|
|
|||||||
| عالم ادم حوار هادف مفيد بدون تجريح |
 |
|
|
أدوات الموضوع | إبحث في الموضوع | انواع عرض الموضوع |
|
#1
2009-11-03, 09:40 AM
|
|||
|
|||
اوعى تقف لبنت فى المترو
بسم الله الرحمن الرحيم
مساء الجمال يا شباب نخش ف الموضوع ع طول ياجماعة احنا لازم نعمل وقفة .. من اللى هيه كده دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع، والأخت إيناس الدغيدى تطلع تقول ان الراجل همجى مش بيعرف في المرأة غير جسمها، والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ..حوش شعرك عشان نشوف جمال عقلك يا قمر والواحد بقى يكلم صاحبه وهما شايفين بنت ماشية..شفت ياد العقل اللى لابس أحمر ده؟؟ !! كل الكلام ده ماشى والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان !! والأخت العزيزة سعاد حسنى تقول البنت زى الولد ماهيش كمالة عدد..ومش عارف مين قال ان البنت كمالة؟؟ !! البنت طبق كشرى بحاله من الكبير ابو تلاتة جنيه.. زيه زى الولد بالظبط والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه !! طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتوا المشكلة بقى مادام بيقولوا البنت زى الولد.. ليه الولد بيقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى الولد لما يركب المترو كام مرة في اليوم وكل مرة اكتشف انه لازم اقف عشانهم تبقى مشكلة يدخل المترو في أمان الله ويقعد بعد جهد جهيد وهو شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامه بالظبط وتعلـّى صوتها وتقول لصاحبتها: معدتش باقدر أقف كتير يا سنية.. ترد عليها زميلتها واللبانة ف بقها: ومين سمعك يا حبيبتشى.. الدكتشور قال لى انى لو وقفت على رجلى خمس دقايق هارجًّع ع اللى قدامى علطول وللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه اواد المحترم الغلبان هيقوم يبوس ايديها انها تقعد مكانه.. والله لو خلعت شعرها كله وادتهولك على سبيل المقايضة زى قدماء المصريين..برضه مش اوعى تقوم وبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟ ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا انما الرجالة بتموت من سكات!!!صلاة النبى طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتستيك..صلاة النبى.. انتى عمرك ماشفتى راجل ياضنايا؟؟؟مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل والبنت اللى في الجامعة آه لو شافت راجل في المترو.. هيغمى عليها من الخضة.. ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟ أيوة مادام فيه مساواة تبقى ف كل حاجة. . زى ما الولد بيشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالته يعنى عادى ..ومادام فيه مساواة ولازم نتعامل مع عقل البنت.. يبقى بلاش تلعب فى شعرها وتورينك دايما انها بتحط هيد أندشولدرز ضد القشرة عشان تقم..لأنها زى ما بتحط هيد أندشولدرز الولد بيحط برضه هيد أنشولدرز ومن الحجم الكبير كمان أبو عشرين جنيه.. انا مش بقول انك متقمش خالص .بس قوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟ وكمان شوف الموقف ده.. بقى ينفع الواد يقف عشان واحدة ست تقعد..ويقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى ؟؟؟دا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم: ألف ليلة وليلة.. قصة كل ليلة..احكى ياشهرزاد.. احكى لشهريار وللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة.. طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمرا القاعدة الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى محدش بيأيده. .بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية.لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك الطيب خد معاك وانت راكب المترو ..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعد خد معاك مطوة عشان لو قلبك الطيب خلاك تقعَّد واحدة منك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق حكمة الموضوع .. ( بالنحوي ) تجلس البنات في المترو يقف الشباب في المترو إن البنات مفتريات إن الشباب غلبانون منقوله 
|
|
#2
2009-11-03, 10:10 AM
|
||||
|
||||
هههههههههههههههههههههههههههههههههههه
ايه يا لمحة حب ده انتى داخله داخله جامده اوى فى الفيرجن بتاعك مش انتى بنت زيهم برضه بس ايوه كده علشان تعرفوا قد ايه الشباب غلابه هههههههههههههههههههههههههههههههههههههه تسلمى يا لمحه على موضوعك
|
|
#4
2009-11-03, 01:10 PM
|
||||
|
||||
|
أولاً موضوعك جميل
وأشكرك على تأييد موقف الرجاله مع انك بنت ومنهم بس خلي بالك بقى من البنات اللي هنا ياترى هيوافقوقي ولا ليهم رأي تانييييي  واسمحيلي أعلق ع الموقف ده اقتباس:
بصي
أنا كنت نازل مصر وكده رايح نادي الزمالك وكان يوم نهائي أمم 2008 مصر والكاميرون وقلنا نشوفه هناك وكده المهم انا هركب من كلية الزراعه ونازل حسني مبارك عشان أغير المترو وكنت بقالي كتير مركبتوش ومكنتش أعرف انهم نقلوا عربية السيدات وبقم في النص وأنا واقف ركبت عادي أول ما دخلت لقيت العربية هسسسسسسسسسسس وفاضياااااااااااااه وستات بس وكل العربيه بصت ع اللي داخلين من الباب انا استغربت وقولت عادي ومجاش في بالي مش مدي خوانه لا أنا ولا صاحبي ببص على شمالي لقيت 3 رجاله كبار في السن وقاعدين وبيقروا في الجرنال قعدنا جمبهم بشوة المهم المترو طلع ولقيت الستات برده بصين وراحت واحده منهم قالت دي عربية الستات انتوا قاعدين هنا ليه أنا بصطلها ونفضتلها بصراحه ومحدش عبرها راحت واحده تانيه متكلمة وقالت لو سمحتوا يا جماعه دي عربية السيدات فقط مش للرجاله قولتلها هيا مش كانت قدام قالتلي ماهي اتغيرت والبنت ايه زي ما انتي بتحكي عنها كده شعر ولبس واستيل استيل وعلى رأي أحمد عز تلاجه تلاجه قولتها أوكي احنا شويه وههننزل وقعدنا كلنا زي ما احنا محدش اتحرك ولما المحطة تيجي محدش ينزل ماهو من نفسنا مره قاعدين على راحتنا وأنا بصراحة قاعد ومحتمي في الــ 3 رجاله الكبار اللي معايا أنا وصاحبي وقولت دول اللي محدش هيكلمنا عشانهم ومره واحده اتكلمت نفس البنت تاني اظاهر انها كانت المتحدث الرسمي بتاعت عربة السيدات قالت لنا انتوا والمترو قرب يقف في المحطة انتوا عارفين ان فيه غرامه 50 جنيه للراجل اللي يركب عربيه السيدات وفي نظرة غريبه كلها مكر وانا بصراحه خايفة عليكوا انا نفضت وقولت طظ فيه ناس كبيره معنا مش معقول حد هيحرجهم وراح المترو واقف لقيت التلات رجاله الكبار انكفوا فوق بعض على الباب وبيزقوا في بعض مين ينزل من المترو الأول وميتقفشي ويدفع الغرامه وراح المترو قافل بعد ما نزلوا جري وغيروا العربيه ومنهم يا ولداه اللي ملحقشي يركب عربيه تانيه وفضلت أنا وصاحبي في العربية معاهم بعد ما صاحبي ملحقشي ينزل والباب اتقفل عليه وهوه لسا جوه كان هيبعني الواطي ويسبني لوحدي معاهم ههههههههههههه المهم قولتله تعال أقعد احنا لازم نخرج من العربية دي واحنا منظرنا شيك قالي ازاي قولتلوا ملكشي دعوه انت لما اجي اقوم قوم معايا قالي ماشي ولقيت البنت نفسها بتبصلي ماهو خلاص الرجاله الكبار الللي قال ايه كنت معتمد عيهم جريوا بصتلها وقولتلها ع العموم احنا نازلين المحطه الجايه وميرسي وميرسي ليكي انك نبهتينا ردت ردت جميل أي خدمه وعادي محصلشي حاجه أكن المترو بتاع باباها يعني ما علينا وقف المترو ونزلت أنا وصحبي بهزة دماغ واحنا نازلين تعبيراً عن الشكر بابتسامه انتوا عارفينها  وطبعاً مكنتشي محطه حسني مبارك كانت اللي قبلها وركبنا عربيه تانيه وطلعت عربية الرجاله المرادي الحمد لله فضلت لنا حاجه منهم وبرده مليانه بنات وستات بس عادي بقى دي بتاعتنا وخلص اليوم وقعدنا يومين تلاته هناك واحنا راجعين ونركب المترو كنا شباب كتير وكده والمترو كان مووووووووووووووووت ركبنا عربيه وكل شويه دخلوا من مكان وكانت برده عربيه للسيدات بس المرادي ايييييه موووووت رجاله على ستات ووقف المترو ونزل السواق وقال مش هتحرك غير ما كل الرجاله تتطلع من عربية الستات والرجاله أبداً مش هنتحرك ورد عليه واحدج صاحبي وقاله أنا هنزل بس بشرط السواق قاله ايه قاله تروح تنزل كل الستات من عربية الرجاله وبعدين احنا نزل السواق سكمن بكمن وخد بعضه وراح ركب المترو ومشي تاني وانتصرنا ولو لمره واحده عليهم في المترو و\\ وعلشي طولت عليكم حكايتي مع عربة السيدات سلامو عليكم ويتنج يوووووووو سي يو ليترررررر
__________________
افضل 15 مشارك    وكلب إذا ضرب الحذاء بوجهه.... صرخ الحذاء بأي ذنب أضرب
|
|
#5
2009-11-03, 02:33 PM
|
||||
|
||||
|
انا لو مكانك برضه يا جوست هنفض بدال فيه مساواه يبقوا يساووا بقى
|
|
#6
2009-11-03, 07:13 PM
|
||||
|
||||
|
منورة الماجيك يا لمحة حب
وايه الدخلة الجامدة دى إحنا كده خلاص هنعلن الحرب يلا كل واحد يجهز سلاحه بجد الموضوع ممتاز جداً وده الكلام اللى بنحاول نقوله دايما متسبش حد يلعب بدماغك ونسيبنا بقى من كلام التليفزيون وحقوق المرأة والمرأة ضايع حقها والمساواة الكلام الفاضى ده كله ... اللى بيتعبنا احنا فى الاخر هو كل واحد ليه دوره اللى المفروض عليه مانحاولش بقى نغير فى كل حاجة ماهو ده اللى بيبوظ الدنيا بداية متميزة يا لمجة حب ومنتظرين المزيد 5/5
__________________
رأيت الهَم في الدنيا كثير ... وأكثره يـكون مــن النساء فلا تأمن لأنثي قــط يوما ... ولوهبطت عليك من السماء 
|
|
#7
2009-11-03, 11:23 PM
|
||||
|
||||
|
قشطا عليكى يا لمحة
انتى مية مية ايوة كدة خديلنا حقنا احنا غلابة ههههههههههههه تسمى يا عسل ع الموضوع الجامد ده
__________________
أتعلمين أن القمر يغار منك والشمس حينما تراكى تذهب لتجعلك بنورك الساطع وجمالك الرائع أن تنيرى لنا حياتنا..... كنت أسير فى طريق مظلم لا أرى فيه الا الوحدة والكآبة والحرمان ولكن بعد فترة رأيت نورا من بعيد أعاد لى الأمل من جديد وشعرت أنى أملك كل شئ فى هذه الدنيا ولكن بعد فترة رأيت نورا من بعيد أعاد لى الأمل من جديد وشعرت أنى أملك كل شئ فى هذه الدنيا وترسمت على وجهى سعادة لم يرها أحد من قبل...... 
|
|
#9
2009-11-06, 08:06 AM
|
||||
|
||||
|
اقتباس:
وبجد موضع جامد جدا جدا وكلكلمه فيه عايز تعليق مش كل فقره وعندك حق والكلام ده مش فىالمترو وبس ده فى كل المواصلات بيحصل كده بس يكمن المترو مختلف علشان موضعالعربه المهصص للسيدات وانايما حصل معايا مواقف من ذلك بس فى القطار والاتوبيس بس كانت بتعدى وربنا يستر ميرسى ليكى على الموضوع وفى انتظر كل جديد
|
|
#10
2009-11-06, 09:05 AM
|
||||
|
||||
|
رد
اللللللللللللللللللللللللللللللللللللللللللللللللل لللللللللللللللللللللللللللللللللللللللللللللللللل لللللللللله
الحمد للة لقينا واحدة تعترف بحقوقنا قبل ما البنات ياخدوا حقوقنا كلها ونعد في البيوت وعلي فكرة اللي انتي قولتي عليهم في الاول ملهمش غبر الولعة دول ملهمش رجالة
__________________
|
|
| مواقع النشر (المفضلة) |
| الكلمات الدلالية (Tags) |
| لبنت, المترو, اوعي |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عصابة بنات الماجيك...اوعى وشك | manolly | عالم حواء | 154 | 2010-06-26 08:42 PM |
| لما ركبت المترو | ahmed.dodo | المنتدى العام | 3 | 2010-03-25 09:49 PM |
| اوعى تتجوز واحده شعرها طويل | vindiesel | المنتدى العام | 9 | 2009-12-15 03:33 PM |
| اكتب اسمك واسم اللى بتحبه بس اوعى تخاف !!!!! | انازوتي | اضحك من قلبك | 1 | 2009-09-23 06:33 PM |
| اضحك كركر.... اوعي تفكر | تقوى الروح | اضحك من قلبك | 14 | 2009-07-15 11:34 PM |
العرض العادي
