أسلاك شائكه.........مودى راب

[karmen]

(مودى راب)
(أغنية أسلاك شائكه)



خلينى أتكلم بصراحه أنا مش هلف وأدور
فى ناس عايشين فى الضلمه وناس تانيه عايشين فى النور
جوه السور فى أسلاك شائكه محدش بيعدى منها
خدلك جنب ومع نفسك اقعد خمنها


ناس كتير بتسأل ليه دايما شايفينك متشائم
لما بحاول أفرح بلاقى الجو غير ملائم
الاحساس بالقهر أنا ممكن أكون يعنى واخد عليه
ناس كتير مش حاسين بالناس اللى عايشين زيى ليه


انزل لف ودور روح الأحياء العشوائيه
حاول تسأل نفسك مين كان المسئول عن القضيه
القضيه كبرت محتاجه ناس نضاف تحل
فكك م الحكومه والقرارات اللى بتشل


الروتين سلاح رهيب الماده الخام للملل
الفساد محتاج بامبرز يكون مقاوم للبلل
بلاش نهرأ على بعض وكفايانا كذب
كلنا عارفين ان الشرطه فى خدمة الحزب


الحدود اللى فى دماغى محتاج ألاغى أى واحد م اللى فاهمين كلامى منغير رغاوى
انسى كل اللى أنا قلته وبلاش تكون فهمته فى الكلام السياسى والخلط الكتير أنا غاوى


يعنى ايه موظف يقبض 200 جنيه فى الشهر
وأحمد عز يقفل المليار ما كفايانا قهر
مليار فى الشهر الواحد بس وناس نايمه فى الشارع
التوازن الاجتماعى جزأ من مخطط بارع


تهريج سياسى داخلى ومص فى دم الناس
العد التنازلى بدأ بفقدان الاحساس
أنا مش مسئول عن مخى لو فكرت فى الانقلاب
واللا أقولك فكك وخلينى فى أغانى الراب


انى ألجأ ليك مزله مستمرا فى التساقط
مع الثقه والغرور كنت دوما متعاقد
أسأل نفسى لماذا لا أقدر على التفوه
أمسك رأسى بيداى بانتظار التشوه


ده كمان حقك مش حقى لوحدى
استنى طب خليك بعدى
ممكن تقبلوا كلامى أو تسيبونى أكل بعضى
أشق دماغى بسكينه وعلى مخى هرش فليت
انسى كل كلامى واللا أقولك اعتبرنى سكت