|
|
#1
06-30-2009, 04:18 AM
|
|||
|
|||
أعرفي عريسك بدري بدري
أعرفي عريسك بدري بدري.. من طريقة أكله ....؟؟؟؟
إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. يبقى شخص معتدل في عواطفه وقراراته ويبقى ده آخر الرجال المحترمين... كلبشي.. واستعجلي الزفاف والحياة هتبقى بمبي إذا كان بيحب الأكل زي عينيه.. وأول ما يدخل من الباب وقبل ما يقول لك ازيك يقول لك ريحة التقلية تجنن ياروحي إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه.. يبقى إنسان طفس.. وهوائي وطايش.. وأوعي تتجوزيه أحسن ياكلك وانتي نايمة....؟؟ أما إذا كان مش مهتم بالمرة.. لايقولك ده حلو ولا ده عادب ولا مالح ولا مستوي ولا لسه ني ولا بيعلق أي تعليق..وعمره مايقولك جعان أو شبعان يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه.. وهاتعيشي إنتي الراجل والست ف وقت واحد واعملي حسابك هاتركبي وتدلدلي رجلييكي. أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي.. ويقوم من ع الأكل قبل أي حد تاني. يبقى متسرع.. ومتهور في اتخاذ قراراته وممكن بعد الجواااز يكتشف إنك لست ملهمته..ولست فتاة أحلامه ولستِ حلمه.. ويروح مطلقك بالتلاتة.. إخلعي إنتي بدري أحسن لكرامتك. أما إذا كان بياكل على مهله.. ويمزمز.. ف كل صنف لوحده.. ويسأل عن كل صنف إيه مقاديره ومعمول إزاااي ويقعد يستطعم ف الأكل من العصر للمغرب . حاسبي منه يا اختي ده النوع اللي له مخ.. وبيوزن الأمور بطريقه تفقع المرارة.. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟ نظااااام شلل رعاش بدري.... بدري....إخلعي يا أمي... أما إذا كان بيقعد يقطع ف الأكل زي مايكون ف خناقة ويخبط ف الطبق من الغل.. ويقطع حتة اللحمة زي ما يكونبيدبحها.. ويتفتف.. ويتكلم.. طول ماهو بياكل لما يغرق وشك أكل.... ده شخص عصبي جدًاااا.. ومع أول خناقة هايروح مناولك بالكرسي ف راسك أو بالسكينة ف عينك يعمل لك عاهة مستديمة وبعدين.. يهدى.. ويقول لك: سوووري يا روحي هي جت فيكي معلش..... معلش برَّه يا حبيبي وخد الباب ف أيدك أما إذا كان دايمًا قرفاااان دايمًا مش عاجبه العجب ولا الصيام ف رجب.. يع.. الملوخية تقيلة.. ياي.. السمنة كتيرة على وش الشوربة.. ياساتر.. دا محشي ولا صوابع مووووز.. أووووف.. الرز محصويل.. يامَّه المكرونة معجنة.. إذا كان كده توكلي على الله وهاتي أحمى ساطووووور عندك وأنا أعرف لك واحد محامي هايطلعك منها زي الشعرة م العجيييين والأحسن من ده كله.... مالها القعدة ف بيت أبووووووووكي؟؟ خليكي منوراه
__________________
لا اله الا الله عدد ما كان وعدد ما يكون وعدد الحركات والسكون ـــــــــــــ اللهم سترك وعفوك ورضاك
|
|
#2
06-30-2009, 04:32 AM
|
|||
|
|||
يا جامده الكرسى فى الدماغ أو السكينه فى العين
دى الست متكملش ثانيه معاه مشكووووووووور
|
|
#3
06-30-2009, 04:58 AM
|
|||
|
|||
|
ههههههههههههههههههههههههه ههههه
ايه يا تقوى ده كده ما حدش هيتجوز يا بنتى ده انتى طلعتى في الرجاله كلهم العبر ما عدا اول نوع كده الى تيجى تتجوز تعمل عزومه ليهم كلهم مره واحده وتعد تقارن
|
|
#4
06-30-2009, 12:47 PM
|
|||
|
|||
|
اقتباس:
مشكور ع المشاركه الجميله دي
__________________
لا اله الا الله عدد ما كان وعدد ما يكون وعدد الحركات والسكون ـــــــــــــ اللهم سترك وعفوك ورضاك
|
|
#5
06-30-2009, 12:52 PM
|
|||
|
|||
|
اقتباس:
لا ماهم الطيبيون للطيبات كل واحده تاخد الي يشبها فعلا العزومه دي احسن حل مرسي يا جولدن ع المشاركه الجميله دي
__________________
لا اله الا الله عدد ما كان وعدد ما يكون وعدد الحركات والسكون ـــــــــــــ اللهم سترك وعفوك ورضاك
|
|
#6
07-02-2009, 06:09 AM
|
||||
|
||||
|
هههههههههههه
جامد الموضوع بس انتوا متقدروش تعيشوا كتير من غير راجل يادوب اول ما الواحده تشوف بنت خالتها اتجوزت تقعد مولعة وضاربة بوز 3 اربع تشهر لحد ما ييجى عدلها ههههههه لمزيد من التفاصيل برجاء الرجوع لهذا الموضوع http://www.elmjeck.com/vb/showthread...6771#post66771
|
|
#7
07-03-2009, 04:36 AM
|
|||
|
|||
|
اقتباس:
تم المرور علي موضوعك يا رضوان ودايما انا بحترم وجه نظرك ثانكس ع المرور
__________________
لا اله الا الله عدد ما كان وعدد ما يكون وعدد الحركات والسكون ـــــــــــــ اللهم سترك وعفوك ورضاك
|
|
#9
07-03-2009, 09:57 AM
|
|||
|
|||
|
هو في حد مش بيأكل خالص؟؟؟؟؟
مشكور ع المرور ياعمر
__________________
لا اله الا الله عدد ما كان وعدد ما يكون وعدد الحركات والسكون ـــــــــــــ اللهم سترك وعفوك ورضاك
|
 |
| الكلمات الدلالية (Tags) |
| أعرفي, تجري, عريسك |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كفرات بلاك بيري | admin | البلاك بيري ولآي فون blackberry & I phone | 6 | 01-15-2010 08:34 AM |
| اساله تحرج مووووووووووت | lost love | سلة المحذوفات | 16 | 01-05-2010 12:57 PM |
| عاتب ولا تجرح | دبدوباية | سلة المحذوفات | 3 | 01-05-2010 09:16 AM |
| حظر البلاك بيري في الامارات | admin | البلاك بيري ولآي فون blackberry & I phone | 0 | 01-01-2010 10:25 PM |
| أنشيلوتي: تيري سيبقى 100% | mahmodsalama | صدى الملاعب العربيه والعالميه | 0 | 07-18-2009 09:46 AM |
3
العرض العادي
