ازاى تبقى اشطر عضو ***ههه***

[sha3lan]

السلام عليكم ورحمة الله وبركاته

كل واحد منا بيشارك فى المنتدى بتتسجل جنب اسمه عدد مشاركاته..
* فيه ال بيعد المشاركات بالكم وفيه ال بيعد المشاركات بالكيف لا بالكم ، والملائكة من فوق بتعد بالكم والكيف.فاوعى تغلط ..فالكل يراك! ببساطه، خليك عضو نافع، وحاسب نفسك ومتستناش حد يحسبك..

-متبقاش سلبى مع الناس ,، بالعكس شاركهم اراهم عشان يشركوك لما تحتاج لهم.

-فرح ال حوالك ومتقفش عليهم.

- خليك حلو ومتقفش بسرعه، يعنى خليك كبيرا في تصرفاتك وابعد عن حركات العيال.

-خليك صريحا ومباشرا في رايك .

- متكتبش كلام كتير بفيده قليله , اكتب موضوع واحد و تابع الردود وأقرئها ولا تنسى الرد على أي عضو لا ربما حد يشيل فى نفسه منك ولا حاجه ، وطبعا حاول اد ما تقدر ترد على موضيع ال بيردو عليك ...

-فكر مرة واتنين و تلاته عند كتابة موضوع، أهميته، فائدته والأسلوب الذي ينبغي أن تكتب به،زى ما بيقولوا لكل مقام مقال.

-اكيد الها تكتبه هيكون عندك خلفيه عنه مش مجرد كلام وخلاص عشان متحرجش نفسك.

-خلى بالك من الاطاله على راى المثل خير الكلام ماقل ودل و يا بخت من زار وخفف.

-استخدم كل ماهو متاح لك عشان تخلى موضوعك روش وجذاب من ابتسامات والوان وحجم وطريقة كتابه حتى لا يمل منك الاخرين.

-المنتدى بيقراه اطفال وبنات وشباب وكبار خلى بالك من كلامك لازم يكون شامل الكل ولا يضيع حق فئه .

- طب اذا دخلت موضوع غلط او رد فيه كلمه غلط ؟ المنتدى بيسمح بلتعديل فى فتره محدوده متكسلش وصلح ال انت عكاته عادى مفيش مشكله .

-الكل مستنى احسن ماعندك وانت مطالب بده عشان الكل يحترمك وورينا ابداعاتك مع بذل اكتر جهد عندك فى كتاباتك لأنه يعكس روحك بالتأكيد، والرسول المصطفى علية أفضل الصلاة والتسليم أوصانا قائلا في حديثة " من عمل منكم عملا فليتقنه " .


-طول بالك و متقفش من حد لو نقدك بالعكس دا انت ممكن تطور نفسك وتستفيد من النقد.

- متخليش بينك وبين الاخرين فواصلملهاش وجود، او تصور عنهم فى خيالك انت بس، ولو فيه حاجه مش عجباك فى حد استخدم الرسائل الشخصيه بدل ما تتكلم معاه على الملا فى موضوع كامل في المنتدى , وخليك مع الذوق العام.

-متفتكرش ان لو محدش رد على موضيعك انك غير مرغوب فيك لا ممكن الموضوع عايز شوية صبر منك وابدا انت بالرد على الاخرين برد ايجابى مش كلشن كان وخلاص.

-لما تكتب موضوع حط له عنوان حذاب بس ميكنش غريب اوى زى الحقونى او الدنيا ولاعت عشان محدش يزهق منك.


- ولما تكتب موضوع حاول تكتبه فى مكانه او القسم الخاص بيه مش تحطه فى اى مكان وخلاص يعنى مينفعش تحط اخر طبخه اسطنهاويه فى قسم البرامج ولا نتايج الدورى فى كلام البنات عشان ال بيهتم بالموضيع بتعتك يرد عليك.

وتقبلوا تحياتى
__________________


****************************** شعلان *******************************

منقول : للافاده