كرسى الاعتراف؟؟يلا نجرب؟؟

[karmen]

معلش يا جماعه
انا جيييييييييييييييييييييييييييييت
المواصلات بس كانت زحمه شويه
ايه بقى انتوا هتتخانقوا
انا هسأل اهو
على فكره انا بقالى 20 يوم عايزه اسأل بس كان فى مشكله معايا فى دخول الماجيك ومكنتش عارفه اعمل حاجه
انتظر يا جولدن نص ساعه والاسئله هتجهز

[karmen]

اوحش واغلس حاجه حصلتلى النهارده وبقالها اسبوع تقريبا
ان كنت عماله بحاول افتح الماجيك ومش عارفه
والنهارده لاقيت كل الاعضاء عارفين يدخلوا الا انا
اتضايقت اوى وكنت هعيط والله
بس اسامه ربنا يخليهولنا حللى المشكله فى النهايه

[golden man]

على اساس انى فاضى نص ساعه يعنى يالا بسرعه ورايا اشغال وناس تانيه عاوزين يسالوا

[karmen]

نبدأ الأسئله
1-ليه اخترت الصوره الرمزيه دى بالذات وايه دلالتها بالنسبه لك؟؟
2-ليه مش حاطط توقيع ليك؟؟
3-انت سعيد ان انت الولد الوحيد فى اخواتك واللا متضايق؟
4-ممكن تحب وتتجوز بنت عن طريق النت واللا معترض على الفكره دى من أساسها؟؟
5-ليه عاوز تروح تشتغل بره مصر؟مع العلم انى اسمع ان امكانياتك كويسه؟؟


جاوب دول على ما ارجعلك
انت يعنى هتروح منى فين

[golden man]

طب انا رايح مشوار وجاى على باليل ربنا يسهل واجى اجاوب قولى يا رب

[karmen]

يا سلام
لالالالالالالالالالالالالالالالا
لازم تجاوب دلوقتى حالا
والا هيتم ارسال اوراقك الى مفتى الجمهوريه بدون محاكمه
:p:p:p:p:p

[golden man]

معلش لسه جاى يا شباب ظروف بقى اعمل ايه مشاغلى كتير يالا ربنا يعنا واما نشوف اخرتها مع كارمن
ونشرع فى الاجابه
بسم الله الرحمن الرحيم
-ليه اخترت الصوره الرمزيه دى بالذات وايه دلالتها بالنسبه لك؟؟
الصوره اخترتها لانها بتمثل قلبى ما بيهداش لانه لسه ما لاقاش الانسانه الى بيدور عليها
2-ليه مش حاطط توقيع ليك؟؟
لا عادى يعنى انا اساسا ما كنتش هحط صوره رمزيه حتى بس كان فيه موضوع كله قعد يقول عليكى انتى باين مش عارفه تحطى صوره روحت حاططها بس يعنى مش مهتم اوى بالشكليات دى ولو هحط توقيع ممكن احط الصوره دى برضه انتى تؤمري بس
3-انت سعيد ان انت الولد الوحيد فى اخواتك واللا متضايق؟
هو اصحح حاجه فى الاول انا مش سعيد انا ابراهيم والحمد لله اولا على كل شيء انا كنت فعلا بتمنى ان يبقى ليا اخ بس الحمد لله ربنا ادانى اصحاب زى اخواتى والحمد لله وربنا يقدرنى واكون اخ كويس لاخواتى وابن صالح لاهلى وزوج كويس لزوجتى
4-ممكن تحب وتتجوز بنت عن طريق النت واللا معترض على الفكره دى من أساسها؟؟
والله انا مش معترض على الفكره ممكن تحصل عادى بس ده بيرجع للشخصيه الى على النت يعنى ممكن تكون البنت داخله تقضيها وبنت داخله تعرف حاجات تفيدها وعادى ممكن تتعرف على شخص ويكون فيه نصيب بعد كده
5-ليه عاوز تروح تشتغل بره مصر؟مع العلم انى اسمع ان امكانياتك كويسه؟؟
اولا انا هجاوبك انا عاوز اشتغل بره مصر ليه بس تقوليلى يعنى ايه امكانياتك كويسه دى معناها ايه تقصدى الحاله الماديه مثلا يعنى ولا متاح ليا شغل ولا ايه بالظبط وسمعتى منين او من مين واجاوبك بقى
انا حكاية الشغل بره مصر دى يعنى مش مسيطره عليا اوى بس اكتر من فكرة انى اقعد فى مصر بس مش معني انى اسافر اشتغل يبقى هعد بره على طول بس انا هخلص كليه واكون قادر انى ابحث عن شغل بره ولسه شاب يعنى اقدر اروح واجى وائمن مستقبلى واشوف فرصة عمل احسن بس دى كل الفكره بس مش معناها انى هعيش بره على طول بس الفكره دى تلى انى هدور الاول على شغل فى مصر بس لازم يكون عاجبنى ومريحنى

[karmen]

اوكى يا جولدن
متفتكرش انك كده نفدت
نصايه وشوية اسئله كمان هيكونوا جاهزين
دى فرصتى بقى قبل ما بلابل ما ييجى
وموضع ان امكانياتك كويسه وعرفت منين
عرفت منك انت يعنى هكون عرفت من مين يعنى؟؟

[golden man]

عرفتى منى

[karmen]

أاااااااااااااااااااااااااااااااااااااااااااه
تقدر تنكر
هههههههههههههه