|
|
|
|
#1
03-16-2008, 10:07 AM
|
|||
|
|||
فارس الاحلام الصايع .......ومنوعات مع شاديه وشويه بنات
:36_9_2:يا مساء الفل على كل الماجيكاوية:36_9_2: موضوعنا بقى النهاردة ياشباب الامه عن فارس الاحلام فارس احلامى حبيب قلبى وحبيب ايامى عايزاك تفهمنى تفهمنى وتحقق صوره احلامى تعاملنى بقسوه وحنيه تجرحنى وتدارى عليا ونقضى ساعات فى الملاغيه زى الافلام الغراميه عايزه حياتنا تكون على طول مشحونه عواطف جد وهزل ورعد وبرق وريح وعواصف عايزه احس بحب طاغى نور ونار حب يملالى فراغى ليل نهار وساعتها هقول انت حبيبى فارس احلامى حبيب قلبى وحبيب ايامى الغنوة دي غنتها شادية لصلاح ذو الفقار في فيلم عفريت مراتي على ما اعتقد و على فكرة يا جماعة من وجهة نظري دي من اوائل الفيديو كليب فهي فعلا غنوة معبرة عن الهدف و المضمون غير الهلس بتاع دلوقتي لكن يعني ايه فارس احلام في المسلسلات و الافلام القديمة كانت البنت تقول عايزة فارس احلامي يجي يخطفني على حصانه الابيض مش عارف اساسا يخطفها ليه يا ترى ايه العذاب اللي شايفاه في بيت اهلها اللي يخليها عايزة تتخطف غير انها بتكنس و تمسح و تطبخ و تغسل المواعين و تنشر الغسيل و تكوي و الاشغال الشقة نعم الشقة مش الشاقة اللي عايشة فيها و اللي ان شاء الله لما يجي الفارس بتاعها حتعملها بردو ( واجب عليها طبعا انا مش معترض ) لكن دلوقتي الصورة اتغيرت فلو هو فارس فيبقا من وجهة نظرها عربجي لامؤخذة و لو خطفها يبقا ارهابي اكيد فوجهة النظر اتغيرت تماما فالفارس دلوقتي راكب عربية مش مهم لونها لكن المهم سنة الصنع ( و انها متبقاش صيني ) اصل المصريين عندهم ارتكاريا من حكاية صيني دي لان صيني = مضروب لكن من كام يوم قعدت كدة افكر مع نفسي و لقيت بلاوي بعيد عنكم تعالوا نشوف راي الست شادية و هي عايزة اية على اساس اني اكتشفت ان فيه بنات كتير بتلجاللاغاني لتكوين و بلورة صورة فرس الاحلام :36_9_3::36_9_3::36_9_3: فارس احلامى حبيب قلبى وحبيب ايامى عايزاك تفهمنى تفهمنى ( ابقي قابليني ) وتحقق صوره احلامى ( اللي هي ايه يا ترى ) تعاملنى بقسوه وحنيه ( ايه الجنون دة يعني يديها الم و بعدين يبوسها مكان الالم ) تجرحنى وتدارى عليا ( دة معناه انه لما يديها بوكس جمب عينيها و يزرقها يبقى يشتريلها نضارة شمس جوتشي عشان تداري البوكس ) ونقضى ساعات فى الملاغيه ( بلاش دي ) زى الافلام الغراميه ( اللي هي البطل يجي يبوس البطلة يكسرلها عمودها الفقري ) عايزه حياتنا تكون على طول مشحونه عواطف ( ) جد وهزل ورعد وبرق وريح وعواصف ( ايه الحياة الساقعة دي يمكن قصدها حياتها تبقا كلها في الشتا لانها في الصيف حتروح المصيف ) عايزه احس بحب طاغى نور ونار ( كلام غريب بصراحة محدش من الرجالة فاهمة ) حب يملالى فراغى ليل نهار ( قصدها يعني انه طول النهار بيفسحها و في الليل يحكلها حواديت ) وساعتها هقول انت حبيبى ( يعني لو معملتش كدة مش ححبك ) :36_6_7::36_6_7::36_6_7: انا عايزه الناس يتكلموا عنك ( اه يعني بعد القضية اللي حترفعها عليه او الاشاعة ويشاوروا عليك ويخافوا منك ( الاشاعة جامدة اوي حتخلي الناس تترعب واسمع عنك الف مغامره والف حكايه ( مش بقولكم اشاعة جامدة كل مغامره يكتبوا عنها الف روايه ( بس بقيت سيرته على كل لسان تسهر الامل ...وتضيع الملل... ( طبعا مهو البوليس كل ساعة و التانية جاي يدور علية وتخلى كل ليله وياك شهر العسل ( تكاليف و الله وساعتها هقول انت حبيبى يعني بردو لو معملتش كدة مش حتنفع فارس ) فارس احلامى حبيب قلبى وحبيب ايامى :36_11_6::36_11_6::36_11_6: يا حبيب ايامى ... يا حبيب احلامى مش بقولك الكلام ده يعنى بهرب من حياتى ( لا العفو ) ده انت حب العمر كله وانت احلى ذكرياتى ( اهي الست اصيلة و بتاخد بخاطرة بعد البلاوي اللي طلبتها منه انا وياك على عهدى ...وحياه حبك عندى... بس هحبك اكتر لما هتفهم قصدى ... ( الشرح في الاخر ) وساعتها هقول انت حبيبى فارس احلامى :36_6_10::36_6_10::36_6_10: الخلاصة : مواصفات فارس الاحلام دة عاطل معندوش شغلة و لا مشغلة ( طبعا دة مقضي طول الوقت في الملاغية و الافلام العاطفية و العواصف و ماليلها فارغها ليل نهار ) و رغم كدة غني جدالانه عايش على ايراد العمارة اللي ورثها عن ابوة ( و مخلي كل ليلة شهر عسل .. شوفوا انتوا شهر عسل واحد بيتكلف كام دة لو حتى راحوا شهر العسل في بركة السبع او حتى ميت عقبة مش شرم الشيخ حيتكلف بردو) غير انه مقطوع من شجرة و ليه قرايب و لا اصحاب ( لان بعد الملاغية و ملي الفراغ و شحن العواطف ليل نهار مبقاش عنده وقت يزور قريبة و لا اصحابة لان هو اساسا معندوش ) غير انه شخصية سادية بيضربها و ماشي يضرب الناس في الشارع ( قالت في الاغنية تعاملني بقسوة و حنية - الناس بتتكلم عنك من المغامرات و الروايات اللي الناس بتحكيها - تجرحني و تداري عليا .....) و دة كان فارس شادية و شوية بنات كدة انتو بقى فوارس احلامكم ايه ياترى حابب رائيكم وياريت تقولو ايه اللي اتغير وليه يعني عاوز مناقشه من نار في الموضوع ياله بينا مستنيكم وسلاومنتي يارداله وبنتوتات :36_7_12::36_7_12::36_7_12: 
|
|
#2
06-09-2009, 12:12 PM
|
||||
|
||||
اقتباس:
يا باشا ولا تحرمنا من ابدعاتك يا مشرفنا الغالى
|
|
#3
06-13-2009, 06:28 AM
|
|||
|
|||
|
تسلم لينا يا بلابل على مرورك الكريم
|
|
#5
06-14-2009, 10:49 AM
|
|||
|
|||
|
موضوع جميل جدا
ومهما قولت مش هعرف أعبر عن أعجابى بتلك الموضوع الرائع
__________________
|
|
#6
06-15-2009, 10:03 AM
|
|||
|
|||
|
مشكورين كارمن واسمر على مروركم
وان شاء الله يا كارمن تلاقى فارس احلامك ياترى يا اسمر هتعمل ايه مع على و نادين؟؟؟؟:d
|
|
#8
06-18-2009, 06:42 AM
|
|||
|
|||
|
الجديد ان البنت فاقت من الأحلام من اول ما انتهي زمن شاديه والابيض والاسود اختفي؛ وظهر زمن الألوان وشافت الي ماشفتوش البنات زمان
مشكور موضوع مميز
__________________
لا اله الا الله عدد ما كان وعدد ما يكون وعدد الحركات والسكون ـــــــــــــ اللهم سترك وعفوك ورضاك
|
|
#10
06-19-2009, 03:10 AM
|
||||
|
||||
|
ههههههههههههههه
موضوع جامد جدا على رأيك فارس الاحلام دلوقتى بقى حاجة تانية وبعدين دلوقتى مبقاش حد يحلم يا عم هو بقى فى حد فاضى
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بنات الماجيك بنات تجنن | GHOST | الصـــور ومقاطع الفيديو | 20 | 05-01-2009 12:38 AM |
| فارس الأحلام | الماجيك | اضحك من قلبك | 5 | 04-16-2009 11:33 AM |
| لعبة Battle Knight (فارس المعركة) اون لاين | admin | منتدي العاب اونلاين | 1 | 12-05-2008 07:18 PM |
| فارس احلامك شكله ايه !!!!!!!!!!!! | memo* | عالم حواء | 1 | 03-12-2008 11:50 AM |
| حوار بين زوج وزوجه | Elmjeck | المنتدى العام | 2 | 03-11-2008 05:35 AM |
3
العرض المتطور
