|
منتدي الفنون الادبيه شعر و قصائد وقصص وفنون أدبيه يُمنع وضع المواد التي تحتوي على موسيقى |
|
أدوات الموضوع | إبحث في الموضوع | انواع عرض الموضوع |
#1
|
||||
|
||||
فوقو بقى
أول جريمه في الكون كانت بين إتنين أخوات
قابيل وهابيل ياريتنا بنتعلم من كل اللى فات تاريخنا عاد نفسه مليون مره ومابنتعلمش وبنسأل نفسنا دايماً طيب ليه ما بنتقدمش قالها راجل حكيم زمان فى الإتحاد قوه والفُرقا ضعف ياريتك تفهم معنى كلمة ضعف عارف الغرب إتحول عن ماكان في الأول ليه مشيو فى يوم عاللي جدودك قالوا عليه الغرب إتعلم مننا فكرة الإتحاد وترجم كل كتبنا للغتهم وإتعلم وإستفاد وإحنا بقينا عالم تالت وكُرهنا لبعض زودها خلانا عالم مكانه زال يا مصر ويا جزائرإنتوا الإتنين شهداء لرفع إسم العروبه إفدوها بالدماء والله لو عملتوا نص اللى إتعمل ما بينكوا ساعت ما أمريكا دخلت العراق مكنتش دخلت خير أجناد الأرض وأقوى وأعظم زوار لو إتحدتوا مع بعض صوتكوا هيكون جبار قريت جرايد بره وشوفت اليوتيوب وإتنكدت يااااااااااااه أما الحفيد يضيَّع جُهد الجد صراع الأخوات بقا مانشتات جرايد الغرب كل المحطوط عاليوتيوب ده مش تشجيع دى إسمها حرب تشجيع بلدك من حقك مش بس من حقك دا وجبك إهتف قوم إرفع علم بلدك وإوعى الأنانيه والعصبيه تشوه وطنك الوطن العربى ما هو وطنى ووطنك رساله إلى كل إعلامى وصحفى ساهم فى تكبير المشكله بين الشعبين أنا لا أحترمك التعديل الأخير تم بواسطة karmen ; 2009-11-24 الساعة 10:22 PM |
#2
|
||||
|
||||
إيه يا أسامه الكلام ده
الحروف كلها مش في مكانها وبايظه أنا مش فاهمه حاجه |
#3
|
||||
|
||||
اقتباس:
الكلام واضح اغنيه راب لا احمد مكى |
#4
|
||||
|
||||
ماشي أنا عارفه وفاهمه
بس ظبط الحروف شويه ونسق الموضوع عيب هو أنا اللي هعرفك ههههههههههههههههه |
#5
|
||||
|
||||
اقتباس:
تم التعديل شوفى وقولى |
#6
|
||||
|
||||
يا راااااااااااااااااجل
هو كده إتعدل ما هو لسه الحروف بايظه انت شكلك مش فاهمنى معلش بقى اسمحلي أنا اللي أعدله عشان تشوف الفرق |
#7
|
||||
|
||||
اقتباس:
هو الفرق فى حجم الخط والاالوان ماشى ياستى انا وانتى واحد |
#8
|
||||
|
||||
لالالالالالالالالالالالالالالالالالالالالالالالالا
انت بتهزر حجم الخط والألوان ايه والله أنا اتعميت وصوابعي اتلوحت وأنا بعدل الحروف والكلمات يعني مثلا تاريخ كات مكتوبه تاراخ وخد من ده بالهبل كله بقى على كده عيب عليك ألوان ايه وبتاع ايه ده انا بردو بتاعت الشغل الجامد |
#9
|
||||
|
||||
اقتباس:
مش عارف الكلام ده كله كان موجود يمكن عموما انا قولت ليكى انا وانتى واحد |
#10
|
||||
|
||||
يا سلاااااااااااااااااااام
انت بردو مش مقتنع لا بقى مش واحد احنا اتنين وهات النص الأساسي اللي انت كنت كاتبه وتعالى نقارنه بالنص ده اللي أنا كتباه ونخليهم هما اللي يحكموا بيننا واللا أقولك خلاص ولا يهمك أنا واللا إنت ما هي في بيتها بردو خللي أي اتنين غيرنا يتخانقوا عالكلام ده مش احنا ده احنا واحد |
مواقع النشر (المفضلة) |
الكلمات الدلالية (Tags) |
فوقو بقى |
|
|