حكايتى مع مشكلة جديدة فى الفاير فوكس Firefox is already running, but is not responding

[Silver]

ظهرت لدى مشكلة فجأة مع التعلب النارى " Firefox "

أنه مش راضى يفتح نهائياً ،،،

وتظهر لى هذه الرسالة المزعجة

فأول حل خطرت على بالى !!!

أنى أخش على الــ Task Manager بــ " alt +ctrl +del "

وكانت المفأجاة الكبرى لى ...

الفاير فوكس غير موجود فى العمليات الموجودة

قلت أتبع أبسط الحلول المريحة ؟!

قمت بحذف البرنامج وتنصيبه من جديد

وفعلاً قمت بذلك وحذفت البرنامج وقمت بتنصيبه من جديد

ولكن كل هذا دون جدوى ......

وظهرت الرسالة " الملعونة " مرة أخرى

فقلت خلاص مفيش غير أنى أسمع كلام أساتذتنا

وأنى أنسخ نص الرسالة ... وابحث عنه فى جووجلو " حبيب الملايين "

وطبعاً بما أن الكسل من طبعى " بموت فى الكسل " قولت مش هأنقل الرسالة " يدوياً "

فتذكرت أنى حملت أداة من موضوع لأستاذنا moks

تقوم بنسخ الكلام اي نص في اي نافذة او برنامج

الحمدلله أخيراً ... ربنا سهلها معايا وهنبدأ نحل المشكلة

وتوجهنى مشكلة أخرى !!!!!!

البرنامج مضغوط ببرنامج 7-Zip

قمت بتزيله وفكيت الضغط والحمدلله

خلاص هنقل الرسالة وهأحل المشكلة بإذن الله

ولكن على رأى المثل " الحلو ما يكملش "

يعنى قفلت معايا من كل ناحية

وأنا خلاص قولت مش هأنقل الرسالة يدوياً " قرار نهائى "

فأًصبحت مشكلتى أن أنسخ الرسالة ونسيت المشكلة الأصلية

ولكن يأتى الفرج بعد كل هذا .........

وبالصدفة ومن خلال إستخدامى لبرنامج Snagit الإصدار 9

ومن خلال الـ Tips التى تظهر عند فتح البرنامج

رأيت هذه الخاصية الموجودة فى البرنامج

وقد تم شرح هذه الخاصية فى هذا الموضوع

خاصية فى Snagit9 لا يعلمها الكثيرين تمكنك من نسخ أى نص في اي نافذة او برنامج

وبعدها تذكرت قول الإمام الشافعى :

يريد المرء أن يعطى منـاه .................ويأبـى الله إلا مــا أرادا
قول المرء فائدتي ومالـي ............وتقوى الله أفضل ما استفادا
ولرب نازلةٍ يضيق لها الفتى .......ذرعاً وعند الله منها المخرج
ضاقت فلما استحكمت حلقاتها .......فرجت وكنت أظنها لا تفرج

والحمد لله نسخت الرسالة " الملعونة "

Firefox is already running, but is not responding. To open a new window, you must first close the existing Firefox process, or restart your system.

وبعدها توجهت إلى جووجلو " حبيب الملايين "

ونسخت الرسالة ووضعتها فى صندوق البحث

وقولت ابحث فى صفحات باللغة العربية أولاً

وطبعاً خصصت البحث ووضعت علامتين تنصيص " "

ولكن أصابتنى نتيجة البحث بالذهول والصدمة!!!

موقع غريب وكمان غير عربى " والله أعلم "

حتى ولو كان عربى ... ليس له فائدة ؟

لأنه يتكلم عن توزيعة من اللينكس " يوبنتيو "

وحسيت كأنى أول واحد يواجه المشكلة دى

أو الوحيد اللى قابل المشكلة دى ....

فقلت أمرى لله ... ونتوكل على الله ونبحث فى الويب

وبعد البحث والتدوير والتقليب فى صفحات النت

توصلنا إلى الحل بفضل الله ،،،

كان الحل أنه أقوم بحذف البروفيل " profile " بتاعت الفاير فوكس

هتتبع المسار الآتى .....

C:\Documents and Settings\Me\Application Data\Mozilla\Firefox

و Me هنا تعنى اسم اليوزر الخاص بك

وبعدين هتظهر أمامك هذه الملفات

هتقوم بحذف ملف profiles.ini

وبعدها قوم بفتح الثعلب النارى

وبإذن الله تعالى هيفتح بدون مشاكل

************

وسيعود ملف البروفيل " profiles.ini " من جديد

لأنه عادة يقوم الفاير فوكس بعمل ملف بروفيل تلقائى

ما لم تقم أنت بعمل بروفيل خاص بك

ولله الحمد تم حل المشكلة

عند نقل الموضوع يرجى ذكر المصدر منتدى الماجيك

ولا تنسى صاحب الموضوع الحصرى العضو eltohamy " والدليل جوجل "

أعتذر لكم عن الإطالة فى الموضوع

وتذكر أن تركك لرد بسيط لا يضرك شئ ويرفع من معنوياتى

جزاكم الله خيراً ... ورزقكم الفردوس الأعلى

والله المستعان

[GHOST]

هههههههههههههههههههههه

وطب ليه كل ده متسأل وانا كنت باذن الله هجاوبك وعلى العموم في طريقه تانيه بس لالأول ألف مبرووووووووووووووك

[Silver]

ربنا يخليك ليا ،،،

وأنا خليتك للمهام الصعبة

وكل عام وانت بخير

[GHOST]

كده

اوكي يا عمنا

بس أنا مستني كل جديد ورائع منك