|
|
#1
02-01-2010, 10:21 AM
|
|||
|
|||
|
قصيدة مرسلة لمن اهانوا الفراعنة
دى قصيدة جميلة جدا حبيت أنقلهالكم  مليون شهيد... وتاريخ مجيد من الكفاح المشترك وخوض غمار المعترك وف اخر الشوط اخسرك مين علمك تقتل اخوك وامك وابوك واحنا اللي قدمنا الدماء قبل العرق خلاص وصلنا لمفترق وثورتك...حريتك دول كان مخاضهم ارضنا وف حضننا تيجي انت تهتك عرضنا تحرق علمنا اللي كان شاهد علي قبر الشهيد وترهب الطفل الوليد تنسي تاريخك يابليد بقي هوا ده الجيل الجديد ده نسل بن بيلا وبومدين والرجال اللي لما ضاق الكون عليهم شدوا لبلادنا الرحال رفعوا علمهم فوق صدورنا قبل مايغوص ف الرمال غمض عيونك جوه قبرك ياجمال ماتشفش احفاد النضال واقفل ودانك اصل البيان الجاي من صوت العرب بيقول علي المصري انضرب بيقول تاريخك كله كان وهم وخطب نام يابطل لاعليك ملامه او عتب وانزل ياواد من فوق كتاف القاهره انت فقدت الذاكره لاتصلي ف الازهر ولاتمشي ف حواري السيده ولاتسمع الكوكب وهيا منشده ولاتقرا محفوظ النجيب ولاحتي تسمع عندليب خليك كده تحرم عليك كل العيون والأفئده تحرم عليك كل الدماء والأورده وبريئه منك الف مدنه وكل جبهة ساجده وانا هفضل المصري كريم العنصرين اللي متربي وساكن ف الحسين اللي علمتك تقول الضاد وتنطق كلمتين يابو اللسان الأعجمي انزل ياواد من فوق كتاف القاهرة من امتي بتشيل العيال دي مصر ولاده رجال سادات...مبارك ومعاهم الناصر جمال واقفين علي شط القنال رافعين علمها اللي بإيديك اتحرق رجاله من عزة وشهامة مش ورق ياحارق الطوق والشراع مين راح ينجيك م الغرق لــ محمد محمود السعيد    emyالتعديل الأخير تم بواسطة ايمان على عبده ; 02-01-2010 الساعة 10:26 AM 
|
| الكلمات الدلالية (Tags) |
| مرسلة, الفراعنة, اهانوا, قصيدة |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ورد الفراعنة اعتبار مصر وكل المصريين بفوزهم على الجزائر | ايمان على عبده | صدى الملاعب العربيه والعالميه | 6 | 01-29-2010 10:13 AM |
| لاعبين جزائريين مهددون بالغياب عن مباراة الفراعنة | yousef eldeep | صدى الملاعب العربيه والعالميه | 0 | 10-09-2009 08:33 AM |
| كوستاريكا تقهر الفراعنة وتبلغ ربع النهائي | tafa | صدى الملاعب العربيه والعالميه | 1 | 10-07-2009 05:22 AM |
| الفراعنة من أجل التاريخ | EzAt99 | صدى الملاعب العربيه والعالميه | 4 | 06-27-2009 11:18 PM |
| الأهلي يجدد لجمعة عقب معسكر الفراعنة | admin | صدى الملاعب العربيه والعالميه | 1 | 02-12-2009 03:53 AM |
العرض الشجري