ضيف في مطبخ الماجيك

[admin]

انا بقى الدكتور قالى كل شربه خضار بس


مستنى الطبق

[el.sa7er]

هههههههههههههه
تحفة التوبيك يا لمحة حب

حبيب قلبى ابو البكاهيم

بص بقى
بما ان اكلتى المفضلة المحشى
فأنا عاوز طبق محشى ورق عنب محترم ومعاه فرخة مشوية
يلا يا حبيبى بسرعة بس عشان جعاااااااااااااااان

[amira abdo]

انا نفسي ف مممممممممممممممممممممممم
عاوزه كفته مع مكرونه وظبطني سلطات هههههههههههههههههههههههههه يلا يابيكهام ورينا شطارتك

[gogodone]

يلا يا واد يا بكهام واحد
سى فود
وصلحه
بس اوعى السمك يعضَك

[beckham]

عايزة بصارة يا لمحة
اااااااااااااااااااااااااااااااااااه
منه له منه له
بصي يا ستي عشان تعملي بصارة مصرية علي حق هاتي المقادير دي:
- ربع كيلو فول جاف بدون قشره
- ربطتين كزبرة خضراء
- بصلة متوسطة
- عدد من فصوص الثوم حسب الرغبة
- قليل من النعناع الجاف
- ملح و فلفل حسب الذوق
- للتقلية عدد من فصوص الثوم مع كزبرة جافة
حفظتي المقادير خشي بقي علي طريقة العمل:
- ينظف الفول و يضاف كمية من الماء كافية لسلقه , تضاف الكزبرة الخضراء و النعناع الجاف و البصلة و الثوم , يجب عدم وضع اى ملعقة اثناء تسوية الخليط لكى ينضج الفول و ندعه حتى يستوي تماماً .
- بعد تمام النضج , ندع المزيج يبرد قليلاً ثم يخلط بالخلاط .
- يعاد الخليط للنار قليلا و يتبل بالملح و الفلفل حسب الذوق .
- تتم عمل التقلية بالثوم و الكزبرة الجافة المدقوقين جيدا و يحمر فى القليل من الزيت و السمن ثم يزين بها وجه الطبق و تقدم .
حفظتي الطريقة
يا رب ما تحفظ لا ده و لا ده
و ده شكل الطبق يا ستي بعد ما يجهز


اي خدمه يا ستي بالهنا و الشفتشي

[beckham]

ادمنا الغالي
الدكتور قالك متكلش غير شربه خضار انا لما اشوفه الدكتور ده بس
بص يا كبير عشان تعمل طبق شربه خضار ابن ناس و حليوة كده هات المقادير دي:
- نصف رطل لحم قطع صغيرة.
- بصلة مفرومة.
- رطل بندورة حبات حمراء كاملة.
- فنجان بندورة مصبرة.
- حبتان من كل نوع (بطاطا و لفت و جزر و قرعة)مقشرة ومقسومة إلى جزئين.
- نعناع وقصبر.
- نصف فنجان زيت ، ملح ، فلفل ، قرفة .
- لتر ونصف ماء.
- شوربة أو شعير مسحوق.
عرفت المقادير يا ريس خش بقي علي طريقة التحضير بس اوعي تتلغبط و تحضر عفريت بدل الشوربة
طريقة العمل يا مديرنا يا غالي:
- نأخذ قدرا نضع فيه كل من : البصل واللحم والزيت والملح و الخضار والبهارات والطماطم المصبرة ونصف كمية الحشائش مقطعة .
- ونضع الكل فوق النار لمدة 10 دقائق مع التحريك ثم نظيف الماء ونغلق القدر , ونترك الخضار لتستوي .
- بعد ساعة إلا ربع نفتح القدر ونتأكد من استواء الاثنين اللحم والخضار , فنختار كل الخضار ونضعها في المطحنة ونقوم بسحقها
- ثم نظيف المسحوق على المرقة ونتركها لمدة5 دقائق إلى أن يحدث الغليان ثم نظيف لها الشوربة أو نظيف لها كأس مسحوق شعير
- ثم نترك الكل فوق النار حتى يستوي لمدة 10دقائق تقريبا و في الأخير نضع عليها بقية النعناع والقصبر .
- وأخيرا نضع شوربتنا في الصحون , وبجانبها قطع الليمون
قشطه يا معلم عملت الطبق ده شكله بقي لما يخلص

قشطه يا معلم بالهنا و الشفا يا كبير و الف سلامة عليك يا اسامة
بس برده لما اشوفه الدكتور ده

[beckham]

بالنسبة ليك يا ساحر باشا انا مش شايف اي حاجه خالص من اللي انت كاتبة يا برنس
غير الهيلوغريفي اللي انت كاتبه ده و بعدين تعالي قولي ايه الطلبات او اقولك علي حاجه حلوة انا هجيلك دلوقتي و نشوف انت عايز تاكل ايه و اعملهولك في البيت و اخلص
مستني طلبك يا وااااااااااااااااااااااااااااااد

[beckham]

حبيب قلبي درش باشا منور المنتدي و الله يا برنس
قولتلي بقي عايز ايه طبق سي فود و اصلحه و انت مين قالك اصلا انه اتكسر يعني؟
و السمك مبيعضش علي فكرة يعني
بص يا برنس المقادير كالتاتي:
- نص كيلو ربيان طازج
- نص كيلو نقرمقطع دوائر صغيره ( اسمه كليماري )
- بصله واحده مفرومه فرم ناعم
- قليل من الشبت والكزبره ( تقريبا ملعقتان كبيرتان)
- 4 ملاعق نشا
- 2 ماجي \ قليل من الفلفل الأسود و قليل من ( آجي موتو )
- ملعقتين شوفان
- 10اكواب ماء مغلي
- خمس فصوص ثوم مدقوق جيدا
- ليمون (اختياري آخر شي )
- حبة فلفل أخضر حار
حلو خلصنا من المقادير الحمد لله خش بقي علي طريقة العمل:
- احمر البصل مع الزبده والفلفل الأخضر جيدا
- ثم اضيف عليه الربيان والنقر حتى ينشف مـــاء الربيان
- ثم أضيف الثوم واخلطه وبعدها المــاء المغلي واتركه يفور لمدة خمس دقائق
- وبعدها اضيف عليه الشوفان والنشا لازم مايكون وايد غليض إذا كان غليض ازيده ماء
- واضيف الماجي والبهارات
- اخر شئ الشبت والكزبره وخليها على النار لمدة خمس دقائق وقبل مابند اضيف اليمون و بالعافية
- ألي فوق صويا صوص وقليل من البهارات الخاصه بالشوربات من ( اسبنس ) يوجد هذا النوع في قسم البهارات الأجنبيه وليس الهنديه وقليل من البصل الأخضر وإذا حبيتو حطو قليل من الكريما بعد خاصه بشوربة السي فود من اسبنس لون العلبه اصفر مرسوم عليه ربيان
وده مظر الطبق بعد ما خلص


بالهنا و الشفا يا درش ياله اي خدمه يا برنس

[beckham]

كده الحمد لله خلصنا الطبيات بتاعت النهارده
ياله اي حد عايز اي حاجه تاني يقول بسرعه ماشي
مستني ردودكم

[لمحه حب]

منه له منه له
ايه انت بدعي على الزباين

بس ماشاء الله طلعت شيف ميه ميه اي نعم عامل حفله في المطبخ بس ماشي الحال
اي نعم لخبط مكان ادوات المطبخ بس ماشي الحال
اي نعم جالس تدعي علينا بس ماشي الحال
تسلم ايدك عوزه بقي عصير قصب ممكن