الانترنت ..... نعمه ام نقمه؟؟!!

[gollom]

ودى بقى قصتى انا مع صداقه النت
طبعا زى اى حد فى الدنيا ممكن دماغك تصغر فجأه وتقعد تضيف ايميلات ناس متعرفهاش
انا كنت واحد من الناس دى فى يوم من الايام---- وفجأه ميل قبل الاضافه وكانت بنوته
قعدنا نتكلم شويه واقولكوا ع سر انا والله عاملتها بكل احترام وادب مجاش فى دماغى حاجه مش تمام
يعنى الوضع الطبيعى انه يكون فيه حاجه غلط ---- حد انت متعرفوش ولا هو يعرفك
المهم انا قولت خلاص قعده وهتاخد وقتها وتروح لحالها وكان لازم اقفل معاها عشان نلعب سوكر
ومكنتش متوقع اللى حصل ده لقيتها قالتلى ادينى رقمك عشان اما اخش تانى ارنلك --- المهم اديتها الرقم
وبعد كده اتصلت بيا وقعدت ترغى شويه وفضلنا ع الحال ده كتير ع التليفون كل يوم تقريبا
ولا كأننا مخطوبين ---- محدش يفهم غلط ----- قصدى ف كتر الاتصال بس
بس للامانه احنا من الاول اتفقنا اننا نفضل اخوات بس او اصحاب يعنى مفيش حب وكلام عبيط
وانا برضه قولتلها انا مش ف امكانى انى اكلمك لان رصيدى ع قدى وهى بجد كانت بتشحن كتير اووى
كانت حالتهم الماديه ميسوره----بس مش بحسد والله

المهم بدأت تحكيلى تقريبا عن حياتها بكل تفاصيلها والمشاكل وانا برضه ارتحت لكلامها والله وعمرى ما سايرتها ف اى قرار غلط خدته او تصرف غلط بتعمله دايما كنت عاملها زى الضمير الصاحى ----- برضه للحق هى كمان كانت بتدينى ارائها بكل صراحه وتشد عليا لو حكيتلها ع حاجه مش عجباها منى ---- واللى كان مريحنى شويه ان مامتها كانت تقريبا عارفه كل حاجه وعارفانى من خلال كلامها عليا ---- شويه كده وحسينا ان الامور ما بينا هتبتدى تاخد شكل تانى وللتوافق الفكرى ان فى نفس اللحظات اللى كنت عاوز اقولها كفايه كده لقيتها بتقولى احنا كده هناخد شكل تانى لازم نبعد ----

فتره كده ولقيت موبايلى بيرن نمرتها ظهرت تانى مكنتش مصدق ---- للامانه انا كنت اول مره اتعرض لموقف زى ده ان ف واحده اتكلم معاها --- لانى مش برتاح اوى للمعامله مع البنات ولا حتى ف الكليه --- المهم طبعا رجعنا نتكلم تانى بس مش زى الاول وبعدين حصلت اغرب حاجه مريت بيها ف حياتى ---
انا طبعا ف دماغى واحده وعمرى ما اقدر اتخلى عنها ---- بس زى ما قولت وهقول وزى ما كل اللى عارفين ما بيقولوا انى انا وهى اغرب اثنين حبينا ف الدنيا كلها ---- والله عمرى ماكلمتها ولا بصلتلها ولا هى هى يدوب الحكايه بدات اننا عرفنا عن بعض شويه حاجات كده عن طريق الصدفه وبعد كده كل واحد فينا عايش ايامه بعيدعن التانى بس بنعمل كل حاجه تقريبا عشان خاطر بعض --- المهم ف الفتره دى حسيت انى بخونها كده لانى عمرى ا هسمحلها انها تعمل كده ولو انا مسامح انا متاكد انها عمرها ما تعمل كده ابدا ابدا ابدا ---- لانها احسن منى بكتير ---- المهم كان لازم نبعد تانى ---

وبعدين رجعنا نتكلم تانى بس خلاص بقى مش زى الاول خالص يعنى يا دوب لو صدفه كده ع النت ----

طب وف الاخر انا بقى هقول انا استفدت ايه وانضريت بايه ---

* استفدت منها : انها غيرت شويه كتير ف دماغى وعلمتنى حركه حلوه اوى ه التفكير ع الورق لانها كانت بتعملها كتير وكان نفسى اتعلم منها النظام لانها مرتبه لدرجه كبيرها اوى وبرضه التسامح لانها متسامحه لدرجه كبيره والنشاط برضه لانها نشيطه بطريقه غبيه والرغى ف التليفون والهزار اللى مكنش بينقطع واكيد برضه طلعت بشويه معلومات عن عالم حواء الغريب الملئ بالاسرار وشويه فن ف التعامل مع البنوتات لانى تقريبا مكنتش كلمت حد قبلها وافضل حاجه بقى اتعلمتها منها انى عرفت انا قد ايه بعز البنت اللى ف دماغى وعمرى ما افرط فيها خالص ----- واكيد ناسى حاجات بس عذرا

* الضرر : اكيد الضرر مكنش بسببها بس اهو بقى --- الاول والاكثر انى حسيت انى خونت عهد ما بينى وبين اغلى حد عندى ف الدنيا --- كنت بضطر لانى ابعد عن بيتى عشان اعرف اكلمها --- وطول الوقت كنت حاسس بالذنب اللى اخنا بنعمله وكنت متعذب --- وعملت جفوه ف نفسى مع نفسى بس مش عارف ليه ؟!!!

وفى حاجه كانت بتحصل لما كنت بكلمها --- انا ليا اصدقاء بحكيلهم ع كل حاجه طبعا كانوا عارفين الحكايه من " طقطق لفقفق" وهما كانوا خلاص قربوا يتخنقوا منى بسببها عمال احكيلهم عليها اخلاقها تصرفاتها وكده لما خلاص كانوا لو شافوها كانوا هيضربوها ---بس مش عارفين التفاصيل اوى يعنى عشان برضه الصداقه اللى ما بينى وما بينها تمنعنى انى اقول التفاصيل

ع اى حال هى دى الحكايه واتمنى مكررهاش تانى لاننا اتفقنا انها تكون اخرمره نعمل فيها كده
بس انا لو الوقت رجع بيا عمرى ما اعمل كده تانى عذرا لها مع كل احترامى

بس لاننا بنقابل ناس كتير صح ف اوقات او ظروف غلط ع الاخر وهى للاسف كانت من الناس دى
ف ظروف احسن من كده عمرى ما كنت فرطت فيها ----

بس --- لو حد حابب يعلق ع كلامى او يقولى انت صح او غلط انا متقبل
وف الاخر بتمنالها الخير وتمنالها حياه كريمه وحياه سعيده وطويله مع من تستاهل

اه ف حاجه نسيتها ---- لو انت صادق مع اى حد تعرفه اكيد اكيد هيتمناك الخير حتى لو هو مش هيستفيد وانا حسيت ده معاها لانها اتمنتلى الخير وهى مش مستفيده

وتصدقوا والله هى اتحملت غباوتى ف الكلام كتير لانى اسلوبى ف الكلام صعب شويه حد يستحمله
بس يلا الحمد لله ----

يا رب " صابرين "

[vindiesel]

احب اشكر العضوين اللى متابعين الموضوع

العضو "جولوم" العضوه "اشلاء القلب"

ومعلش يا "جولوم" انا مش هرد دلوقت ولا هحكى حاجه الا لما الموضوع ياخد الاطار اللى انا عاوزه علشان احس انى وصلت للى فى دماغى

تقبلوا مرورى

[أشلاء قلب]

أولا وقبل اي رد
بهنيك جدا وبحيي فيك الشجاعة لان مش سهل لأي حد وبالذات لو شاب انه يعترف بحاجة عملها هو من جواه مش مقتنع بيها او كانت في ايام ( دماغه فيها صغيرة ) زي ما قلت


طبعا زى اى حد فى الدنيا ممكن دماغك تصغر فجأه وتقعد تضيف ايميلات ناس متعرفهاش
انا كنت واحد من الناس دى فى يوم من الايام---- وفجأه ميل قبل الاضافه وكانت بنوته

الحمد لله اللي هداك ومبقتش منهم وان شاء الله عمرك ما ترجع للكلام ده تاني


قعدنا نتكلم شويه واقولكوا ع سر انا والله عاملتها بكل احترام وادب مجاش فى دماغى حاجه مش تمام
يعنى الوضع الطبيعى انه يكون فيه حاجه غلط ---- حد انت متعرفوش ولا هو يعرفك
المهم انا قولت خلاص قعده وهتاخد وقتها وتروح لحالها وكان لازم اقفل معاها عشان نلعب سوكر

يعني من الآخر قلبتها علشان تلعب ... يبقى اكيد مكنش في نيتك حاجة غلط

ومكنتش متوقع اللى حصل ده لقيتها قالتلى ادينى رقمك عشان اما اخش تانى ارنلك ---
دي واثقة منك اوي بس هي اكيد حست انك ابن ناس ومحتلرم والا مكنتش قالتلك كده

المهم اديتها الرقم
يبقى انت كمان حسيت ( والله اعلم ) انها كويسة

وبعد كده اتصلت بيا وقعدت ترغى شويه وفضلنا ع الحال ده كتير ع التليفون كل يوم تقريبا
ولا كأننا مخطوبين ---- محدش يفهم غلط ----- قصدى ف كتر الاتصال بس
كنت ممكن تتفهم غلط بس لحقت نفسك

بس للامانه احنا من الاول اتفقنا اننا نفضل اخوات بس او اصحاب يعنى مفيش حب وكلام عبيط
وانا برضه قولتلها انا مش ف امكانى انى اكلمك لان رصيدى ع قدى وهى بجد كانت بتشحن كتير اووى
كانت حالتهم الماديه ميسوره----بس مش بحسد والله

ربنا يهديها وتبطل تشحن كتير لان بيقولوا عايز تعرف البنت كويسة او لا شوف فاتورة تليفونها بكام ومتهيالي الموضوع ده صح

المهم بدأت تحكيلى تقريبا عن حياتها بكل تفاصيلها والمشاكل وانا برضه ارتحت لكلامها والله وعمرى ما سايرتها ف اى قرار غلط خدته او تصرف غلط بتعمله دايما كنت عاملها زى الضمير الصاحى -----
برضه للحق هى كمان كانت بتدينى ارائها بكل صراحه وتشد عليا لو حكيتلها ع حاجه مش عجباها منى ----

يعني كده كويس لان الصداقة مش شرط تكون بداية حب بالعكس بيقولوا اوعى تحب او تحبي اقرب اصحابك لانك بتكون تقريبا عارف كل حاجة عنه ( وكل المصايب والكوارث اللي بيعملها ) وعلاقة الحب غير علاقة الصداقة مقايسهم مختلفة بالمرة

واللى كان مريحنى شويه ان مامتها كانت تقريبا عارفه كل حاجه وعارفانى من خلال كلامها عليا ----
شويه كده وحسينا ان الامور ما بينا هتبتدى تاخد شكل تانى وللتوافق الفكرى ان فى نفس اللحظات اللى كنت عاوز اقولها كفايه كده لقيتها بتقولى احنا كده هناخد شكل تانى لازم نبعد ----
والله برافو عليكو انتو الاتنين
تستاهلوا فعلا الاحترام والتقدير وكمان احترام وتقدير لاهلكو وتربيتكو الكويسة

فتره كده ولقيت موبايلى بيرن نمرتها ظهرت تانى مكنتش مصدق ----

ليه كده بقى لسه بنقول انتو كويسين
بس ماشي مش مشكلة تلاقيها بس اما
1- ضعفت شوية وحنت ؟
2- او يمكن قلقت عليك فجأة ؟
3- ويمكن حست انها بس كانت علاقة كويسة فحرام تضيع منها ؟
الف يمكن ويمكن بس الاهم ايه بعد كده ؟


للامانه انا كنت اول مره اتعرض لموقف زى ده ان ف واحده اتكلم معاها --- لانى مش برتاح اوى للمعامله مع البنات ولا حتى ف الكليه --- المهم طبعا رجعنا نتكلم تانى بس مش زى الاول وبعدين حصلت اغرب حاجه مريت بيها ف حياتى ---
انا طبعا ف دماغى واحده وعمرى ما اقدر اتخلى عنها ---- بس زى ما قولت وهقول وزى ما كل اللى عارفين ما بيقولوا انى انا وهى اغرب اثنين حبينا ف الدنيا كلها ---- والله عمرى ماكلمتها ولا بصلتلها ولا هى هى يدوب الحكايه بدات اننا عرفنا عن بعض شويه حاجات كده عن طريق الصدفه وبعد كده كل واحد فينا عايش ايامه بعيدعن التانى بس بنعمل كل حاجه تقريبا عشان خاطر بعض --- المهم ف الفتره دى حسيت انى بخونها كده لانى عمرى ا هسمحلها انها تعمل كده ولو انا مسامح انا متاكد انها عمرها ما تعمل كده ابدا ابدا ابدا ---- لانها احسن منى بكتير ---- المهم كان لازم نبعد تانى ---
بجد فكرتني بايام زمان ... مفيش اصلا حب كده دلوقتي الكلام ده بقى نادر الحدوث
وبيني وبينك (بلاش تحكي كتير عليها ولا تحكي لكل الناس علشان مش طالبة ابدا تاخدوا عين متينة )

وبعدين رجعنا نتكلم تانى بس خلاص بقى مش زى الاول خالص يعنى يا دوب لو صدفه كده ع النت ----
اهم حاجة انكو انتو الاتنين متكونوش حاسين بتانيب الضمير
ولو حد فيكو حاسس بده سواء انت او هي يبقى احسن بلاش
ولو حتى تخلوا الاتصال على فترات متباعدة اوي تطمنوا على بعض وخلاص
وكده كده مع مشاغل الدنيا ومشاكلها حتنسوا و حتتشغلوا وظروفكو حتتغير وكل حد فيكو حيعيش حياته

طب وف الاخر انا بقى هقول انا استفدت ايه وانضريت بايه ---

* استفدت منها : انها غيرت شويه كتير ف دماغى وعلمتنى حركه حلوه اوى ه التفكير ع الورق لانها كانت بتعملها كتير وكان نفسى اتعلم منها النظام لانها مرتبه لدرجه كبيرها اوى وبرضه التسامح لانها متسامحه لدرجه كبيره والنشاط برضه لانها نشيطه بطريقه غبيه والرغى ف التليفون والهزار اللى مكنش بينقطع واكيد برضه طلعت بشويه معلومات عن عالم حواء الغريب الملئ بالاسرار وشويه فن ف التعامل مع البنوتات لانى تقريبا مكنتش كلمت حد قبلها وافضل حاجه بقى اتعلمتها منها انى عرفت انا قد ايه بعز البنت اللى ف دماغى وعمرى ما افرط فيها خالص ----- واكيد ناسى حاجات بس عذرا
مسامحينك على اللي نسيته
وبعدين كفاية كده
حسستنا انك كنت بتكلم موسوعة متنقلة
ويمكن هي برضه اتعلمت الحاجات دي من حد تاني ويمكن اتعلمتها جديد ويمكن ويمكن الله اعلم

* الضرر : اكيد الضرر مكنش بسببها بس اهو بقى --- الاول والاكثر انى حسيت انى خونت عهد ما بينى وبين اغلى حد عندى ف الدنيا ---
الله اكبر الله اكبر اقول ايه بس ( بالبلدي كده خمسة وخميسة )
يا gollom ارحم نفسك وارحمها زمانها بتشرق دلوقتي( مقصدش بنت النت لا اقصد حبيبتك )

كنت بضطر لانى ابعد عن بيتى عشان اعرف اكلمها --- وطول الوقت كنت حاسس بالذنب اللى اخنا بنعمله وكنت متعذب --- وعملت جفوه ف نفسى مع نفسى بس مش عارف ليه ؟!!!
وده الفرق بين اللي عنده ضمير صاحي واللي معندوش
ربنا يخليلك ضميرك يارب صاحي دايما

وفى حاجه كانت بتحصل لما كنت بكلمها --- انا ليا اصدقاء بحكيلهم ع كل حاجه طبعا كانوا عارفين الحكايه من " طقطق لفقفق"
حلوة من طقطق لفقفق دي ( عايزينك تحط قاموس الكلمات بتاعك عالمنتدى بصراحة قاموس رااااااااااااائع )
اهنيك عليه

وهما كانوا خلاص قربوا يتخنقوا منى بسببها عمال احكيلهم عليها اخلاقها تصرفاتها وكده لما خلاص كانوا لو شافوها كانوا هيضربوها ---بس مش عارفين التفاصيل اوى يعنى عشان برضه الصداقه اللى ما بينى وما بينها تمنعنى انى اقول التفاصيل
الله يكون في عونهم طب انت وبتتتكلم مع بنت هم ذنبهم ايه
( وصلت للضرب كمان ... الحمد لله انكو بطلتو تتكلموا )


ع اى حال هى دى الحكايه واتمنى مكررهاش تانى لاننا اتفقنا انها تكون اخرمره نعمل فيها كده
ياريت كل ولد يتعرف على بنت ( طبعا اقصد ولاد الناس الكويسين ) يبقى ضميرها كده ويتفق معاها انهم ميعملوش حاجة غلط تاني


بس انا لو الوقت رجع بيا عمرى ما اعمل كده تانى عذرا لها مع كل احترامى
اكيد هي كمان من جواها حتى لو كانت هي اللي اتصلت بيك تاني ) عارفة انه غلط وكمان متاكدة ان لو الزمن رجع بيها تاني مكنتش ابدا حتعمل كده
لان اي حد بيعمل حاجة غلط مع الوقت وكل ما بيكبر سنة لا شهر بيفكر وبيراجع نفسه في اللي عمله ( وبرضو الكلام موجه للناس المحترمين والتانيين ملناش دعوة بيهم )


بس لاننا بنقابل ناس كتير صح ف اوقات او ظروف غلط ع الاخر وهى للاسف كانت من الناس دى
ف ظروف احسن من كده عمرى ما كنت فرطت فيها ----
تفتكر هي رايها كده؟
انا اذا كنت مكانها كنت قلت نفس الكلام بتاعك
بس كمان الاسوأ انك تقابل انسان غلط وانت في ظروف صح لان ده بيشدك معاه في الغلط ومش بيخليك تعرف الصح فين

بس --- لو حد حابب يعلق ع كلامى او يقولى انت صح او غلط انا متقبل
وف الاخر بتمنالها الخير وتمنالها حياه كريمه وحياه سعيده وطويله مع من تستاهل
كلامك صح جدا
هو صحيح في حاجات لو هي فكرت بقلبها حتزعل شوية بس لو هي انسانة زي ما بتقول في توارد افكار بينك وبينها وفكرت بعقلها حتفرح جدا وحتدعيلك من قلبها


اه ف حاجه نسيتها ---- لو انت صادق مع اى حد تعرفه اكيد اكيد هيتمناك الخير حتى لو هو مش هيستفيد وانا حسيت ده معاها لانها اتمنتلى الخير وهى مش مستفيده
احسن احساس في الدنيا انك تتمنى وتطلب من ربنا السعادة لحد عزيز عليك حتى لو سعادته دي مش معاك ولا في قربك
وبصراحة انت وهي اتعلمنا منكو كتير
وياريت كل الشباب والبنانيت يتعلموا هم كمان

وتصدقوا والله هى اتحملت غباوتى ف الكلام كتير لانى اسلوبى ف الكلام صعب شويه حد يستحمله
كتر خيرها بقى ... ليها الجنة
( انا مش قلتلك بلاش الالفاظ القيمة اللي بتقولها ... عامة مش زعلانين عارف ليه لانك بتقولها في ناس تستاهل )

[vindiesel]

وانتى بقى يا أشلاء القلب فين حكايتك اللى قلتى لنا عليها

منتظر اعرفها بفارغ الصبر

[vindiesel]

ايه يا جدعاااااااااااااااااااااان

هو الموضوع اتقفل على كده ولا ايه؟؟!!

ده انا كنت متوقع انه ياخد شكل تانى خالص

كنت متوقع انه هيبقى موضوع نقاش من الدرجه الاولى

بس طبعا مش عاوزين خناقات فى المناقشات

يلا بقى نناقش علشان نستفيد