|
|
|||||||
| المنتدى العام للنقاش الهادف والبناء والمواضيع العامه |
 |
|
|
أدوات الموضوع | إبحث في الموضوع | انواع عرض الموضوع |
|
#1
2009-12-02, 01:13 AM
|
||||
|
||||
إزاي تقدر تبعد وتنسي؟؟
كام واحد ممكن يكون حس ان حياته انتهت بسبب ان فيه طرف كان فيها وكان جزء أساسي ومشي وبعد عنها؟
أنا مش بتكلم عن الموت بس بتكلم عن انك تكون / تكوني بتحبي حد أوي أوي وفجأه تبقي قدام أمر واقع انك لازم تنفصل عنه وتكمل حياتك لوحدك؟ أنا مش عارفه لو انت عارف ده فعلا بس غالبآ ده حصلك انت شخصيآ فيه ناس فينا كملت وعدت الموضوع وناس اتألمت بشكل مبالغ فيه بتحصل ممكن تكون حاولت تكلم حد بس واجهتك مشكله ان ممكن الناس تتريق عليك او ممكن يكون ف حد ف دماغك مش قادر تنساه مع انه بعد ومشي وسببلك جرح ومع ذلك انت عارف انك ممكن ترجعله تاني لو بس حاول معاك... انت ممكن وممكن متكونش ادركت اهم حاجه ف الموضوع ان الحب اللي بينتهي بانفصال مكنش حب من البدايه لأنه لو كان الحب ده حقيقي كان زمانه اكتمل مهما كانت الظروف او التحديات او المواقف والمشاكل اللي مريتوا بيها محدش فيكم السبب وليام بليك قال انه الضحيه هو الشخص اللي بيبقي عارف انه هيتعب وهيفشل ومع ذلك موافق انه يدخل فى تجربه وهو عارف أخرتها إيه......انت تعبت كتير وفكرت كتير وساعات مكنتش بتعرف تنام من بيعد كان قلبك بيدق ونفسك تجرى عليه وفى نفس الوقت بتبقى عارف ان فيه حاجه منعاك انك تروحله وده معناه انك قررت من جواك انك تبعد علشان انت عارف ان القرب بينكم مستحيل بس ديه حاجه انا وإنت عارفينها بس فيه جرء من جواك مش راضى يدرك ده لحد دلوقتى لأنه مش فاهم قوانين البشر ومش عارف يتآلف معاها ويصدقها الواحد يقدر انذ عارف انه يبعد بسهوله ويستمر بحياته ويحب تاني وتالت ورابع وعشرين وانت مش مضطر انك تحب تاني وتدور علي حب تاني ينسيك حبك الأولاني لأنك مش لازم تحب حد تاني علشان تنسي الاولاني قبل ماتعرف تحب تاني علشان كده بتواجه اغلب الساس اللي مروا بالمشكله دي مشكله أكبر بيبقي قدامه كذا فرصه للإرتباط وبيحاول انه يدخل معهم بس بيكتشف انه بيفشل كل مره ويترجع السبب للطرف التاني الغير متفاهم أو المجادل أو او او ويبدأ يقول اسباب ملهاش حصر بس لمجرد انه مش عايز يعترف انه هو شخصيآ مش قادر ينسي.. لما وقعت ف نفس المشكله قابلت واحد وقالي"وداويني بالتي كانت هي الدواء" قولتله ازاي؟ قالي انجحي واشتغلي وتكملي وانسي الماضي واللي فات حسيت ان كلامه دخل جوايا أنا مش عارفه لو الكلام دا بيلمسك انت كمان ولا لأ؟ واحتمال انت شخصيآ متكونش عارف بس الواحد مبيبقاش عارف ايه أنسب حاجه ليه ف كل وقت إلا بعد ما ياخد قرار وبعد فتره يبص تاني ويقول انا كان المفروض اعمل كذا وكذا احتمال تكون عايز انك تنساه دلوقتي وتبدأ تاخد حياتك لمكان احس واجمل وافضل من غيره بس أنا مش عيزاك تعمل دا بسرعه دلوقتي وتاخد قرار دلوقتي الا لما تكمل قرايه لو قريت للأخر ساعتها تقدر انك تلتزم بقرارك مهما كان ولما تلتزم بيه هتكتشف انك وصلت لدرجة الفهم وفي النهايه هتلاقي الموضوع بسيط وسهل انا مش عارفه انت هتقرر انك تنسي دلوقتي ولا انك تبدأ تفهم الأول انت محتاج تنسي ليه؟ خليني اسألك سؤال إيه اللي هيحصل لو بعد 10سنين م دلوقتي وبعد ما تكون فهمت وخدت قرار انك تكمل حياتك بقوه؟ تخيل هتبقي عامل ازاي بتفكر ازاي شغلك حياتك الاجتماعيه/النفسيه/الشخصيه ساميها زي ماتساميها بس عارفه انك هتبقي افضل م كده بكتير خليني أقولك علي سر الواحد يقدر دايما انه يفهم ولما يفهم يبدأ يحس ان الموضوع بعد ليه بقي اسهل بكتير مش كده. وعلي رأي المثل "إذا عرف السبب بطل العجب" حاجه عامله زي عجله بدور ومبقاش ليها فايده انها تدور تاني وتيجي انت تدرك انها لازم تقف فتقولها أقفي مش هقتف لأنك انت اللي دورتها من بدايتها لازم تدخل منك علشان تبدأ توصلها فكرة انها لازم تقف ومهمتها انتهت ساعتها هتبدأ تهدي لحد ماتوصل انها تقف تماما بأمرك إنها تدور تاني م اول وجديد بحب جديد وبفكرمختلف لأنك لو حاولت إنك تودي العجله اتجاه مختلف هتروح ف الاتجاه اللي انت عايزه بس ساعتها لو كانت الدايره بفكره قديمه هتكوه قوه الدفع بتاعتها الفكره القديمه لأنها متنستش ومنتشهتش فلما توصل للمكان اللي انت تحدده هتحس ان دا مكانها لأن الشخص دا مكنش موجود م البدايه أنا موافقه انه صعبه النسيان لأني جربته بنفسي بس كل حاجه صعبه بتكون سهله ف النهايه لما بنكتشف اننا حققناه فعلا صح ولا لأ؟ علشان اللي مموتكش بيفوك فدا معناه تقدر دايما تحس م اي أثر لأي علاقه قديمه وم اي حد أذاك وزي مشاعرك وزي ماحصل ف حياتنا قدل كده انفصلت عن حد كان اهم بسببه وبتبدأ العجله تقف ولو حاولت انك ترجع الفكره تاني علشان العجله تتحرك تاني هتكتشف ان الفكره مش كفايه وان العجله مش كفايه وان العجله مش هتدور لنفس الشخص مرتين أنا مش عيزاك تنسي لأن النسيان مش هو الحل بس ساعات بتكتشف اننا نسينا م غير ما تقرر تنسي مين وفين وامتي وازاي تنسي دلوقتي ولا بعدين وليه نحاول ننسي والنسيان نفسه شئ عادي جدا بيحصل كل لحظه وكل يوم ،كل ثانيه وكل دقيقه بتنسي بتنسي تاكل وبتنسي حاجات مهمه جدآ وبتنسي اقرب الناس ليك وبتنسي انك تعمل اي واجب عليك وبتنسي وبتبقي عارف انك فعلا نسيت حاجات مبتتنسيش خليني اقوف فزوره، لو قدامك 3حبال مربوطين بعقده ومحتاج انك تقطع العقده اللي بينهم هتختار ايه تقطعهم بإيه؟ هتختار عقلك ولا السكينه؟ مش محتاجه تفكر كتير عقلك لأنه هيقولك تختار السكينه اللي هتقطع بيها الحبل وتخلي 3حبال لوحدهم بشكلهم الطبيعي اللي كانو عليه مفيش مشكله ملهاش حل ومفيش سبب يخليك تحتفظ بحاجه انت عارف انك مش محتاها ولازم تتخلص منها دلوقتي حاجه وحشه مش كدا برضه بقولك تاني انك بتتحسن مع كل يوم يعدي عليك بتعرف انك اقوي من اي حد تاني غيرك قالي نفس الكلام وبقيت احكيله قصه لما انتهيت منها قالي غريبه ان الواحد يتمسك بالبشر ويدعي ف نفس الوقت ان ربنا يحميه منه قولتله إيه القصه؟؟ قالي من ألوف السنين كان بيعيش مخلوق اليف بس شكله مخيف كانت الناس بتهرب منه وكان اسمه عباس وسنه اكتر من 300سنه ف الوقت اللي الناس كانت بتعيش فيه كتير كان فيه امير بيحكم البلاد امر الوزرا والعباد انهم يجيبولوا المخلوق لحد عنده يستجوبه انت ليه شكلك كده رد عليه بالشكل دا "انا من سنين كنت اجمل م الناس لحد ماقابلت حد خنته وسبته ولما سبته لعني وبقي شكلي كدا " ولأن كل واحد يقدر انه يسيب زي ما قدر انه يمسك فالمخلوق اختار انه يسيب لما عرف انه مكنش يقدر يكمل ويمسك بس التاني مفهمش ده رد الأمير وقاله واللي يكسرلك لعنتك ويخرجك؟ قاله أحبه وابقي دايما معاه ف أي مكان يبقي فيه قاله غمض عينيك وتخيل نفسك ماقبلتوش م زمان وما قد كان يظل ف الحسبان. صحي عباس وعرف انه مبقاش مجرد مخلوق ضعيف ولا حتي شكله مخيف بقي جميل ومبسوط وحضن الأمير وقاله أنا مكنتش ملعون أنا اللي خليت اللعنه ليها قوه عليا لما مسكت فيها وقررت اني أتبناها واعيش جواها ولماسمعتك بتكلم فهمت سر مكنتش فاهمه م زمان سألت هو ايه ؟وايه الرابط بيني وبين القصه؟؟ احتمال متكونش عارفه دلوقتي بس انا متأكد انك هتعدي عليه لحظه وهتفهمي ايه كان الرد ساعتها هتعرفي ايه اللي تختاريه علشان تفكي الرابط بيه واحتمال انت كمان تكون عرفت ازاي تقدر تفك الرابط اللي بينك وبين أي حد لازم تنساه واحتمال متكونش ادركت لسه الطريقه لكدا بس جواك ف مكان ما في حاجه فهمت واقتنعت وهتبدأ تاخد موقف وقراراتك أنا مش عارفه انت هتحس بالإختلاف دلوقتي ولا من اول النهاردا ولا لما تنام وتغمض عينيك وتصحي وتحس انك بقيت فاهم اكتر وعارف أكتر عن حياتك نصيحتي ليك انك تسامح وافتكر دايما الذكريات الكويسه مهما كانت ساعتها أي الم هتحسي بيه هيختفي وهتكتشف ان اللعنه انكسرت والعقده انحلت ورجعت لنفسك زي زمان احسن واجمل وأقوي من أي وقت ثاني... متأسفه ليكم ع الإطاله وشكرا لحسن الاستماع إهداء خاص ل.......
__________________
التعديل الأخير تم بواسطة karmen ; 2009-12-05 الساعة 05:32 PM 
|
|
#3
2009-12-02, 11:28 AM
|
|||
|
|||
|
ميرسي يا لمحه ع الكلام الجميل تسلم ايدك ياقمر
__________________
افضل 15 مشارك   انا ليه ساكته عليه انا ليه سايباه يتقرب مني ضعيفه قصاد عنيه مع اني انا مش كده وده جنني كل اللي يقول عليه بقي حلو علي قلبي ليه سلمت خلاص باينلي يظهر ده اللي اسمه ايه انا طول الوقت مكسوفه اجي اتكلم بتغلبط ليه مخبيه اني ملهوفه مينفعش ارمي نفسي عليه بجد بجد مش عارفه ايه ده اللي انا فيه انا ليه بالي طويل وياه مش قادرة استني ثواني وعرفت سهر الليل وبقيت اسهراسمع ف اغاني من يومي مشغوله بيه ف نومي محلمش الا بيه سلمت خلاص باينلي يظهر ده اللي اسمه ايه انا طول الوقت مكسوفه اجي اتكلم بتغلبط ليه مخبيه اني ملهوفه مينفعش ارمي نفسي عليه بجد بجد مش عارفه ايه ده اللي انا فيه انا ليه ساكته عليه انا ليه سايباه يتقرب مني ضعيفه قصاد عنيه مع اني انا مش كده وده جنني كل اللي يقول عليه بقي حلو علي قلبي ليه سلمت خلاص باينلي يظهر ده اللي اسمه ايه .gif "A (130)") 
|
|
#4
2009-12-02, 03:28 PM
|
||||
|
||||
|
اقتباس:
ومنور الموضوع
__________________
|
|
#5
2009-12-02, 03:34 PM
|
||||
|
||||
اقتباس:
بس للأسف أنا مش لمحه أنا ملاك نورتي الموضوع يا أميره ومنوره المنتدي
__________________
|
|
#6
2009-12-02, 05:53 PM
|
||||
|
||||
|
تسلمى ياملاك على الموضوع الجامد دة
__________________
قوانين منتدى الديكور مركز رفع الصور الخاص بالماجيك   اللهم صلى على سيدنا محمد وعلى آله وصحبه وسلم لا اله الا انت سبحانك انى كنت من الظالمين سبحا الله عدد ما كان وما سيكون وعدد الحركات والسكون
|
|
#7
2009-12-02, 06:11 PM
|
|||
|
|||
|
سوري يا ملاك بجد مخدتش بالي بس بجد الموضوع تحفه وتسلم ايدك ياقمر بليز متزعليش بجد مقصدتش
__________________
افضل 15 مشارك انا ليه ساكته عليه انا ليه سايباه يتقرب مني ضعيفه قصاد عنيه مع اني انا مش كده وده جنني كل اللي يقول عليه بقي حلو علي قلبي ليه سلمت خلاص باينلي يظهر ده اللي اسمه ايه انا طول الوقت مكسوفه اجي اتكلم بتغلبط ليه مخبيه اني ملهوفه مينفعش ارمي نفسي عليه بجد بجد مش عارفه ايه ده اللي انا فيه انا ليه بالي طويل وياه مش قادرة استني ثواني وعرفت سهر الليل وبقيت اسهراسمع ف اغاني من يومي مشغوله بيه ف نومي محلمش الا بيه سلمت خلاص باينلي يظهر ده اللي اسمه ايه انا طول الوقت مكسوفه اجي اتكلم بتغلبط ليه مخبيه اني ملهوفه مينفعش ارمي نفسي عليه بجد بجد مش عارفه ايه ده اللي انا فيه انا ليه ساكته عليه انا ليه سايباه يتقرب مني ضعيفه قصاد عنيه مع اني انا مش كده وده جنني كل اللي يقول عليه بقي حلو علي قلبي ليه سلمت خلاص باينلي يظهر ده اللي اسمه ايه
|
|
#8
2009-12-03, 04:56 AM
|
||||
|
||||
|
ما اسهلها من كلمه " النسيان " وما اصعبها من معنى .... يا ريت الواحد يقدرينسى اللى هو عاوز ينساه فى وقت ما هو عاوز ينسى ومكان ما هو عاوز ينسى ومع اى حد عاوز ينسى معاه بس للاسف .... لو نسيت حاجه انت عاوز تنساها .. تاكد انك " مت " فارقت الحياه ..... يا ريت الواحد بيقدر ينسى اللى عاوز ينساه .... لكن دايما تلاقى الحاجه اللى انت عاوز تنساها ملازماك زى ظلك ..... مع اننا " انسان " من النسيان ... بس للاسف مش بننسى اللى عاوزين ننساه ... ممكن لاننا دايما بنفكر فيه وذكرياته بتبقى ادامنا دايما بنفتكرها .... وممكن عقلك عاوز ينسى بس قلبك رافض .... ممكن نفسك تنسى بس مش قادر " ضعف بقى ولا طيبه قلب ولا .... مش عارف " ... المهم الطرق كلها توديك لطريق واحد الخساره... اصلك لو حبست نفسك فى سجن " محاوله النسيان " انتى اللى هتخسرى فى النهايه .... اصلك مش هتنسى صدقينى والله مش هتنسى لان الناس اللى بتحس مش بتنسىبسهوله .... مفيش حد بيخش حياتك ويسيب فيها ذكرى حتى لو كانت مؤلمه تقدرى تنسيه ... دايما هتلاقيك فاكرله ولو حاجه صغننه قد كده.... لو انت مرتبط بواحد صاحبك اوى اوى ... وهو زعلك اوى اوى .... اكيد هتحاول تنسى جرحه ليك مش هقولك تنساه هو لان نسيانه اكيد مستحيل لانه دايما ادامك وبتربطك بيه حاجات كتير اوى وفى نفس الوقت مش قادر تنساه لانك خايف من سؤال هتقابله هو "ليه؟؟؟؟ " دا كان اعز اصحابك ..... هو اصلا مش بيبقى مقدر اللى انت فيه انت تعبان بتحاول تنسى ومش عارف ..... لو انت تعرف واحده صديقه"بنت" ليك من النت وحاولت ع قد ما تقدر انك تحافظ عيها وتساعدها وتبقى ليها اوفى صديق .... وده حصل معايا واكيد حصل مع ناس كتير ..... ولما قولت مش هينفع نكمل اللى أحنا فيه ..... بسبب ظروف ما .. اللى قدامك مقدرش ده وزعل منك مع انه لو كان طلب منك ده كنت هتعمله وانت مبسوط لانك كده بتساعده انه يشوف حياته بعيد عنك ..... لانكوا من غير ما تعرفوا تقربوا من بعض وومكن الاضعف فيكوا هيحب التانى .... لان الموضوع كله من الاول حرام واللى يبدأ بحرام لازم تكون نهايته وحشه .... مع انى عملت ده بس انا بعترف نه غلط اوى ولازم تعرف توقف الغلط عند حد معين وتنسى وتحاول تشوف حياه مستقره اكتر .... تقدر تقولى صداقات النت مش بتستمر ليه ؟؟؟ لانها غلط اصلا .... وانت لازم تحط نهايه للغلط ده .... حتى لو كانت ما بينكوا قصه حب مينفعش النت لانه دايما بيخدع الناس ... لغه العيون مفقوده ... لو اللى قدامك كدب عليك مش هتعرف لانك مش شايف مش باصص فى عينيه .... مش سامع نبره صوته .... مش قريب من احساسه ... مش لامس حركاته .... وفى النهايه بتبقى كدبه كبيره اوى .... انتوا اللى خسرانين فيها ... انت عارفه اننا بنتعب قلوبنا بأدينا ... فيها ايه لو كلنا استنينا نصيبنا ... فى كل حاجه مش الجواز بس .... فى الصداقه مش لازم ولد يصاحب بنت ولا بنت تصاحب ولد .... ممكن واحد صاحبك يغنيك عن بنات الدنيا كلها ... او بنت صاحبتك تغنيكى عن شباب الدنيا كلها .. المهم الواحد يكون صادق مع اللى أدامه ويحكيله ع اللى تعبه بجد وهو اكيد هيريحه .... واكيد نصيبك فى الصاحب الكويس هيجى وان ما جاش يبقى شريك حياتك ... كده حياتك تبقى مستقره وهاديه ومريحه .... المهم بقى عشان ننسى لازم نتعب ... ولازم نعرف احنا بننسى ليه .. ونعرف ننسى امتى ... ونعرف ننسى فين ... ومع مين ننسى ونبدأ حكاوى جديده تنسينا اللى عاوزين ننساه .... واللى اهم من ده كله نحب نفسنا لانها تستاهل اننا نحبها ونقدرها .... ونحاول نحول المواقف اللى اعوزين ننساها لذكريات زى ذكريات الطفوله كده كل ما نفتكرها ننبسط ونتمنى نرجعلها تانى .... او نتناسى عشان نعرف ننسى ..... حاول متخليش النسيان همك حاول تنسى انك تنسى ... تنسى انك تفتكر انك عاوز تنسى ... تنسى النسيان ..... وتبدأ حياه بحاكايات جديده خالص ....وفى الاخر هتعرف انك منستش بس هترتاح شويه بس ... بس هى تجربه .. بس مش لازم تمر بيها ممكن نتعلم من اخطاء الغير .... من الغباء ان تتعلم من اخطاؤك تعلم من اخطاء غيرك .... بص من بعيد هتعرف تسوف كويس اوى اوى .... وتقدر تحكم بعقلك وقلبك وروحك وكل ما تملك ..... وانا احب انى اعتذر لكل من ارهقت قلوبهم وعقولهم بالنسيان ..... واتمنى لهم حياه افضل .... مع اشخاص انسب منى انا مجرد صديق كده كده مسيرى ماشى .... بس يا رب يفضلوا فاكرنى بالخير ..... قالوا عن النسيان : النسيان أسهل طريقة للحياة...عبد الرحمن منيف -أنا لا أنكر أبداً، أنا لا أعارض أبداً، ولكني أحياناً أنسى…بنيامين دزرائيلي -الإنسان لا ينسى إذا كان من الملائم أن يتذكر. - أحب أن أنسى، ولكن أين بائع النسيان..زكي مبارك - نحن ننسى لأنه يجب علينا ذلك، وليس لأننا نريد ذلك..ماثيو أرنولد - قد يتمكن المرء من العيش دون أن يتذكر كالحيوان، ولكن من المستحيل عليه أن يعيش دون أن ينسى…فريدريك نيتشه -اهمال يقتل الحب، والنسيان يدفنه - الذاكرة أحسن خادم للعقل، والنسيان أحسن خادم للقلب . Kesho,3mm,Moo وشكرا على هذا الموضوع الجميل واتمنى انه كله يرد ويقول تجربته ......
|
|
#9
2009-12-03, 05:02 AM
|
||||
|
||||
|
نصيحة لمن لا يملك صندوق النسيان
في كل شيء يلعب الحظ دوراً في حياتنا ابتداء بالعمل وانتهاء بالحب•• قد تجد من يمنحك التشجيع والرعاية•• وقد تجد من يضع أمامك العقبات وعندما يجلس الإنسان مع نفسه ويراجع دفاتر أيامه يجد فيها أشكالاً وألواناً من البشر وسوف تكتشف وأنت تراجع دفاتر أيامك أن هناك إنسانا غرس في أرضك شجرة•• وأن الشجرة كبرت وصارت لها ظلال وثمار وربما اكتشفت أن هناك شخصاً آخر غرس في قلبك سهماً•• والبعض يترك لك رصيداً غالباً من المذكرات كلما تلفت حولك وجدت منه شيئاً جميلا يحيط بك• والبعض الآخر، لا يترك لك سوى الأسى ولهذا لن يكون غريباً أن ترحل من ذاكرتك عشرات الوجوه وتختفي عشرات العناوين وتتلاشى ملامح كثيرة ولكن تبقى أمامك بعض الوجوه التي لا تفارق عينيك أبدا تبقى وجه إنسان لاح أمامك في ساعة ضيق ووجدت فيه كل العطاء، والشهامة يبقى وجه صديق رحل ومازالت أيامه تظل في ذاكرتك وتمنحك الدفء والسعادة• بقي وجه عابر لم تجمعك به الأيام كثيراً، ولكن ترك لك الكثير من الود ولهذا أحاول دائماً أن أمسح من ذاكرتي وجوهاً كثيرة لا تستحق البقاء انه من الأفضل دائماً أن نترك داخلنا تلك المشاعر الجميلة التي ربطت بيننا وبين الناس وأن لا أتذكر لصديق ساعة غدر ولكن أذكر له لحظة وفاء ولا أنتظر طويلاً أمام باب مغلق•• ولا أحاول أن أسترجع أشياء ماتت• أو تلاشت أو طواها النسيان والآن بإمكانكم ملء الفراغات بما يحويه فكركم متى تشعر بأنك تراجع بدفتر ذكرياتك ؟ هل هناك شخص غرس بأرضك شجرة ما زالت تحيا بذاتك ؟ هل هناك شخص أدخل سهماً بقلبك ؟ ما الشيء الجميل الذي تحتفظ فيه منذ زمن بعيد ؟ ما الشيء القبيح الذي تحاول محوه من قائمة ذكرياتك ؟ نصيحة تحب أن توجهها لمن لا يملك صندوق النسيان ؟ أخيراً نصيحتي إليكم إذا كان شريط الذكريات يؤلمك أحياناً فهناك دواء جميل اسمه النسيان•• إنه صندوق صغير لا ينبغي أن نفتحه أبدا•• كل ما في الأمر حاول من وقت لآخر أن تراجع شريط ذكرياتك وتلقي ما تلف منها في صندوق النسيان
|
|
#10
2009-12-05, 05:33 PM
|
||||
|
||||
|
نصيحتي ليك انك تسامح وافتكر دايما الذكريات الكويسه مهما كانت ساعتها أي الم هتحسي بيه هيختفي وهتكتشف ان اللعنه انكسرت والعقده انحلت ورجعت لنفسك زي زمان احسن واجمل وأقوي من أي وقت ثاني...
منوره يا ملاك المنتدى كله برجوعك تسلم ايديكي يا قمر والله ليكي وحشه كبييييييييييييره
|
|
| مواقع النشر (المفضلة) |
| الكلمات الدلالية (Tags) |
| تبغى, تقدر, إزاى, وتنسي؟؟ |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| طب أومال مات إزاى؟؟!! | karmen | اضحك من قلبك | 20 | 2009-12-13 01:21 PM |
| إزاي تقدر تبعد وتنسي؟؟ | ملاك الروح | سلة المحذوفات | 0 | 2009-12-02 01:14 AM |
| تبغى تكون اغنى رجل بالعالم ادخل هنا !!!!! | prince of alex | منتدى نور الإيمان | 2 | 2009-03-13 04:31 AM |
| متى تبعد عن من تحب؟؟؟ | hadeer | منتدي الفنون الادبيه | 4 | 2008-08-11 01:30 PM |
العرض العادي
