|
|
|||||||
| منتدي الفنون الادبيه شعر و قصائد وقصص وفنون أدبيه يُمنع وضع المواد التي تحتوي على موسيقى |
 |
|
|
أدوات الموضوع | إبحث في الموضوع | انواع عرض الموضوع |
|
#1
2010-01-25, 12:10 PM
|
||||
|
||||
قصيدة التحالف (احمد فواد نجم)
التحالف يعيش اهل بلدى وبينهم مفيش تعارف يخلى التحالف يعيش تعيش كل طايفه من التانيه خايفه وتنزل ستاير بداير وشيش لكن فى الموالد يا شعبى يا خالد بنتلم صحبه ونهتف يعيش يعيش اهل بلدى يعيش النثقف على مقهى ريش يعيش يعيش يعيش محفلط مزفلط كتير الكلام عديم الممارسه عدو الزحام بكام كلمه فاضيه وكام اصطلاح يفبرك حلول المشاكل قوام يعيش المثقف يعيش يعيش يعيش يعيش اهل بلدى يعيش التنابله فى حى الزمالك وحى الزمالك مسالك مسالك تحاول تفكر تهوب هنالك تودر حياتك بلاش المهالك لذلك اذا عزت توصف حياتهم تقول الجياه عندنا مش كذلك وممكن تشوفهم فى وسط المدينه اذا مر جنبك أتومبيل سفينه قفاهم عجينه كروشهم سمينه جلودهم بتضوى دماغهم تخينه سنانهم مبارد تفوت فى الجليد ما فيش سخن بارد بيكلوا الحديد ما دام نهر وارد وجاى م الصعيد تزيد الموراد كروشهم تزيد وتسمع وتسلم بأن التنابله أو الأكلين حيسمع كبيرهم ويعمل مقابله مع الفلاحين ويحصل تحالف ما بين الجميع ونملا المصارف بدم القطيع أطيع الخليفه وأطيع والديك دا مفروض عليك تزرع وتبعت لحى الزمالك وحى الزمالك مسالك مسالك تحاول تفكر تهوب هنالك تودر حياتك بلاش المهالك لذلك أذا حد جابلك سيرتهم تبسمل تكبر وتهتف كذلك يغيش التنابله يعيش يعيش يعيش يعيش اهل بلدى يعيش الغلابه فى طى النجوع نهارهم سحابه وليلهم دموع سواعد هزيله لكن فيها حيله تبدر تخضر جفاف الربوع مكن شغل كايرو ما يتعبش دايره لا ياكل ولا حتى يقدر يجوع يا غلبان بلدنا يا فلاح ياصانع ياشحم السواقى يا فحم المصانع يا منتج يا مبهج يا آخر حلاوه يا هادى يا راضى يا عاقل يا قانع ما تتعبش عقلك فى شغل السياسه وشوف انت شغلك بهمه وحماسه وعود عيالك فضيلة الرضا لأن احنا طبعا عبيد القضا ورزقك ورزقى ورزق الكلاب دا موضوع مؤجل ليوم الحساب كمان الصحافه جتكتب فى حالتك وتنشر مناظر لخالك وحالتك وتتطلع يامسعد عليك الغناوى وتسمع بأسمك فى قلب القهاوى تحبك مشيره وبنات الجزيره وقصة غرامك تشيع فى الرداوى يعيش عم مسعد يعيش يعيش يعيش
__________________
 أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! 
|
|
| مواقع النشر (المفضلة) |
| الكلمات الدلالية (Tags) |
| (احمد, التحالف, فؤاد, نجم), قصيدة |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [شعر] قصيدة يا مصر (احمد فواد نجم) | ahmed.dodo | منتدي الفنون الادبيه | 0 | 2010-01-26 02:09 AM |
| قصيدة هو شي منه (احمد فواد نجم) | ahmed.dodo | منتدي الفنون الادبيه | 0 | 2010-01-26 02:00 AM |
| [شعر] قصيدة فات الهوى (احمد فواد نجم) | ahmed.dodo | منتدي الفنون الادبيه | 0 | 2010-01-26 01:58 AM |
| [شعر] قصيدة استغمايه (احمد فواد نجم) | ahmed.dodo | منتدي الفنون الادبيه | 0 | 2010-01-26 01:53 AM |
| [شعر] قصيدة يا عرب(احمد فواد نجم) | ahmed.dodo | منتدي الفنون الادبيه | 1 | 2010-01-25 11:51 AM |
العرض العادي
