رؤية القطط...

[THE KING]

محدش سال قبل كده القطط بتشوف ازاي؟؟
بتشوف الوان ولا ابيض واسود؟؟


انا ممكن اجاوب عن شوية من الاسئلة دي وبالصور...فعلا صور كويسة جدا....
القطط رؤيتها تتجاوز رؤيتها رؤية الانسان بمدى واسع قليلا..والقطط كمان ليها binocular vision زي الانسان لان عنيها زي ما بيقولوا في وسط راسها زي الانسان وبالتالي بتشوف بعنيها الاتنين بس مش رؤية متقدمة زي الانسان.
وجود القماع والقراطيس rods &cons في اعين القطط تمكنها من رؤية الالوان,وده معلومة جديدة عليا انا شخصيا لان انا كنت فاكر ان القطط بتشوف بس ابيض واسود..لكن اثبت عكس كده والصور دي حلوة جدا للتوضيح..


دي صورة رؤية الانسان في النور العادي ووجود كمية مناسبة من الاضاءة..



دي صورة رؤية القطط في نفس كمية الاضاءة السابقة..



ودي الصورة اللي كان مفروض القطط تشوفها لو كانت ما بتشوفش الالوان..
طب القطط بتشوف في الظلام؟؟طبعا.-ودي عايزة كلام-...ورؤيتها في الظلام اقوى من الانسان عشرات المرات والصور تبين الكلام ده...



دي رؤية الانسان في ال dim light او الاضاءة الخافتة..



ودي رؤية القطط في نفس كمية الاضاءة السابقة..
طب ازاي القطط بتشوف في الظلام؟
القطط زي ماقلنا عندها rods &cons بس كمية ال rods المسئولة عن الرؤية في الظلام اكتر من الانسان بمراحل كتيرة..وكمان انسان العين اللي في القطط طولي وعشان كده بيفتح اسرع بكتير من الانسان وبالتالي يدخل نور اكتر من الانسان..
الكلمة اللي جاية دي مهمة بقى..
القطط في عنيها mirror like membrane او غشاء زي المراية اللي احنا بنشوفه في القطط بتاعتنا ورا الحاجب بتاعها..المهم الغشاء ده مهمته عكس النور تاني من الretina بتاعة القطة جوة العين عشان يقدر القط يشوف كويس في الظلام..
اتمنى اكون وصلت النقط دي كويس اعتذر عن استخدام اللغة العامية والمصطلحات الانجليزية بس ده كان عشان الشرح الجيد فقط...

[bsbosa]

معلومه جميله وجديده
مرسي ليك
ومستنين منك معلومات اكتر
thx

[Silver]

مشكور يا مان

معلومة جديدة لى

وعذراً بنقل الموضوع الى القسم المختص

جزاكم الله خيراً

[THE KING]

تسلم على المرور والرد
ومنور الموضوع ...