كرسى الاعتراف؟؟يلا نجرب؟؟

[بلابل]

يا عم عمرو لسة اخر خطوة خطوة الشهود

هى الى تحدد مين الى هيشهد

وحنا نقلو هييعمل اية

كل حاجة مدروسة متخفشى

[بلابل]

ما رايك فى

(سيلفر- جوست- 3mr- مانوللى- سلمى-هيمة فرج- ادمن- بلابل)

؟؟؟؟؟؟؟؟؟؟

وجهى نصيحة لكل واحد فيهم؟؟

نريد ان نعرف من هى كارمن داخل وخارج المنتدى؟؟ افهمى السؤال دة صح

دى الاسئلة الى حضرتك سبتيها

بعد متاجبى عليها

حددى ثلاث اعضاء للشهادة وحنا هنستدعيهم

للشهادة

[karmen]

ردا على عمرو
أنا ولا متوتره ولا حاجه انا معملتش جريمه أعاقب عليها
بس أنا كنت نسيت سؤال مش أكتر
ردا على بلابل
أسئلة ايه اللى نسيتها ومجاوبتهاش
أنا مجاوبه على كل الأسئله أنا واثقه من كده
ما رايك فى

(سيلفر- جوست- 3mr- مانوللى- سلمى-هيمة فرج- ادمن- بلابل)

؟؟؟؟؟؟؟؟؟؟
سيلفر:شخصيه كويسه جدا وانسان مثقف وبحس انه متابع كل حاجه وبيحترم كل الناس
جوست:لذيذ أوى وبحس انه دلوع كده فى نفسه ههههههه
3mr:بعيدا عن انه سيادة القاضى أنا مكنتش أعرفه كويس فى البدايه بس لما عرفته لاقيته بصراحه انسان كويس جدا ونشيط جدا ويعتبر علامه بارزه فى المنتدى
مانوللى:دى حياة قلبى على المستوى الشخصى هى صديقة عمرى وبحبها موت اما هنا فى المنتدى فهى بشهادة كل الناس العضوه خاطفة الأنظار
سلمى:دى بقى دلوعة المنتدى وحاسها شخصيه رومانسيه ورقيقه وعسوله جدا
هيمه فرج:بصراحه هيمه لفت انتباهى جدا أول ما دخلت المنتدى وهو عضو ملفت لانتباه الجميع عاشق للزمالك وممكن ألقبه بمحبوب المنتدى بدون مبالغه
أدمن:بعيدا برضه عن انه مديرنا أسامه بحس فيه كده انه عاقل وطبعا هو أساس المنتدى ومنغيره ولا حاجه هتمشى
بلابل:ده بقى البوب الكبير (لازم أقول فيه كلمتين حلوين عشان يرحمنى شويه مش كده واللا ايه) (محدش يقوله خلوها بينى وبينكم)
بس بجد بقى
بلابل أنا شايفه انه عمود من أساسات المنتدى محبوب جدا من الجميع ولما بيغيب بيوحشنا كلنا والله شايفه انه حد رومانسى جدا ومخلص ولذيذ أخر حاجه
نريد ان نعرف من هى كارمن داخل وخارج المنتدى؟؟ افهمى السؤال دة صح
كارمن داخل المنتدى هى هى كارمن خارج المنتدى
يعنى بتعامل مع كل أعضاء المنتدى زى ما بتعامل مع الناس فى حياتى اليوميه
هو ده اللى أنا فهمته من السؤال
وكارمن ده اسمى الحقيقى مش نيك نيم زى ما كل الناس متخيله
حددى ثلاث اعضاء للشهادة وحنا هنستدعيهم

للشهادة
1-هيمه فرج
2-جولدن مان
3-سيلفر

[هيمة فرج]

وانا جاهز علشان ادافع عن كارمن

انا محامى يا بلابل

[karmen]

أيوه كده يا هيمه يا جامد
فرجهم الشغل على أصوله

[Silver]

وأنا موجود

والله العظيم أقول الحق

لا أعرفها ولا شفتها قبل كده

[karmen]

هههههههههههههههههههههههه
متشكرين
ده ايه الحق ده
انت أول من يخلع كده يا سيلفر

[بلابل]

انتى قلتى الى تعرفية عنهم بس نسيتى

توجهى نصيحة لكل واحد فيهم؟؟

ركزى شوية

والشهود تجهز

[karmen]

أوكى يا بلابل ما أنا عارفه احنا مش هنخلص ولا انت هترحمنى
سيلفر:انت تمام أوى فى المنتدى ونصيحتى ليك انك تخف شويه منتدى وتقعد تذاكر الامتحانات عالأبواب
جوست:حاول تدارى حبك ل سلمى أحسن كده تتحسدوا وكمان انت مش خلصت دراسه دور على شغل بقى واسعى ولكل مجتهد نصيب
3mr:خف شويه من المواضيع أحسن انت غرقت المنتدى بالمواضيع الجامده بتاعتك وابقى ادخل على قسم الألعاب والفرفشه شويه
مانوللى:ادخلى المنتدى أكتر من كده واهتمى بيه شويه ونصيحه أخويه بصى لنفسك وسيبك من اللى مش بيفكروا فيكى وذاكرى بقى ولمى نفسك عشان أنا كمان أذاكر أحسن احنا كده مش نافعين
سلمى:انتى كمان يا سلمى دارى شويه حبك ل جوست عشان الحسد والذى منه أحسن الأعضاء هنا عنيهم ناقره وكمان عايزين نشوفك أكتر فى الفتره دى ومتغيبيش كتير
هيمه فرج:انت بقى يا باشا ركز معايا سيبك من الزمالك وارحم نفسك بقى أحسن كده بقى شكلك وحش وسط الأعضاء بالزمالك بتاعتك دى وبعدين ركز شويه فى القسم اللى انت مشرف عليه(ستاد الزمالك)وسيبك حبه من قسم ألعاب الماجيك
أدمن:قرب شويه من الأعضاء اللى بيتواجدوا باستمرار فى منتدى ألعاب الماجيك دول أغلبيتهم من المشرفين عشان انت بعيد أوى عنهم وانت بصراحه مش محتاج نصايح فى المنتدى انت قايم بدورك على أكمل وجه (ربنا معاك)بس قرب أكتر من أعضاء منتداك
بلابل:يا سلام(هنشوف أحلى كلام لبلابل دلوقتى)هههههههههه بص يا بلابل أنا مش عاوزه أفضحك خالص هههههههههههه بس ياريت ترجع عن الفكره اللى فى دماغك (وانت فاهم)متستهبلش وكمان نصيحه لازم تعرف جدول الامتحانات عشان تلحق تذاكر

[golden man]

اوك يا كارمن انا موافق طبعا ويا رب اقدر اساعدك بس بالعدل

وتحت امرك يا بلابل