|
|
|||||||
| عالم ادم حوار هادف مفيد بدون تجريح |
 |
|
|
أدوات الموضوع | إبحث في الموضوع | انواع عرض الموضوع |
|
#13
2009-10-01, 12:59 AM
|
||||
|
||||
مستنين اميره
بس هو لازم جواب بالتفصيل ولا ما قل ودل |
|
#15
2009-10-01, 01:46 AM
|
||||
|
||||
|
1) ما اسم مدرستك الابتدائيه و الاعداديه والثانويه ؟ ابتدائى/مدرسة الزهراء اعدادى/ الشهيد احمد بدوى (احمد بدوى ياسارة مش احمد حمدى )اصل انا وهى كنا مع بعض بس مكناش اصحاب ساعتها ثانوى/مصر القديمة بنات 2) ايه المادة اللى كانت مفضله ليك و ليه ؟؟ و الماده اللى كنت بتكرها وبرضو بتكرهها ليه؟؟ كنت بحب اوى الرياضيات وخاصة بتاعة ثانوى(عبقرية من يومى)ههههههههه لا بجد بحب او الحسابات والحاجات دى واكتر مادة بكرها وهفضل طول حياتى اكرها التااااااااااريخ (اساسا انسان مؤذى اللى حطهولنا في المناهج )بكرهه عمى لانى مبعرفش احفظ اساسا فاى مادة عندى نظرى رخمممممممممممممة اوى وخصوصا التاريخ 3) مين المدرس اللى كنت بتكرهه جداااااااااا و ليه ؟؟والمدرس اللى كنت بتحبه جدا وليه؟ مدرس كان بيدينا درس تاريخ انا وسارة(مستر صلاح فكراه؟) اووووووووووووووف اعوذ بالله منه الا ما فى مرة ضحك ولا فرد وشه حتى كان دايما مبوذ وكرهنى في التاريخ اكتر مانا كنت كرهاه بس كان بيحب سارة اوى لانها كانت موووووووووس معاه ههههههههههههه وكنت بحب جدا مدرس عندنا في اعدادى هو مكنش بيدرسلى بس انا كنت مشتركة في مسرح المدرسة فكان هو المخرج بتاعنا بس بجد بحبه جدا ومازلت لحد دلوقت لو شوفته فى اى مكان لازم اسلم عليه هو بالخصوص 4) موقف محرج حصلك قدام العيال فى الفصل ؟؟ مرة وانا فى ثانوى سنة تالتة قومنى مدرس العربي(كان رخم باردو)بيسألنى (بس نظام استقصاد ورخامة يعنى)فانا معرفتش اجاوب هزأنى (وانا طبعا مش هسكت)فرديت عليه(بس بأدب والله مش اوى يعنى ههههه) زاد بقى فى التهزيق فاضطريت اسكت بقى احسن مصيرى كان هيكون المديرة(ودى ربنا ما يوريكوا) 5) اكيد حبيت و انت فى المدرسه و كان اسمه او اسمها ايه و كام مرة حبيت ؟؟ هههههههههههه وانا فى 5 ابتدائي حبيت مدرس كان عندنا(هو كان في كلية تربية بي كان بييجى تدريب عندنا) وكان اول مرة احب بس للاسف مشيت بعدها لان كان عندنا 5 سنين بس الدراسة 6) زورت مكتب المدير قبل كدة و كنت عامل مصيبة ايه ؟؟ هههههههههههههههنفس موقف سارة اللى قالته لانى كنت معاها وانا كنت السبب كنا مزوغين من حصة ومديرة الدور قفشتنا المهم زعقتلنا وبتقول انتوا مش متربيين فانا قلتلها لو سمحتى ماتقوليش كدة(فيها حاجة دى؟) بعتتنا عالمديرة بس الحمد لله ساعتها كان عندنا مجلس الاباء وزميل ماما في الشغل كان رئيس مجلس الاباء وخرجنا من الموضوع 7) جالك استدعاء و لى أمر و كان ايه السبب ؟؟ لالالالالالالالالالالا محصلش طبعاااااااااااااا(ههههههههه يبقى عيب فى حقى اوى)8) اخدت فصل قبل كدة من المدرسه و كان كام يوم و ايه السبب ؟؟ لا باردو محصلش 9) اكبر علقه اخدتها فى المدرسه و مين ادهالك و كان ايه السبب ؟؟ والله مش فاكرة بس اكيد كنا بنضرب بالعصاية في ابتدائي10) اوصف نفسك فى كلمه واحدة كنت تلميذ ...............................؟؟؟ تلميذ//////// ابتدائي مجتهدة اعدادى مش اوى او يعنى كويسة الى حد ما ثانوى فاااااااشلة وبنجح كدة ارضاء للوالدين وبس 11) كان الزى الرسمى ال( uniform ) بتاع مدرستك لونه ايه و عبارة عن ايه ؟؟ ابتدائي دريل بنى وتحته قميص بيجاعدادى دريل كحلى وتحته قميص لبنى واحيانا جيبة كحلى وقميص لبنى ثانوى جيبة كحلى وقميص ابيض وحجاب ابيض ساااااااادة(طقوس مملة) 12) اقل درجة جبتها فى الامتحان و كان امتحان ايه ؟؟ افتكر امتحان التاريخ 3 ثانوى جبت 26/50 ودى كانت معجزة انى نجحت اساسا(هتعرفوا ليه تحت)13) شلت مادة قبل كدة ( ملحق يعنى ) و كانت المادة ايه ؟؟ لالالالالالالالالا في المدرسة محصلش ابدا واللهبس في الجامعة شلت سنة بحالها(احنا هنهزر ونشيل مواد ولا ايه ههههههههه) 14) عمرك غشيت او عملت برشام ؟؟ بصراحة ههههههههههههههه محدش يعرف الحكاية دى ابدااااااااااا حتى سارة هتوفاجأ في 3 ثانوى امتحان التاريخ طبعا انا نيلة فيه فعملت برشام(كانت اول مرة والله تحصل) وال ايه بقى البرشام واخدة الملازم ييجى 4 كدة ههههههههههههههه المهم حطاهم في جيب سحرى كدة مش باين من البلوزة اللى كنت لبساها وقولت للمراقبة عاوزة اروح الwc(علشان اغش هناك بقى )قفشتنى ههههههههههه بس الحمد لله طلعت كويسة واخدتهم بهدوء ورجعتنى تانى كنت هعيط ساعتها وانا مش عارفة اى حاجة في الامتحان والله ما اعرف جبت 26 ازاى 15) اوصف ايام مدرستك فى كلمة واحدة كانت .............................؟؟ ابتدائى عاااااااااادى اعدادى ملل ثانوى اجمل ايام حياتى واجمل من الجامعة والله 16) لو قالوك ترجع لأيام المدرسه تقول ايه ؟؟ يااااااااااااااااااااريت بس المذاكرة تكون اختيارى بقىنعم (أو) لا اذاكر اللى على مزاجى 17 ) تحب ترجع لأنهي سنه بالظبط في المدرسه 3 ثانوى(من أولى ابتدائي لحد 3 ثانوي) ؟؟ 18)ايه أكتر سنه (من أولى إبتدائي لحد تالته ثانوي) بتكرهها؟؟ وايه أكتر سنه بتحبها؟؟ بحب 3 ثانوى وبكره عادى مش بكره سنة معينه ياللا اى خدمة سليتكوا اهو بس بجد فكرتينى بحاجات جميلة اوى مشكوووووووووووورة كارمن عالاسئلة
__________________
      
|
|
#16
2009-10-01, 02:15 AM
|
||||
|
||||
|
هههههههههههههههههههه
ايه يا بت حكاية امتحان التاريخ دى الله يخرب بيتك يعنى تعب مستر صلاح كله مجاش بفايده والنبي لو عرف القصه دى كان قتلك وبعدين اه سورى والله انا ناسيه خالص ان كان اسمها احمد بدوى مش حمدى انا عندى زهايمر وطبعا المدرس اياه بتاع المسرح يبقى مستر مصطفى مش كده؟؟؟؟ |
|
#17
2009-10-01, 11:01 AM
|
||||
|
||||
|
بتغشى يا مانولى
ما كانش العشى يالا اهو عرفنا معلومات مستخبيه ههههههههههههههه مين بعد مانولى |
|
#19
2009-10-01, 06:39 PM
|
|||
|
|||
|
ما اسم مدرستك الابتدائيه و الاعداديه والثانويه؟
مدرسه الابتدائي كان اسمها عقبه بن نافع ومدرسه اعدادي كان اسمها العمرانيه الاعداديه ومدرسه ثانوي كان اسمها احمد عرابي الثانويه ايه اسم الماده اللي كانت مفضله ليك وليه وايه بردو اسم الماده اللي بتكرها وليه؟ انا كنت بعشق ف ابتدائي الحساب والا نجليزي واعدادي بردو نفس المواد ولكن ف ثانوي كنت بحب جدا ممكن تقولوا بجنون اللغه الالمانيه وكنت بحب اذاكر معاها الرياضه لكن الالماني ليه نصيب الاسد واكتر ماده بكرها وبتعكنن لما اسمع سيرتها يارب تتلغي يارب ويريحونا هي التاريخ انا ليه معاه ذكريات بلاوي مين المدرس اللي كنت بتكرهه جدا وليه ومين المدرس اللي كنت بتحبه جدا وليه؟ هههههههههههههههه المدرس اللي بكرهه كل ما افتكره افطس م الضحك بصوا ده كان مدرس انجليزي عندي ف اولي ثانوي كرهني ف الانجليزي الله يكحمه طول عمري اجيب فيه الدرجات النهائيه جيت معاه ومتعرفوش الغباء حل عليا ينتقم منه ده واحد عنده بتاع 45 سنه ولسه متجوزش عاااااااانس وطبعا جي مدرسة بنات والبيضه كان بيتكسف مننا فماكنش بيهون عليه يبتسم لما قولناله لازم يامستر تضحك ده التبسم ف وجه اخيك صدقه يقولنا ايه بقي اسمعوا وافطسوا م الضحك انا لو ضحكتلكم عادي انما المدرسين الباقيين يقولوا بضحكلكم ليه انا شاب ولازم اتجنب اي كلام وفتن بذمتكو مش حاجه تفطس م الضحك اما بقي المدرس اللي كنت بعزه اوي مدرس الرياضه ومدرس الالماني مدرس الرياضه كنت بحس انه ابويا بجد وبيخاف عليا وبيحميني وكمان مدرس العربي كان هو اللي مربيبني ومدرس الالماني كنت واخده مثل اعلي ليا وكان نفسيا ابقي زيه موقف محرج حصلك قدام العيال ف الفصل؟ هههههههههههههههههه كنت ف الفصل ف ابتدائي كنت بتكلم فرائد الفصل طلعني برا للمستر عشان يضربني فوقعت وسنتي اتكسرت ههههههههههههه كانت معقداني الحركه دي جدااااااااااااا اكيد حبيت وانت ف المدرسه كان اسمه وكان اسمها ايه وكان كام مره جبيت؟ تصدقوا بلله انا عمري ما حبيت حد انا طول عمري كنت بذاكر وبس عايشه عشان اطحن الكتب وادحها واطلع من الاوائل الحمدلله ابتدائي اعدادي ثانوي وحتي جامعه بجد مش تكبر بطلع من الاوائل الحنمدلله انما كان في ولد كان عاجبني اسمه عبد الرحمن كان مؤدب وشاطر وكان بينافسني فكنت حطاه ف دماغي وانا بحب المتفوقين زورت مكتب المديره قبل كده وكنت عامل مصيبة ايه؟ صدقوني عمرها ما حصلت ولا عتبتها اصلا ولا اعرف شكلها ايه بجد مش بهزار جالك استدعاء ولي امر قبل كده وكان بسبب ايه؟ ولا مره والحمدلله انا كنت بروح كل يوم وعمري ما غبت ده كانو هما اللي بيقولولي يا بنتي انتي بتجي ليه روحي وريحي وعمري ما كنت مشاغبه ولا ضايقت حد كنت ف حاااالي اخدت فصل قبل كده من المدرسه وكان يوم ايه وايه السبب؟ الحمدلله محصلتش خااااااااااااااااالص اكبر علقه اخدتها ف المدرسه وايه السبب ومين ادهالك؟ اكبر علقه اخدتها هي ضربه علي ايدي بلعصايه عشان كنت برغييييييييييييي اصلي كنت رغايه فظيعه ده عيبي الوحيد اوصف نفسك ف كلمه واحده كنت تلميذ.......................................؟ الحمدلله ابتدائي اعداادي ثانوي متفوقه انتو عارفين انا جبت ف تانيه ثانوي الحمدلله 95 ف الميه احم احم انما تالته ثانوي كان 85 ف الميه بسبب اللي حسبنا الله ونعم الوكيل فيه التااااااااااااااااريخ و الاحصاء لانه كان امتحان صعب وكل الناس اشتكت منه ايه كان الزي الرسمي (uniform) وكان عباره عن ايه؟ في ابتدائي كان دريل بيج وقميص بيج او ممكن تقولو مريله هههههههههههههههههه ف اعدادي كان قميص لبني وجيبه كوحلي ف ثانوي كان جيب كوحلي وقميص نبيتي وطرحه بيضه ودي بذات كانت اكتر حاجه بتغظني اقل درجه جبتها ف الامتحان وكان امتحان ايه؟ الحمدلله والشكر لله كان ف امتحان التاريخ جبت 38ونص من خمسين فشل فشل يعني شلت ماده قبل كده (ملحق يعني) وكان ايه؟ يالهوي ولا مره ولا حتي ف الجامعه دي لويوم حصلتلي ممكن اروح فيها الحمدلله محصلتليش عمرك غشيت او عملت برشام ؟؟ بصراحه احم احم بصراحه حصلت بس مره واحده بجد بردوف امتحان التاريخ اذاكر مهما اذاكر فيه ويتبخر روحت الامتحان ونسيت كل حاجه قعدت اعيط لغاية ما صعبت ع المراقب قالي انزلي الحمام يمكن تلاقي ملزمه مرميه غشيلك كلمتين نزلت لقيت المشرف بيطرد العيال من الحمام ومعاه الملازم قولت ايه الحظ الاغبر دع جات الحزينه تفرح المره الوحيده اللي فكرت اغش فيها اوصف ايامك ف المدرسه ف كلمه واحده كانت..............................؟ ابتدائي جميله جدا اعدادي معقوله ثانوي اجمل ايام حياتي ونفسي ارجعلها تاني اجمل من الجامعه نفسها بجد والله فعلا زي ما مانوللي قالت لو قالولك ترجع لايام المدرسه تقول ايه ؟. (نعم او لا) نعم طبعاااااااااااااااااااااااا بدون جدال بس ايام ثانوي بجد احلي ايام حياتي ترجع لانهي سنه بلظبط ف المدرسه؟ (من ابتدائي لحد 3 ثانوي) 2 ثانوي ايه اكتر سنه من (اولي ابتدائي لحد تالته ثانوي) بتكرها وايه اكتر سنه بتحبها؟ اكتر سنه بكرها اولي ثانوي واكتر سنه بحبها تانيه ثانوي انا بجد معاكو افتكرت اجمل ايام حياتي اللي مش هتتعوض ويارب مكنش كنت ضيفه تقيله وتقولو عليا فشااااااااره والله ابدا مكدبتش ف حاجه انا كنت فعلا كده وميرسي كارمن بجد ليكي انت زي العسل |
|
#20
2009-10-01, 08:11 PM
|
||||
|
||||
|
ميرسي ليكى يا أموره
ده انتى طلعتى مووووووووس واحنا منعرفش مش حسد والله ده قرّ بس هههههههههههههه لا والله يارب دايما كده من المتفوقين مش عارفه التاريخ ماله يا جماعه معقدكم كده ده انا كنت بموووووووووووووت فى التاريخ اصلي بحب الحفظ اوىىىىىىىىى واللا المدرس بتاعك اللى عنده 45 سنه وبيقولكم انا خايف من الفتنه اصل انا شاب هههههههههههههههههههههههههههههه والله يا أموره ضحكتينا وسلتينا جدا ميرسي ليكى والعضو اللى بعد كده جولدن مان أو اوس الواثق اللى ييجى فيهم يجاوب التعديل الأخير تم بواسطة karmen ; 2009-10-01 الساعة 10:53 PM |
|
| مواقع النشر (المفضلة) |
| الكلمات الدلالية (Tags) |
| لازم, أداء, بديل, عالموضوع(ده, إبتدائي, إجباري, إختياري), وثانوي, وإعدادي |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لازم انسااااااااه | sPrInG rOsE | منتدي الفنون الادبيه | 0 | 2010-09-01 12:44 AM |
| لازم تشوفو الموضوع ده | zizo 97 | منتدى الترحيب والاهداءات | 0 | 2010-02-06 01:38 PM |
| تخيل لو تدخل غرفت نومك فتجد......... | ملاك الروح | اضحك من قلبك | 15 | 2010-01-10 09:13 PM |
| لازم تتكلم | THE BOSS | الابداعات الفنيه للاعضاء | 2 | 2009-06-10 02:24 PM |
| لازم تتدخل | mas9220 | الصـــور ومقاطع الفيديو | 3 | 2008-03-08 06:47 PM |
تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 700 * 556.
العرض العادي
