مطعم الماجيك يرحب بكم ويتمنى لكم شهية طيبة

[دبدوباية]

بما ان الكل كدة هربان من المطعم
أنا بقى هختار صحبتى وحبيبة قلبى دوداش وهاطلب منها تعملنا تورتة شيكولاتة

يالا يادوداش وريهم الشطارة
وربنا يستر بقى وتشرفينى كدة وترفعى راسى

[golden man]

كلكوا بطلتوا اكل ولا ايه

[dodash]

ميرسى يا كوكى وبالرغم من انها موجودة هنا من قبل بس انا جبتلكم طريقة سهلة وسريعة

^* مقادير الكيـــ،ــ،ـــ،ــــكة الإسفنـجية*^

ـ 6 بيضات.

ـ كوب دقيق.

ـ كوب سكر ناعم.

ـ ملعقة صغيرة باكينج باودر.

ـ نصف ملعقة صغيرة فانيليا.

ـ ملعقتا كاكاو بودرة.

^* مقادير الحشــ،ـــ،ــ،ــــو *^

ـ 450 جرام كريمة شوكولاته.

ـ 250 جرام سوفت جلاس شوكولاته.

ـ 200 جرام شوكولاته لتزيين التورتة.

^* الطريقــــــــ،ــــــ،ـــ ــ،ــــــــــــــــة *^

ـ يتم تسخين الفرن على درجة حرارة 180 مئوية.

ـ يحضر قالب كيك، يفضل أن يكون على شكل قلب،
بدهنه بالزبد وقليل من الدقيق.
في جانب آخر يخفق البيض مع السكر والفانيليا بالخلاط الكهربائي
مدة 20 دقيقة حتى تظهر علامة المنقار عند رفع المضرب لأعلى.

ـ ينخل الدقيق مع الباكينج باودر ويضاف اليه مقدار الكاكاو،
ثم تضاف جميع المكونات الأخرى بالتدريج الى خليط البيض والسكر
مع الاستمرار بالتقليب بخفة.

ـ يسكب خليط الكيكة في القالب ويدخل إلى الفرن لمدة 45 دقيقة
أو حتى تنضج الكيكة.
من الممكن اختبار النضج بملاحظة انفصال الكيكة عن جدار القالب.

ـ تقلب الكيكة بعد إخراجها من الفرن على قاعدة من السلك
وتترك جانبا حتى تبرد.

ـ تقطع الكيكة الاسفنجية إلى ثلاثة أجزاء متساوية، ويفصل كل جزء على حدة.
ثم يوضع الجزء الأسفل على طبق التقديم،
قبل البدء بوضع طبقة من كريمة الشوكولاته عليها،
تليها طبقة أخرى من كريمة الشوكولاته على الطبقة الثانية من الكيكة.

تكرر نفس العملية على الطبقة الثالثة،
بعدها تساوى الطبقات الثلاث فوق بعضها بعضا.

ـ تغطى جوانب التورتة بكريمة الشوكولاته وتوضع في الجزء المخصص للتجميد في الثلاجة «الفريزر» لمدة 10 دقائق حتى تتماسك جيدا.
تخرج ويوضع عليها سوفت جلاس الشوكولاته،
ثم تزين من الجوانب ببشر الشوكولاته الخام وعلى الوجه بوردات من الشوكولاته وحبات الكريز.
*
*
*
وأنا هطلب من فينديزيل أنه يعملنا المكرونة بالباشميل علشان انا بحبها أوى وهنشوف بقى ياترى هتعملها حلوة ولا ايه

[دبدوباية]

يالا يافنديزل ورينا بقى الهمة
اتزنقت ياريس فى المكرونة بالبشاميل

[yousef eldeep]

انا جعان انا عايز اكل اكلة حلوة كدة منك يايافنديزل انا مستنيك يالا عايزين نغيظ دبدوباية ونقول كل البنات ان هما مش لوحدهم بيعرفوا يعملوا اكل
ههههههههههههههههههههه
تقبلوا مني جزيل الشكر والاحترام

[vindiesel]

بسم الله الرحمن الرحيم


بما انى مطلوب بالاسم يبقى مقدرش اتأخر على الماجيك واعضاءه
المهم بقى ان الموضوع ده اصلا تخصصى يعنى المطبخ والطبيخ والحاجات دى انا استاااااااااااذ فيها
والله مش بهزر واكيد رامى هيبقى شاهد على كلامى ده لانه بيبقى متكيف اوى وهو بياكل من اللى انا بطبخه
وخصوصا صينيه البطاطس بالفراخ فى الفرن


المهم بقى دلوقت خلينا فى المكرونه بالبشاميل


المقادير المطلوبة.

مكرونة مسلوقة..صلصة الباشميل..لحمة مفرومة معصجة..جبنة موزوريلا مبشورة



و الان لعمل اللحمة بستخدم..بصلة مفرومة..لحمة مفرومة..فصين ثوم مدقوقين و صلصة طماطم و ممكن خضار
و طبعا ملح و فلفل اسود و بهارات



طريقة عمل اللحمة..

نضع الزيت عالنار حتى يسخن بشده "يقدح" ثم نضيف البصل المفروم و نقلب قليلا الى ان يذبل


نضع اللحمة فوقه و نقلب جيدا



تترك الى ان يتغير لونها الى اللون البني نضيف الثوم و نقلب


ثم نضيف الصلصة



و تترك على النار الى ان تتسبك و تصبح جاهزة




لعمل البشاميل

كوب طحين تقريبا 7 ملاعق كبيرة..ليتر من الحليب اي تقريبا اربع اكواب و زبدة..ملح و فلفل اسود



نضيف الطحين مع الحليب عالبارد



يوضع على النار و نحركهم بالمضرب السلك الى ان يذوب الطحين تماما و يختفي



بعد ان يسخن بقليل نضيف الملح و الفلفل الاسود و طبعا مش بنسيبها ابدا نستمر بالتحريك علشان متعملش تكتلات كبيره



نضيف الزبدة



و نستمر بالتحريك الى ان يثخن "يبقى تخين ومتماسك" قوام البشاميل هكذا



ترفع من على النار

و الان التطبيق
اللحمة جاهزة و البشاميل جاهز ..

نضع المكرونة المسلوقة في طبق عميق او قدر و نضيف فوقها نصف كمية البشاميل



نقلب المكرونة مع البشاميل جيدا حتى يمتزجو و ممكن اضافة القليل من الجبنة معها



نحضر صينية الفرن ندهنا بقليل من الزبدة و نغطي قاع الصينية و الحواف بالبقسمات



نضيف طبقة من المكرونة



ثم نفرد فوقها اللحمة



ثم طبقة المكرونة المتبقيه



و نغطيها تماما



ثم باقي صلصة البشاميل هكذا



نوزع الجبنة المبشورة فوقها



ندخلها فرن ساخن لمدة حوالى نصف ساعة الى ان تتحمر الاطراف



نفتح الشواية و نحمر الوجه




نتركها تبرد شوي قبل التقطيع علشان تظل متماسكه ولا تتفتت عند التقطيع



وبعدين نقطعها



و تقدم مع السلطة




وبالهنا والشفا


واتمنى ان المكرونه اللى انا عملتها تعجبكم


VINDIESEL

[أشلاء قلب]

تسلم ايدك يا محمد بصراحة المكرونة تحفة

احنا اكلنا صوابعنا وراها

بس على فكرة الصينية دي مش حتكفي كل الاعضاء هنا
محتاجين منك كمية اكبر ولا انت ناوي تجوعنا؟

بس بجد بجد فعلا رائعة

[admin]

والله عندك حق اشلاء

عايز تانى


انت ناسى ان فيه خيتان هنا

[dodash]

لالالالالالالالالالالالال الالالالا ماليش دعوة أنا اللى طلبتها وأنا اللى هقسمها علينا كلنا
أنا التلت تربع وانتو الربع هههههههههههههههههه حد عنده اعتراض اصل انا بحبها اوى
وبصراحة فينديزل عاملها بجد تحفة تسلم ايدك انا بجد جعت اوى

[admin]

المشاركة الأصلية كتبت بواسطة dodash

لالالالالالالالالالالالال الالالالا ماليش دعوة أنا اللى طلبتها وأنا اللى هقسمها علينا كلنا
أنا التلت تربع وانتو الربع هههههههههههههههههه حد عنده اعتراض اصل انا بحبها اوى
وبصراحة فينديزل عاملها بجد تحفة تسلم ايدك انا بجد جعت اوى

يالاسلام:ar!:ar!:ar!


طب والادراه بقى 8->8->8->