مميزات إنك تبقى single (مش مأنتم) في الفالانتاين !!

[karmen]

1- توفير للفلوس بكافه انواعها (عزايم - هدايا - رصيد تليفون -............ الخ ) .

2- مش هاتضطر تلبس احمر وهو اساسا مش لايق عليك

3- تبقى قاعد مأنتخ في البيت وياعينى المأنتمين برة في الشمس والحر والتراب

4- بدل الهدية والكلام الفاضى هاتجيب لنفسك جزمه بدل اللى اتخرمت وصباعك خرج منها دى

5- هاتحس بنشوة الاختلاف ان انت بتعمل حاجة غير اللى بيعملها عامة الشعب من لبس احمر وهدايا وخلافه

6-هاتختلف كمان مع الناس في نوع الاغانى اللى بتسمعها يعنى مثلا كل الناس تلاقيها بتسمع اغانى حب ورومانسية وكدة وانت تضرب شريط حسن الاسمر ابو اتنين جنية ونص وتفضل تسمع فيه طول النهار ولو زهقت شغل مصطفى كامل

7- في اليوم دة هاتتقرب لربنا اكتر لانك هاتفضل تصلى طول النهار وتدعى من قلبك ان اى واحده تعبرك بدل مانت عمال تحقد وتحسد عالناس لحد مابقيت شبه اللمونه

8- كمان لما تبقى سينجل ربنا هايكفيك شر الخناقات في الشوارع لو حد عاكس المزة اللى معاك وخلافه وطبعا كلنا عارفين ان انت مع اول قلم هاتسيبهالهم وتجرى

9- لو اتجننت وحبيت تخرج في اليوم ده هاتنزل مع اصحابك السناجل برضو وتفضلوا تكروزوا بالعربيه طول النهار بدل ماتترمى تقعد في كازينو او كافيه انت والمزة وتبقى فرجه لكل البنى ادمين

واخيرا كون إنك سينجل هايعفيك بقى من إنك تسمع الكلام اللى ولا يودى ولا يجيب اللى دايما بيتقال في اليوم دة

-امتى بقى يا حبيبى هاتيجى تقابل بابا

-نفسى يا حبيبى الفالنتين الجاى نكون سوا في بيتنا

-انا ماما امبارح قالتلى هاتفضلى كدة لحد امتى

- انا بنت اخو عم خال مرات اخو جارنا اتخطبت امبارح مش ناوي بقى تخطبنى زيها