|
|
|||||||
| منتدي الفنون الادبيه شعر و قصائد وقصص وفنون أدبيه يُمنع وضع المواد التي تحتوي على موسيقى |
 |
|
|
أدوات الموضوع | إبحث في الموضوع | انواع عرض الموضوع |
|
#1
2010-01-26, 01:53 AM
|
||||
|
||||
قصيدة استغمايه (احمد فواد نجم)
استغمايه
غمي عيونك سد ودانك إفتح بقك قول انا فين الشاطر فيكو يحزر فزر في دقيقتين والإشطر منه اللي يحزرها في غمضة عين والإشطر خالص ما يحزرش يقول انا فين والإشطر أشطر اللي يبص يشوف بالعين انا فين ؟ فيه ناس اختلف في الموضوع وحكاوي اتقالت عن مواضيع والناس لا مؤاخذة في زمن الجوع يتعشوا كلام يفطروا تشنيع ! فيه واحد شافني بلبده ولاسه في باب اللوق والتاني لمحني بقفصين موز علي باب السوق والتالت شافني في كاديلاك راكب مع بنتين والرابع شافني ف طنطا بابيع بلابيع ونشوق ! وصحافه الصاوي والورداوي والجمال وأباظه ولاظه وباقي الدلاديل والأندال بتأكد جدا جدا جدا بالتدقيق إن انا محبوس وباروح يوميا للتحقيق! طب اصدق مين وأكدب مين ؟! ماهي حاجه تمخول أيها عاقل وانا مجنون وباكلم نفسي وعقلي صراحه ماهوش مضمون لو كنت بلبده ولاسه وماشي ف باب اللوق طب إيه مشاني مفلس جدا جنب السوق ؟! لوكنت بدأت كتاجر فاكهه وبقفصين ؟ مش كنت زماني معلم طمبه وجوز اتنين؟ لوكنت ف كاديلاك زي ما قال التالت بيه ومعايا بنات زي الشربات طب ح انزل ليه ؟! لوكنت يا طنطا بابيع بلابيع وسطل وبخور مش كنت زماني مدير على جامع أو مأمور ؟ وصحيح الصاوي والورداوي والجمال حابسين أفكار الناس في بلدنا وعال العال إياك قاصدين إن انا مسجون زي الملايين ؟ كده يبقي تمام ولأول مره ح اقول " صادقين " بس انا لا مؤاخذه وبالتدقيق ماحصلشي معايا ولا تحقيق ! مش حاجه تحير طب أنا فين ؟ حزرتوا خلاص فزرتوا خلاص ؟ عارفين أنا فين أنا ساكن قلبي ومتونس بالناس والناس الونسه كتير ماليين القلب وشاغلينه سارحين في الدم وفي التفكير وجناين قلبي العمرانه بالناس الأزهار العصافير سايعاني وسايعه اللي باحبه وتساعي معايا رفاقه كتير شايفين انا فين ؟ الشاطر فيكو يحزر فزر في دقيقتين والأشطر طبعا حيحزرها في غمضة عين أنا ...... فين ؟
__________________
 أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! 
|
|
| مواقع النشر (المفضلة) |
| الكلمات الدلالية (Tags) |
| (احمد, استغمايه, فؤاد, نجم), قصيدة |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [شعر] قصيدة يا مصر (احمد فواد نجم) | ahmed.dodo | منتدي الفنون الادبيه | 0 | 2010-01-26 02:09 AM |
| قصيدة هو شي منه (احمد فواد نجم) | ahmed.dodo | منتدي الفنون الادبيه | 0 | 2010-01-26 02:00 AM |
| [شعر] قصيدة أوأه (احمد فواد نجم) | ahmed.dodo | منتدي الفنون الادبيه | 0 | 2010-01-26 01:43 AM |
| [شعر] قصيدة طلع الصباح (احمد فواد نجم) | ahmed.dodo | منتدي الفنون الادبيه | 0 | 2010-01-26 01:42 AM |
| [شعر] قصيدة يا عرب(احمد فواد نجم) | ahmed.dodo | منتدي الفنون الادبيه | 1 | 2010-01-25 11:51 AM |
العرض العادي
