الشيطان والخبيث والمقامر والمخدوع قصة حقيقية( eima )

[الماجيك]

هو أنا كل ما أقرى جزء الأقيك ضيفت الجزء اللى بعده

بس بجد الموضوع جامد اوى

تسلم يا مان

[Silver]

بجد إيما ،،،

الموضوع متميز جدا جدا

وأنا قريته كله ....

ومتشوق للأجزاء القادمة

سلمت يمناك

[amralbob]

بجد تسلم اديك على المجهود الرائع ده واتمنى المزيد والتوفيق

[eima]

( أسف جدا بس اللى حصل حقيقي واسف للنجوم على الاسامى حتى لا تستغل القصة فى افعال ثانية ولكن طبعا الاسامى كده معروفة ) .

الجزء الرابع : الشيطان والثلاثي الهارب .

يوم وفات المقامر ( يوسف ) وعند دفن يوسف كانت الناس لا تنظر ولا ترى غير على الشيطان والاب والام وما هو شعورهم فمن يقول يا رب يصبر قلب أمة ومن يقول ربنا يعوض على أبوة ومن يقول الشيطان هيعمل ايه فى حق صاحبه اللى اتقتل .

وقف والد المقامر وقال بعد الدفن بصريخ عالى وصوت عالى مليئ بالبكاء ماليئ بالحزن والهم مليئ بالغل والانتقام ..

والد المقامر : شطااااااااااااااااان انت يا شطان خد .

الشطان : أيوة يا بابا ( كانت الكلمة :كانها صفعة على وجة الناس فساد السكوت والصريخ والعويل كان محتاج ان يسمعها والد المقامر )

والد المقامر : بابا لو انت عاوز تقول يا بابا وبحق وتكون انت يوسف اللى مات هاتلى حق يوسف أبنى هاتلى حق أخوك هاتلى حق صاحب عمرك هاتلى اللى قاتلوة .

الشيطان : طب تعالى يا أبويا الحج البيت وبعدين ربنا يسهل ز

ماتت الحياة في شارع الشيطان معتش أطفال بتلعب ولا يوجد وقفت الشباب ساعة العصارى والمغربية ولا يوجد من له نفس للضحك واللعب زينة شباب العرب من قتل ومن قُتل ومن مات بسبب القمار وما هو القدر المكتوب للشيطان .

لم يعد الشيطان خالى بل كان كثير التفكير يمر اليوم ولا يفعل شي الشيطان غير العمل والذهاب لوالدين يوسف وكان ايضا ً الكثير النوم عندهم مساءا ً والصباح تانى يوم اللى العمل حتى هداءت الظروف قليل ً وكان الشيطان ماشي في يوم وشاف كلب اسود كبير شرس فسائل عنه فقالو له ده أديس** اللى باعو وقف وتذكر موقف :
كان الخبيث في يوم من الايام في قهوة ( غرزة ) وشد مع أديس ** فما كان من اديس * هذا غير تسليط كلبه على الخبيث وحصل فعلا أصابة في قصبة رجل الخبيث وجرح فى زراعة الايسر ووقف العركة على هذا وحين الرجوع الى الشارع ما كان غير للشطان غير أن أشترى 3 لتر بنزين وصبهم فى زجاجات وادخل بداخلها نوع من مسامير الاحذية ( مسامير صغيرة جدا ) وتاجير موتوسكلات من عند عم عادل اللى فى شارع الصباح خلف المجمع والذهاب اللى أديس * ليلا وحرق الكلب المربوط بأسفل عمود أنارة لم تتخيلو منظر الكلب حين أنفجار الزجاجة وتطاير المسامير والنار منها لم يتبقي من الكلب شيئ نهائيا والذهاب الى صديق المخدوع وأخذ كلب شرس جدا تانى يوم والذهاب لقهوة أديس ولكن وقف الشيطان وسئل عنة فقال انا أديس .

الشيطان : وانا اللى ولعت ليك في الكلب بتاعك وعلى فكرة ده تانى كلب أولعه في حياتى باين على هحب حوار النار ده اصل انا جاى أعزيك فيه وجيبلك واحد مكانة بس حاول تروضة .

وسلط الكلب عليه وما كان من الكلب غير عض زراع وفخد أديس فقال الشيطان لصاحب الكلب وقفو وقال لأديس .

الشيطان : أحنا جاين ناخد حقنا بس ومش عاوزين اكتر من حقنا احنا لينا عندك دم من دراعك بس هسبهولك مجدعة ومش هنزودها ونحط عليك احنا الاربعة بس لو شفت الخبيث فى اى مكان متحطش عينك في عينو .

وبعد كده أتاحب عليهم اديس وبقي معاهم حبيب وحليف .

فاق الشيطان من الذكريات وأوقف تاكس وذهب لاديس .

أديس : البقاء لله يا شيطان .

الشيطان : عاوز منك خدمة هتبقي دين في رقبتى .

أديس : رقبة مين انت واصحابك ناس ماتتعوضوش أأمرنى .

الشيطان : عاوز أعرف مكان عشش الطناحى والميت والصعيدى .

اديس : الميت ليا عنده حوار قديم اصلا من عينى عدى عليا بكرة زى دلوقتى وانا هقولك .

عدى تانى يوم الشيطان عليه وشرح شكل بيوتهم وأماكنها فقال له الشيطان بعد ما رأى أن بيت الطناحى على أطرف الدريسة وسهل الفعل بها أى شيئ .

فات الشيطان على أصحابة القدام وطلب الاخز بتار صديق عمرة المقامر فما كان منهم الا انهم وافقو وبالعكس بدأو بتجمع أعداد رهيب من الاصدقاء ووقفو كلهم عند بيت الشيطان حينها وقفت المساكن كلها خارج النوافذ ينظرون على هذا العدد من الرجالى فكانو حوالى 20 رجل وكل رجل يحل مشكلة لواحده فكان منهم وعلم كل من في الشارع أن الخطر قادم فى هذه اللحظة لأول مرة الشيطان هو اللى هيبقي جوة المعركة من بيخطط بس لا بيخطط وينفذ .

مجدى الاعصر / رزق الطويل / ميدو / الاردنى / الاشقر / اح** سبانخ / الدرش ***في / زغلول **** / حمكشة / أبو زيد / البراوى / *****اوى / وليد المح**ى / البرنس .

ورسم لهم خطتة ...................

وفى نفس اليوم ذهبو على سيارات ربع نقل ومعهم أزايز البلتوف ( البنزين الحارق ) .

ورمى فقط عشة الطناحى فقط لا غير فعلم الناس انهم غر مقصودين وان هذا تار بايت ولم يخرج حتى فرد بالرد علينا في ثوانى قليلة كانت عشة الطناحى ما هى الا رماد وقد أحرق أجزاء من أخيه وخلال ثوانى قليلة كان الشيطان يقول ( ده كارت يا طناحى وكروتى ما بتخلص عاوزك وانت واصحابك هتعرفو تجولى ) وفي ثوانى كانو على السيارت اللتى كانت مدهونة الارقام من عليها وكأنهم جن ولم يظهررو .

لا يعلم الشيطان ان كان عدد ازايز البنزين أكتر من الازم وأحرقت معها 2 عشة أخرين نقدر نقول ( نصبهم ) أو ( اللى يسكن جنب الحداد ) .

وعلم الشيطان ان الطناحى والميت والصعيدى هربنين فى منطقة تسمى بالجناين بعد جمرك بورسعيد .

وابعت لهم مرسال ان الشيطان لم يهداء وانه سوف يحرق منزل منزل حتى يأتون اليه وان لم يستطع فسوف يقوم بتشويه أهلهم حتى يأتو .

فقال له : أيه اللى عاوزو الشيطان مننا يسلمنا هنقتلو ونسلم نفسنا حلوة 5 سنين فيهم مش خسارة فيهم ***ن الطناحى جدا وقالو ليهم لو انتو مش عاوزين ترحولو انا هروح كده او كدا يحرق العشة واخويا قولو يجلنا عند ( *** ***** ) مكان عند القابوطى ووافق الشيطان كأنه غرور كأنه ...... .

يتبــــــــــــــــــــــــــــــــــع ( عاوز أنام تصبحو على خير )

[karmen]

لالالالالالالالالالالالالالالالا
ايما على فكره انت كده استفزتنى
تنام ايه يا عم كمل الأول
عالعموم تسلم ومستنيين الباقى

[golden man]

ايه يا بت يا كارمن انتى علشان ما بتناميش انا مش عارف بتخليكى صاحيه ازاى الفتره دى كلها
انتى بتضربى برشام خلى ايماينام تصبح على خير نوم العوافى يا ايما

وبجد تسلم ايديك على القصه الجامده موووووووت دى ومؤثره فعلا

ومنتظر بقيت الحلقات شكلك هتخليها مسلسل سنوات الضياع

او بريزون بريك بالتوفيق يا ايما

[eima]

بجد انا بشكر كل اللى رد فى قصتى المتواضعه دى

وبجد كنت عاوز انام مووووووووووووووووووووووت كنت لسه جاى من سفر

ثوانى وأنزل الجزء الاخير

[Silver]

كمل الموضوع يا ايما

ده موضوع غاية ف الجمال

ومشكور مقدماً

[golden man]

انا عارف حوار النوم ده اسئل مجرب

[eima]

الجزء الخامس والاخير :

بعد موافقة الطرفين الشيطان ومن معه و الثلاثى الهارب وأيضا من معه فى منطقة ****** القريبة جدا من القابوطى عند البحيرة أو ما تسمى الان بالطريق الداولى .

وعند المقابلة قال الشيطان :

أنا مش عاوز منكم غير حق صاحبي وانت يا طناحى عاوز منى حق أخوك يا تبعتونى لصاحبي ( يموتوه ) أو أنا اللى أبعتكم لأبوة وهو يتصرف معاكم ده غير حقي اللى هخدو فيكم .

ويفجئ الشيطان بأن الطناحى يشهر سلاحة الابيض الطويل ( سيف ) فى وجة الشيطان فيقول له الشيطان :

الشيطان : تعالى نخليها أنضف تعالى نخليها راجل لراجل ولو عاوز تخليها سلاح بسلاح ماشي وده حساب بينى وبنكم انتو الــ 3 والرجالة دى كلها هتتفرج وتمنع اى غدر يحصل انزلولى راجل راجل .

ويوافق الطناحى معتقدا أنه لوحده قادر على قتل الشيطان وعند المنازلة يمسك الشيطان خنجره أيضا ولكن كانت معركة أقل من دقائق معدودة فكان أصابة الشيطان فى جنبه اليمين من الخلف ولكن كان الشيطان قريب جدا من الصعيدى والميت فما كان من الشيطان غير أن خطف سلاح الصعيدى ورفعه سلاحة فى أخف من البرق وأنزلة على كتف الميت وسحب خنجرة من خلف ظهره وطعن الصعيدى في وجة وفخده وحينها كأنها قامت القيامة فقد خالف الشيطان الاتفاق الذى حدده هو بلسانه فما كان من الرجالة المتابعين من الشيطان والرجالة المتابعين من الثلاثى غير النزول في أرض المعركة وكانت مثل أرض قتال فأصيب الشيطان في أعلى جبته من الجه الشمال وأيضا ً فى ذراعة الشمال عند الكوع وفى ضهره وفي فخده اليمين عند الركبه وأخذ طعنتين كانو قريبين جدا من القلب فوقف وأغمى عليه من كمية الدماء المنهدره ولكن لم يسقط لوحده فقط أسقط معه الطناحى والميت أيضا فى حالات أغماء فقد جرح الطناحى فى أسفل رقبتة جعلته كالمدبوح ولاكن لم تلمس منه أى عرق من العروق وأصاب الميت في وتر يده اليمين فعجزت يده ولكن قبل أغماء الشيطان كانت دموعه على خده بسبب انه تذكر منظر يوسف وهو ساند على العشه بضهره والدماء تسقط منه ولحظة عدم قدرتة على شرب الماء وان هؤلاء الثلاثة امامة الان وانه لم يعد كامل القوة بالرغم من انه راهم امامة على الارض غارقين بدمائهم .

يفتح الشيطان عينه يرى غرفة مقفلة ويرى نفسه محصور داخل عدد من الاسلاك المركبة داخل جسده فكان يوجد ضربة خطيرة قرب قلب الشيطان كانت سوف تفيض بروح الشيطان ولكن الحمد لله .

ويسكت الشيطان بعد العلم انه داخل غرفة من غرف العناية المركزة بمسشفي الاميرى العام وبعد لحظات يدخل ممرضة وتقول له الحمد لله على سلامتك كنا مش عارفين شكلك اول ما جيت أحنا غسلناك من قبل ما نعمل اي حاجة من كثرة دمائك انت أخدت لحد دلوقتى 4 أكياس دم وشكلك هتاخد الكيس الـ 5 قال ليها الشيطان :

الشيطان هو ايه اللى حصل وازاى جيت هنا .

الممرضة : أصحابك اللى حضرو بيك وكان معاك ناس تانين مصابين كتير بس الشرطة متبعاهم وعاملين عليهم حراسة شديدة بيقولو انهم اللى قاتلو الشاب اللى كان ميت من شهر أو أكتر بس الشرطة مش عاوزة الا هما بس اى حد مصاب تانى مش عاوزينو ومش بيكلموه .

يبتسم الشيطان ويقول لنفسه ( هو أنا ديما ً كده بره اللعبه ) .

ويرجع مع أهله بعد التحفظ عليه وبعد ما أصبح معاف ولكن عودته للشارع كانت بمثابة عيد ليها بمثابة فرح لكل أهل الشارع فاليوم خرج بعد اللاخذ بثار صديقه ويعلم الكل أن الشيطان ما أصابه من أصابة الا كأنها وسام على صدره وشرف أنها بسبب ذلك الثأر .

وبعد شهور يحكم القاضى على الثلاثه بــ أحكام تصل من 5 الى 15 سنة .

وتمر الايام ويقرر الشيطان أن يرحل من هذه المنطقة الى منطقة أخرى لا يعلم عنه أحد شيئ فعلا يرحل الى عالمه الجديد فى شارع جديد في شخصية جديد فى ثوبه الجديد شخص مثلي ومثلك ومثل اى أحد ولكن الشيطان يرحل من صاحب الى صاحب ومن مجموعة الى مجموعه يبحث عن يوسف ( المقامر ) يبحث عن طارق مكاوى ( المخدوع ) يبحث عن سراب أصدقاءه ويذهب كل جمعه الى المقابر يزور والده رحمه الله ويذهب ويجلس جنب قبر يوسف ويقف عند الذهاب وينظر الى قبر صديقه قائلا ( رحمك الله يا صديقي ) .

أتمنى ان تنال القصة أعجابكم ......

وأنتظرونا في قصتين يرويها الشيطان عن عائلتين ....

1 – الاخوه الثلاثه والمال الحرام .

2 – من أحب أن يمكر على الله .


مع تحيات / eima