف عن الاخرين ونزيد كانت معكم سومه العصر الحديث |
#2
|
||||
|
||||
ثلاثه فى واحد
دى العبوه اللى بتوفر هههههههههه انالومكان العفريت ده كنت انتحرت اساسا دا سبحان من صبره عليها هههههههه ال سومه العصر داكان ناقص يشد فشعره الاقرع منها هههه بس حلوه يالمحه جميله جدا تسلمى
__________________
"... ظـ ل ـم الدنـ ي ـا..." "...الظـ ل ـم مالـــــي الدنـ ي ـا..." والعـدل مالوش مكــــان الـ ن ـاس كلهــــا خايـ ن ـة والانســان مبقاش إنســان ظـ ل ـم النــاس للـ ن ــاس عـــــدى حدوده خــلاص لابقـى فيه إخـــــــلاص "ولا بقـــــىفيه أمــــــان" |
مواقع النشر (المفضلة) |
الكلمات الدلالية (Tags) |
سومه, والعفريت...ههههههه |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
فوك يا عم واضحك؟؟ههههههه | hadeer | اضحك من قلبك | 10 | 2010-04-04 08:39 PM |
اغبى عمليه انقاذ فى التاريخ ههههههه | الفرعون العاشق | اضحك من قلبك | 11 | 2010-02-28 05:33 PM |
بدلتي احسن من بدلتك (مسابقة).........ههههههه | yousef eldeep | عالم ادم | 15 | 2009-12-02 11:20 AM |
ههههههه اغاني الراب...محشش فاهم كل حاجــة !! | yousef eldeep | اضحك من قلبك | 6 | 2009-11-26 02:39 PM |
باركولى وهنونى بقيت خضرة ههههههه | manolly | منتدى الترحيب والاهداءات | 8 | 2009-09-14 01:03 AM |