|
المنتدى العام للنقاش الهادف والبناء والمواضيع العامه |
|
أدوات الموضوع | إبحث في الموضوع | انواع عرض الموضوع |
#1
|
||||
|
||||
عــــادة أصبحـــت جـريـمـة ..!!
السلام عليكم ورحمه الله و بركاته ازيكم يا شباب و يا بنات عاملين ايه ؟ يارب تكونوا بخير .. وبعد غياااااااااااب طووووووووووويل رجعتلكم بموضوع مهم جداً جداً جداً وهو ختان البنات هل ختان البنات عادة أم جريمة ؟؟ بكل شفافية ووضوح ختان البنات عادة أصبحت جريمة بيعاقب عليها القانون وأكيد لأسباب مقنعة لازم نبطلها لأنها ممكن تسبب وفاة البنت أو ممكن تحصلها عاهة تفضل ملازماها طول عمرها. والقاعدة الطبية بتقول إن تدخل مشرط الجراح في أي جزء من جسم الإنسان لازم يبقي عند الضرورة القصوي ويكون محسوب وبدقة لعلاج جزء مريض أو به علة، وأعضاء البنت التناسلية طبيعية ومفيش فيها أي مشكلة وكل الدكاترة أجمعوا إنها يتؤدي وظيفتها بكفاءة ومش محتاجة لتدخلنا الجراحي ده، بالعكس التدخل الجراحي بيفقدها وظائفها وبيمثل تشويه وبتر ليها. القانون بقي بيقول إيه؟! خدلك ساتر بقي هنا لأن في رشاش مصطلحات جايلك في اللي جاي.... بص بقي يا سيدي، ويا ستي علشان البنات ما تزعلش... ممارسة الختان تتم في العادة قبل ما البنت تتم 18 سنة... يعني في فترة الطفولة. وقانون الطفل رقم 12 المعدل بالقانون رقم 126 لسنة 2008 وتعديلاته بيكفلوا حماية الطفل من أي عمل من شأنه الإضرار بصحة الطفل أو بنموه البدني أو العقلي أو الروحي أو الاجتماعي. أما نص المادة "240 " من قانون العقوبات المصرى بيقول إن: "كل من أحدث بغيره جرحا ً أو ضربا ًنشأ عنه قطع أو انفصال عضو فَقدَ منفعته... أو نشأ عنه عاهة مستديمة يستحيل برؤها ، يُعاقب بالسجن من ثلاث سنوات إلى خمس سنين، مع تشديد العقوبة إلى الأشغال الشاقة من ثلاث سنوات إلى عشر سنين إذا كان ذلك عن سبق الإصرار أو ترصد أو تربص". وفى الحالة دى ما نقدرش نقول إن فيه سبب من أسباب الإباحة أو إن المجنى عليها (البنت) فى حالة رضاء عما يحدث لها، لأن العملية دى لا هىَّ بتهدف إلى شفاء مريض أو حتى تخفيف حدة ألمه أو مرضه ، ولا مبرر طبى لها من الأساس. طب لو قولنا إن وليِّ الأمر راضى تماماً عن حدوث الختان؟ الكلام ده مش معترف به قانوناً بالعكس بيدخل وليِّ الأمر فى دائرة التجريم والتأثيم وبيُعتبر فى الحالة دى شريك فى الجريمة سواء بالتحريض أو المساعدة... وغالباً بيتم الختان تحت نوع من أنواع الإكراه المادى والمعنوى ....وبيزداد الأمر من الناحية القانونية سوءاً لو قام بيه طبيب، وبيعتبرها القانون فى الحالة دى جريمة جُرح عمدية يُعاقب عليها طبقاً لقانون العقوبات المادة "241 _242 " عقوبات حسب مدة العلاج وبتصل إلى ثلاث سنوات ولا تخلو مسئولية ولىِّ الأمر جنائياً باعتباره شريك بالتحريض بجانب مسئولية الطبيب .... طب لو ماكانش طبيب؟ بسبب نقص التوعية عند كتير من الأُسر، بتعانى الطفلة من مشاكل كتير نتيجة حدوث تشوه تناسلى بعد عملية الختان، والنوع ده من التشوه غالباً بيكون سببه إن اللي قام بتنفيذ عملية الختان مش طبيب وفي الحالة دي إعتبر القانون من يقوم بعملية الختان من غير الأطباء سواء كانت " داية " أو " حكيمة " أو " تمرجية" أو أى شخص آخر... زى اللى قام بجريمتين جُرح عمدى وممارسة الطب بدون ترخيص وبيُعاقب بأشد العقوبتين. تفتكرالعادات اللى بيتمسك بيها كتير من الناس زى ختان البنات تستحق التمسك بيها حتى بدون أى مبرر طبى أو واقعى ؟ بصراحة الموضوع دا مضايقني اووي و مخنوق منه اووي ياريت كل اللي عنده اى تعليق ع الكلام دا يقوله
__________________
أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! |
#2
|
||||
|
||||
لا تعليق
أو يعني هو تعليق بسيط عادات عادات عادات إتخنقنا خلاص هو إحنا بنعمل كل حاجه في حياتنا زي الحمير لمجرد بس إن اللي قبلنا كانوا بيعملوها؟ هو إيه مفيش في الجمجمه اللي فوق كتفنا دي عقل خااالص ياريت بقى نفكر شويه قبل ما نعمل أي حاجه ياريت نستخدم المخ اللي ربنا إداهولنا واللا إحنا هنفضل راكنينه كده طول عمرنا ميرسي يا دودو عالموضوع المهم جداً |
#3
|
||||
|
||||
مرسي كارمن على ردك الجميل والاهتمام
تسلم ايدكى
__________________
أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! |
#4
|
|||
|
|||
The subject of a very beautiful Ahmed congratulate him a friend Ahmed Youssef
|
#5
|
|||
|
|||
فعلا ده تخلف هنفضل فيه لاخر العمر وعشان كده عمرنا ما هنتقدم خطوه على رأى الزعيم السادات
تسلم ايدك يا نجم
__________________
lost love and admin 000000000000000 00
|
مواقع النشر (المفضلة) |
الكلمات الدلالية (Tags) |
..!!, أصبحـــت, جـريـمـة, عــــادة |
|
|