ماذا لو سقط شخص من عينيك ولم يسقط من قلبك!!!!!!!!!

[el asmar]

أحبتي
كم هو جميل أن نجد لأنفسنا أماكن دافئه في قلوبهم وأعينهم
لكن الأجمل هو أن نحافظ على نقاء هذه الأمكنه بهم
وإذا قررنا يوما السقوط
فلنتجنب سقوط العين
هكذا هو الحب عندما تحب انسان يمكن ان تنسا له كل اخطاه
فعند ذلك الوقت تقع فى صراع بين العقل والقلب
فالعقل مقتنع 100%بان هذا الانسان لا يصلح الى ان يكون شريك حياتك
ويحمل أسمك فى يوم من الأيام
اما القلب فهذا هو صاحب المشكله الكبرى الذى يتحدى كل شيى
فى سبيل ما يحس به
فهل انت مع قلبك ام انت مع عقلك؟؟

[white_zomby]

الموضوع جميل اوى وبيمس القلب والعقل والاحساس .....

السقوط من العين .... اكيد بيبقى سهل شويه ... لان الشخص اللى هيسقط من عينيك هتكون علاقتك بيه مش اد كده او اختيارك غلط ... بس كتير بيقعوا من عينينا ... عادى يعنى مش هتفرق !!!

السقوط من الذاكره ... مفيش اسهل منه ...خصوصا انه كل يوم بتقابل ناس جديده .... فعادى ده الواحد مش بيشيل همه ...بس ساعات تتعامل مع ناس فى موقف او اكتر وعدين تقابلهم بعدها تلاقيك ناسيهم ... وبيبقى موقف رخم بجد...

السقوط من القلب ... اتعب انواع السقوط..
واللى بيتعبك ان اللى سقط من قلبك بيبقى مش مهتم ولا فارقه معاه
بس والله لو كا الشخص اللى سقط من قلبك قريب منك هتتعب اوى اوى ... لانك مش هتعرف تتخلص منه
فاحسن لك لو حد سقط من قلبك تحاول تتلاشاه لانك مش بتبقى طايق منه كلمه ولا تصرف
وهيبان عليك وهتتسأل عن السبب ...وممكن متعرفش ترد !!!
وده يرجع لطبيعه الشخص ... يعنى انا بالنسبه ليا اعرف كويس اوى ...ادوس على قلبى...
اما ممكن واحد تانى يفضل معلق نفسه وتعبان.... مع ان برده اللى بيدوس على قلبه بيتعب وممكن يكون اكتر والله
بس شويه بيفوق لنفسه ..... اما اللى معلق نفسه بقى يا ويله ....... !!!