تفتكروا ليه نسي الفوطة!!!!!

[manolly]

طبعا كلنا عارفين حكاية الدكتور اللى نسي الفوطة في بطن مريض
اسيبه هو يحكيلكم حكايته بنفسه

ناس واقفة بتتريأ ومبسوطة ......... وناس تانية بتستغرب ومنقوطة!
ليه الدكتور نسي الفوطة
وهو يا عيني كان واقف ............ ووشه أحمر ولا القوطة
و قال يا جــماعة سامحوني ............ وقبل ما تيـــــجوا تلوموني
تعالــــوا أحكيلكوا أنا حكايتي ............. وبعديها إبقوا حــــاكموني
سنــــين فـاتت في ثانــــوية .............. كفاح دامي وعــرق ودموع
وبعد المعركـــــة الحــــامية............ قدرت انجح واجيب مجموع
أخيرًا حلمنــــــــــا اتحقق ............ هخش الطـــــب وادكــــتر
رســـــالة جميلة ومعــاها ......... مقام عالي وفلوس أكـــــــتر
وجاتلي بطاقة الترشيـــح... فيها الطب اللي بحــــــلم بيه
بتاع البوسته جابهــــالي .... وخدله حلاوة عشــــرة جنيه

في أول يوم لــبست جديد .......... وشلت البالطو رحـت لاقيت
زمايلي اتحـشروا في مدرج........... عامل ولا عــــلبة الكبريت
ولكــن برضه مايئستش

دخل دكتور قعد يشــــــــــرح ..... كلام كــــان صعب ولاتيني
وانا متنـــح ومـــش فــــــاهم ...... لاقيت النــــــــوم غلب عيني
ولكــن برضه مايئستش

و قلت مادام ضــــاع النظري .......... هظبّــــــــط نفسي في العملي
جريت عـالمشـــرحه بسرعة ........ لكن كالـــــــــعاده خاب أملي
دخلـــــت لاقـــيت 200واحد ... بيتخــــــــانقم على الجـثـة
وناس واقـــــــــفة من الزحمة ... على كتافـي ومـــش حاسة
ولكــن برضه مايئستش

وطبــــعًا حسّوا بظــــروفنا ........... وحطّولنا امتــــــحان فوازيــر
وكل أما آجي أحــل ســؤال........ أقف أدامــــــه زي الــــــزير
ولكــن برضه مايئستش

وجينا في لجنة الشـــــــــفوي... وكان أدّامي واد كــــــــــوسه
خد الfull mark مـ الدكتور.. وخد فوقهـم كــمان بوسه
ولكــن برضه مايئستش

دخلت انا قام مكـــشرلي ... كإن أنــا مش hu*** race
سألني سؤال ماردّيتشي.. وقاللي أخرج ياhopless case
ولكــن برضه ما يئستش

سنه بتمشــي وســــنه بتيجي ... مقـــالـــب بعـــدها مقــــــالب
زمايلي إتعينوا و قبـــــــضوا ... وأنا شايـــــل لـــــــقب طالب
ولكــن برضه مايئستش

كبـــرنا شـــويه وقــــالولنا... خلاص دلوقتي شوفوا حالات
و رحنــا نشوف وكالعاده... دا كله بيطلع إشتــــــــــغالات
ولكــن برضه مايئستش

بشوف الشاب من ســني... واقـــــــف ويّا الصحاب مرتاح
و لــو عديـــــت أنا يقولــوا... راح الدحّـــاح، جه الدحّاح
ولكــن برضه مايئستش

لحد ماخلصم السبـــــعة ... وقلت خلاص هروق وهعيش
و قبل ما أفوق من الصــدمه... خدوني عشان أخـش الجيش
ولكــن برضه مايئستش

وقعت هناك في إيــد ظابط ... ظغرلي وقال يا بســـــكوته
أحب أبـــــشرك إنـــــك ... معــــايا هتطـــــــفح الكوته
ولكــن برضه مايئستش

خلاص السبعة بقوا عشرة... ولسه أنا ماشي جنــب الحيط
و بان السن علـــــى وشي ... و شعري إبيـّض وإصلعيت
ولكــن برضه مايئستش

[follow me]

انا معاكى طبعاّ فى الفيلمـ المعروف ده بالنسبه لطلبه الطب
بحس ان قطر الدنيا بيفوتهمـ .. يمكن قصدى ع اللى نفسهم يعيشوا حياتهم
مبيعرفوش خالص و قتهم مليااااان ع الاّخرو بعد ذل 7 سنين يتاخد 3 سنين ع الجيش
و ده عشان بيستفيدوا من التخصصات و زيهم برضه اللى فى هندسه
طبعاّ لو حد فى تجاره او اّداب او حقوق بيكون اتجوز و يمكن خلف و طبعاّ فى اللى ربنا كرمه ولقى شغل و فى اللى لسه مش لاقى
مش بقلل من أى حد لأن محدش اقل من حد ولا حد اعلى من حد .. كل المجالات مكمله لبعضها و عشان كده مينفعش الناس كلها تبقى دكاتره او مهندسين



طب نعمل و النتيجه ايه ..

ياترى العمل اننا نسكت و نتأقلمـ
و ياترى النتيجه هى ضحيه ملهاش اى ذنب


؟؟؟؟؟؟؟؟؟؟؟؟؟


شكراّ يا MaNollY

[manolly]

لا طبعا مش هنستسلم لحد ما نلاقى ضحايا
بس يرألإوا بحال الطلبة شوية
اكيد مش هيقللوا المناهج
بس متبقاش مكثفة اوى كدة
يعنى يدرسوا 5 اضعاف مناهج الكليات العادية في نفس الوقت ونفس مدة الترم والامتحانات
لازم يبقى ليهم وضع خاص في الترمات والمناهج عندهم

بجد ليهم الجنة عاللى بيشوفوه



ميرسي لمرورك

[احمدينيو]

معاكي حق يا مانوللي
بس لو على العمر اللي بيضيع
يبقى اللي عايشين في اوروبا حقهم يسيبو الطب احسن
الطب برا 10 سنين
بس هي مش مسأله عمر
هي مسألة ضمير دا رأيي

بس توبيك جميل اوي يا مانوللي تسلم ايدك بجد

[manolly]

فعلا يا احمد
لو قعدت اذاكر 10 سنين بس اتخرج وانا تمام اوى واعرف اؤدى عملى بضمير يبقى تهون ال 10 سنين
لكن ادرس كل ده في سنين قليلة ونلاقى ضحايا
يبقى ده مش علم

ميرسي احمد لمرورك