محكمه الحب والرومانسيه !!!!!!!

[THE KING]

ماشي يا راغد ..
إن شاء الله هتكون إنت أول واحد تاخد إعدام معانا هنا فى المنتدى ..
ومفيش نقض .. الحكم نهائي .. مش معبر المحكمه خالص
احنا بردو لينا هيبتنا فى المنتدى ده ..

حكمت المحكمه غيابيا على المتهم راغد الشهير ب blinky
بالإعدام مع الشغل
ههههههههههههههههههههههههههههههههههه
إهئ إهئ إهئ إهئ إهئ ..

وخد بالك يا رضوان انت مرفود من المحكمه علشان مش متابع الجلسه .. وملاك كمان بس هنلتمسلها العذر علشان عندها امتحان يوم 1 ادعولها يا جماعه .. قولنا عذرك يا احمد

كده عندنا قاضي ورئيس نيابه بسسسسسسسسسسسس



رفعت الجلسه



رفعت الحلسه

[THE KING]

انتظروا الجلسه القادمه للعضو الرااااااااائع
** amr albob **

[amralbob]

انا جاهزر يا عمور ونتوكل على الله

[manolly]

الجلسة ناوية تبدأ امتى ان شاء الله

[بلابل]

انا هنا موجود ممكن اكون سجان

ههههههههههههههههههههههه


منتظريا جلسة الرائع والمتالق

amr albob

[amralbob]

ماشي يابلابل بس ان شاء الله ماخشش السجن (ههههههه) ان شـــــــــــــــاء الـــــــــــلـــــه

[THE KING]

جلسة العضو amr albob

بص بأه عاوزك زي الشاطر كده تحل الأسئله كلها ماشي

قول عليا الطلاق اقول الحق
ههههههههههههههههههههههههه

لأ طبعا إحنا قسمنا الرسمي هنا

والله العظيم أقول الحق

س1:- اسمك وسنك وعنوانك ؟

س2:- باقة ورد لأي عضوه تهديها .. ولأى عضو تهديه ..؟؟

س3:- خنت حبيبتك قبل كده ؟ (قول الصراحه متخفش مش هنقولها ) ومتقولش مش بحب دلوقتى .. اللى فات من زمان قولنا عنه ؟

س4:- هل انت ديمقراطى فى حبك ام صاحب السيادة والراى الواحد ؟

س5:- لو اكتشفت فى يوم ان حبيبتك كان ليها ماضى .. وهى بتحبك انت حاليا .. هتعمل ايه ؟؟ هتسيبها ولا هتكمل معاها عادى ؟؟

س6:- لو مفيش قسم اغانى فى المنتدى كنت هتفضل قسم ايه تكون مشرف علية ؟

س7:- ايه اكتر حاجه انت خايف منها ؟؟؟
مثلا خايف من المستقبل او مثلا من ان حبيبتك تسيبك لاى سبب و خايف من ايه بالظبط ؟؟

س8:-امتى قولت
1- ده احلى يوم فى حياتى
2- انا كرهت نفسى
3-مش قادر اصدقك

س9:- ممكن ترتبط بواحدة مش هتقدر تجيب اطفال وانت بتحبها ؟؟

س10:- حبيت كام مره (عايز رقم محدد) ؟؟؟

س11:- ايه أول حاجه ممكن تعملها لما يبقى معاك فلوس كتير ..؟

س12:- هل انت راضي عن نفسك دينياً ...؟ وليه ؟

س13:- كام صديق قفلت معاه واتخانقت معاه ؟ وخاصم كام واحد لحد دلوقتى ؟ وليه ؟ وانت شايف نفسك غلطان

س14:- مين افضل عضو وعضوه ومشرف مشرفه وقسم ؟ وليه إخترت كل واحد فيهم ..؟

س15: تقول لمين الكلمات دي ..؟؟
1- بايع وخاين وقلبك حجر
2- طالع لمين
3- تعبت
4- مكنتش ناوي اودعك
5- كل لما اسمع صوتك
6- جباااااااااااار
7- قوم اقف وانت بتكلمنى
8- انت عاوز مني ايه
9- طولت الغيبه
10- لو اوصفلك


وبس ...
ومعلش يا بوب اتوصيت بيك المرادي علشان انت غالى علينا وبس ..
ومستنيين اسئلة ملاك .. ويابلابل اعمل حسابك انت متعين هنا مكان رضوان من باب التغيير

[amralbob]

والله العضيم هقول الحق
س1:- اسمك وسنك وعنوانك ؟
ج 1/اسمي : عمرو محمد محمود سني : 16 سنه عنواني في مصر: شبين الكوم البر الشرقي عنواني في السعوديه : الخبر البيونيه شارع ابو حدريه ..

س2:- باقة ورد لأي عضوه تهديها .. ولأى عضو تهديه ..؟؟
ج2/ طبعا لحبيب المنتدى كله ادمن , وسلفر .3mr وكل الاعضاء المنتدى

س3:- خنت حبيبتك قبل كده ؟ (قول الصراحه متخفش مش هنقولها ) ومتقولش مش بحبدلوقتى .. اللى فات من زمان قولنا عنه ؟
ج3 والله الي دلوقتي لالالالالالالالالالالالالا حتى الي فات يا عمور الي يحب بجد عمره مايخون

س4:- هل انت ديمقراطى فى حبك ام صاحب السيادة والراى الواحد ؟
ج4/ ديمقراطي طبعا

س5:- لو اكتشفت فى يوم ان حبيبتك كان ليها ماضى .. وهى بتحبك انت حاليا .. هتعمل ايه ؟؟ هتسيبها ولا هتكمل معاها عادى ؟؟

والله لو كانت قلتلي هكمل عادي لاكن لو عرفت من بره طبعا هسبها

س6:- لو مفيش قسم اغانى فى المنتدى كنت هتفضل قسم ايه تكون مشرف علية ؟
ج6/ منتدى السيارات ده بعداذن ادمن

س7:- ايه اكتر حاجه انت خايف منها ؟؟؟
مثلا خايف من المستقبل او مثلا من ان حبيبتك تسيبك لاى سبب و خايف من ايه بالظبط ؟؟

ج7/ خايف من المستقبل من يوم الحساب. وحببتي تسبني حاجه مش بتخوفني لو كان انا الي غلطان,, وخايف من الدراسه كمان .

س8:-امتى قولت

1- ده احلى يوم فى حياتى
يوم كنت مع واحد صاحبي في اسكندريه ومحمد اخو عمرو

- انا كرهت نفسى
لما ادايق حد

3-مش قادر اصدقك

في موضوع مع اختي ملكش دعوه في الموضوع.

س9:- ممكن ترتبط بواحدة مش هتقدر تجيب اطفال وانت بتحبها ؟؟
ج/9 ايوه اققدر عادي يعني العيال مش كل حاجه

س10:- حبيت كام مره (عايز رقم محدد) ؟؟؟
ج10/ 5 مرات بجد

س11:- ايه أول حاجه ممكن تعملها لما يبقى معاك فلوس كتير ..؟
ج11/ اتصدق منها وادي منها ابويا وامي واعمل باالباقي الي انا عايزو عادي يعني يا عمور ولو انت عايز منها حاجه اديك ومالو يعني مش هبخل عليك

س12:- هل انت راضي عن نفسك دينياً ...؟ وليه ؟
ج12/ اكيد راضي عن نفسي . لاني مش ناسي ربنا وبعمل الي ربنا بيقدرني على فعله.

س13:- كام صديق قفلت معاه واتخانقت معاه ؟ وخاصم كام واحد لحد دلوقتى ؟ وليه ؟ وانت شايف نفسك غلطان
ج13/ والله مش عارف بس مش كتير يعني وممكن ولا واحد. والله ولا واحد زعلان منوا عشان انا مش بحب يكون حد زعلان مني

س14:- مين افضل عضو وعضوه ومشرف مشرفه وقسم ؟ وليه إخترت كل واحد فيهم ..؟
افضل عضو والله من وجته نظري احمد صبري عشان متفاعل معانا , وافضل عضوه manolly والله اخترتها عشان شيفها متفعله معانه, وافضل مشرفه ملاك الروح,, عشان واخده بالها من القسم بتاعها وافضل مشرف هيمه فرج,,عشان اشرافه على القسم بتاعو ,,ومنساش كل الي في المنتدى جامدين


س15: تقول لمين الكلمات دي ..؟؟
1- بايع وخاين وقلبك حجر
ج15/1 اقولها للي بحبها لو سبتني في وقت ان محتجلها
2- طالع لمين
ج15/2 لاخويا واحنا مشين وشفت حد يشبه واحد اعرفو
3- تعبت
ج15/3 اقول لماما او لبابا ولاختي لو تعبان
4- مكنتش ناوي اودعك
ج15/4 للي بحبها بردو
5- كل لما اسمع صوتك
ج15/4 بردو للي بحها والله مش بجدب يعني
6- جباااااااااااار
ج15/6 لله سبحانه تعالى
7- قوم اقف وانت بتكلمنى
ج15/7 ممكن لو كان عندي اخويا الصغير وغلاطان ققولو كدا وومكن قول لصحبي هزار
8- انت عاوز مني ايه
ج15/8 لواحد بيكلمني على التلفون وبنتخانق
9- طولت الغيبه
ج15/9 لواحد صحبي مش بيعبرني وشفته بصدفه
10- لو اوصفلك
ج15/10 للي بحبها
والله مكدبتش في اجابت سؤال واحد

مش فاهم يا عمرو ازاي مكان رضوان........

[radwan]

اسف يا جماعة كنت مشغول فى الكليه وكده يعنى
اسف بجد
وان شاء الله احاول اشترك فى محاكمة عمرو

[manolly]

اسئلة حلوة والله
واجابات تمام يا عمرو