|
اضحك من قلبك تعالوا نفك عن نفسنا ونفرفش |
|
أدوات الموضوع | إبحث في الموضوع | انواع عرض الموضوع |
#1
|
||||
|
||||
يوميات ميزو و سمسة : >>محاولة للزواج <<
ميزو و سِمسِمه
حكايه كل شباب انهارده .. حنشوفها في شخص ميزو الطالب الجامعي المتخرج من 4 سنين من صيدله السنبلاوين .. و حبيبته سمسمه, بكالوريوس هندسه قسم ( كهربه أفراح ) ! ميزو تتجوزيني ؟ سمسمه ـ أفندم ؟ ميزو ـ بقولك تتجوزيني ؟ سمسمه ـ !!!!! ميزو ـ تتجوزيني ؟ سمسمه ـ لا ! ميزو ـ ليه ؟ سمسمه ـ بصراحة كدة شكلك مش عاجبني .. ميزو ـ إزاي يعني ؟ سمسمه ـ يعني .. أصل أنا ليا مواصفات معينة لفارس أحلامي . ميزو ـ مواصفات معينة ؟ .. هو انتي هتتجوزي عربية ؟ سمسمه ـ لا ! .. بصراحة كدة .. إنت مش فارس أحلامي اللي باتمناه ! يتبع يتبع يتبع
__________________
افضل 15 مشارك |
#2
|
||||
|
||||
ميزو ـ تتجوزيني ؟
سمسمه ـ إيه ده ؟ شكلك اتغير ! ميزو ـ إيه رأيك ؟ سمسمه ـ واو .. شعرك بقة ناعم ! .. دي باروكة ؟ ميزو ـ أيوة سمسمه ـ ودي عدسات خضراء ؟ ميزو ـ أيوة سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج ! ميزو ـ مين عباس كيج ده ؟ سمسمه ـ عباس ؟!! ياي .. إيه عباس دي ؟ اسمه نيكولاس .. ميزو ـ مين نيكولاس ده ؟ سمسمه ـ بقة مالكشي في السيما وجاي تكلمني ؟ .. ياي !
__________________
افضل 15 مشارك |
#3
|
||||
|
||||
ميزو ـ تتجوزيني ؟
سمسمه ـ انت لسة ليك عين تكلمني ؟ ميزو ـ أيوة .. أنا عرفت مين بنكرياس كيج ده سمسمه ـ أولاً : اسمه نيكولاس كيج .. ميزو ـ أيوة أيوة .. كنت هاقول اسمه صح .. بس اختصرته .. ده ممثل سمسمه ـ ممثل إيه ؟ ميزو ـ ممثل أمريكاوي سمسمه ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي ميزو ـ دونكي دي تبقى شتيمة ؟ سمسمه ـ أوف كورس
__________________
افضل 15 مشارك |
#4
|
||||
|
||||
***** ميزو ـ تتجوزيني ؟ سمسمه ـ عندك عربية موديل كام ؟ ميزو ـ موديل دي تبقى شتيمة ؟ ***** ميزو ـ تتجوزيني ؟ سمسمه ـ قوللي الأول .. حاطط أنهي نغمة في الموبايل بتاعك ؟ ميزو ـ نغمة دي تبقى شتيمة ؟ ***** ميزو ـ تتجوزيني ؟ سمسمه ـ ما قلتليش .. إنت بتشتغل إيه ؟ ميزو ـ أنا -بلا فخر- عاطل سمسمه ـ عاطل ؟ .. ياي ! .. ميزو ـ مش أحسن من اللي ما بيشتغلش ؟ سمسمه ـ لا ميزو ـ يعني مش هتتجوزيني ؟ سمسمه ـ لا يا ميزو ميزو ـ كدة أنا أزعل سمسمه ـ ما تزعلش يا بابا .. خليك فريش ميزو ـ ماشي .. ماشي .. بس قوليلي .. سمسمه ـ إيه ؟ ميزو ـ فريش دي تبقى شتيمة ؟
__________________
افضل 15 مشارك |
#5
|
||||
|
||||
ميزو ـ تتجوزيني ؟
سمسمه ـ لقيت شغل ؟ ميزو ـ أيوة طبعًا .. سنتين وأنا بادور .. أخيرًا لقيت .. سمسمه ـ وإيه هو ؟ ميزو ـ سواق تاكسي . سمسمه ـ ياي ! .. مش مكسوف وانت بتقولها ؟ ميزو ـ فيها إيه ؟ العمل شرف .. وكلها كام سنة وأجمع مبلغ كويس .. سمسمه ـ شرف ؟ جتك القرف ! ***** ميزو ـ تتجوزيني ؟ سمسمه ـ جمعت مبلغ كويس ؟ ميزو ـ طبعًا .. مبلغ كبير جدًا .. سمسمه ـ قد إيه يعني ؟ ميزو ـ ألف جنيه سمسمه ـ نعم ؟!!! .. ألف جنيه دول تروح تسرح بيهم ببطاطا .. ميزو ـ يعني موافقة ؟ سمسمه ـ روح اتنيل .
__________________
افضل 15 مشارك |
#6
|
||||
|
||||
*****
ميزو ـ تتجوزيني ؟ سمسمه ـ عندك شقة ؟ ميزو ـ طبعًا .. أودة على السطوح .. سمسمه ـ نعم ؟!! .. ميزو ـ إيه المشكلة ؟! .. أحسن ما ننام في الشارع ! سمسمه ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة . ميزو ـ طيب .. كلها كام سنة وأجيبلك أحسن شقة في الدنيا . سمسمه ـ وهتجيبها في جاردن سيتي ولا في الزمالك ؟ ميزو ـ لا .. في الأهلي .. هيهع هيهع هيهع !
__________________
افضل 15 مشارك |
#7
|
||||
|
||||
*****
( بعد سنوات) : ميزو ـ تتجوزيني ؟ سمسمه ـ جبت الشقة ؟ ميزو ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات .. سمسمه ـ فانتاستيك ميزو ـ بس الشقة ناقصة حاجة . سمسمه ـ إيه هي ؟ ميزو ـ مفيهاش حمام ! سمسمه ـ امشي من قدامي ! .. مش طايقاك ! *****
__________________
افضل 15 مشارك |
#8
|
||||
|
||||
ميزو ـ تتجوزيني ؟
سمسمه ـ إنت تاني ؟ ميزو ـ جبتلك حمّام إنما إيه سمسمه ـ خليه ينفعك ميزو ـ ليه بس ؟ .. ده ينفع لينا احنا الاتنين سمسمه ـ وأنا مالي ؟ ميزو ـ مش عاجبك .. مش مشكلة .. أكتبه باسمك ***** (بعد سنين) .. ميزو ـ هتتجوزيني ولا أولع فيكي ؟ سمسمه ـ ومالك محروق كدة ؟ ميزو ـ حكايتنا طولت قوي .. طولت أكتر من اللازم سمسمه ـ أوكي .. بس ممكن أعرف حاجة ؟ ميزو ـ إيه ؟ سمسمه ـ إنت ليه متمسك بيا أوي كدة يا مزمز ؟ ميزو ـ أصل .. أصل .. سمسمه ـ أصل إيه ؟ ميزو ـ أصل أنا بحُبك (بضم الحاء) ! سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. وبعدين خليك روش وقول : I love you ميزو ـ ماشي .. بس قوليلي .. سمسمه ـ نعم ؟ ميزو ـ روش دي تبقى شتيمة ؟
__________________
افضل 15 مشارك |
#9
|
||||
|
||||
*****
ميزو ـ تتجوزيني ؟ سمسمه ـ بصراحة .. في حاجة كنت عاوزة أقولهالك من زمااااااان يا ميزو . ميزو ـ إيه ؟ سمسمه ـ أنا بصراحة .. مش شايفة إن في حد في العالم يستاهلني ميزو ـ يا سلام ! .. ليه ؟ سمسمه ـ عشان أنا جميلة .. خفيفة الدم .. رشيقة .. رقيقة .. ميزو ـ رقيقة ؟! .. ده انت بدأتي تقشفي سمسمه ـ فشر ! ميزو ـ فوقي لنفسك .. العمر بيجري .. سمسمه ـ أنا مصرة على رأيي ميزو ـ يعني إيه ؟ سمسمه ـ يعني اقطع معايا ميزو ـ بعد كل السنين دي ؟! .. بعد كل الحب ده ؟!! سمسمه ـ بلاش تراجيديا من فضلك ميزو ـ ماشي .. بس قبل ما أمشي عاوز أسألك سؤال واحد بس .. سمسمه ـ إيه هو ؟ ميزو ـ تراجيديا دي تبقى شتيمة ؟ *****
__________________
افضل 15 مشارك |
#10
|
||||
|
||||
( بعد سنوات ) ..
ميزو ـ تتجوشيني ؟ سمسمه ـ إيه ؟ ميزو ـ تتجوشييينييييييي ؟ سمسمه ـ إنت مين ؟ ميزو ـ أنا حبيبك يا هبلة .. البشي النضارة عشان تشوفيني سمسمه ـ طيب شاعدني عشان ألاقي النضارة ميزو ـ آهي على الترابيزة قدامك سمسمه ـ فين ؟!! ميزو ـ لا دي نظارتي أنا سمسمه ـ أيوة لقيتها .. ميزو ـ البشيها بقة سمسمه ـ ططييبب ميزو ـ عينيكي فوق شوية يا سماسم .. ده بقك .. سمسمه ـ طيب لبشهالي إنت ميزو ـ عقبال ما البشك الدبلة سمسمه ـ ما تكشفنيش يا ميشو بقي .. كنت بتقول إيه بقى ؟ ميزو ـ كنت بقول تتجوشششيييينيييييي ؟ سمسمه ـ أكوشك ؟ .. إزاي ؟ ميزو ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟ سمسمه دي شتيمة ؟ ميزو لاااااء .. بقولك تتجوشيني ؟ سمسمه ـ آه !! .. أجوشك ميزو ـ بالضااااابط .. هاه ؟ سمسمه ـ شيبني أفكر ميزو ـ أشيبك تفكري ؟! .. ده انت هتموتي خلاش ! سمسمه ـ لا .. شيبني أفكر بش ميزو ـ ربنا يوفقك سمسمه ـ إيه ؟ ميزو ـ ربنا يوفقك سمسمه ـ بتقول إيه ؟ ميزو ـ ربنا ياخدك
__________________
افضل 15 مشارك |
مواقع النشر (المفضلة) |
الكلمات الدلالية (Tags) |
<<, >>محاولة, للزواج, محسن, يوميات, سمسة |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أغرب 14 خاتم للزواج في العالم | MAGIC7 | الصـــور ومقاطع الفيديو | 3 | 2010-11-23 11:26 AM |
يوميات شاب فافي | amira abdo | اضحك من قلبك | 18 | 2009-12-02 12:04 AM |
سلسة روايات ما وراء الطبيعة | radwan | منتدي الفنون الادبيه | 5 | 2008-09-28 05:41 PM |