أيام إبتدائي وإعدادي وثانوي لازم تدخل عالموضوع(ده إجباري مش إختياري)

[karmen]

السلام عليكم و رحمة الله و بركاته

ايام المدرسه ( الابتدائيه و الاعداديه والثانويه ) و اهم الذكريات و المحطات اللى مرت عليكوا فيها


فكره شفتها وعجبتني

هقولكم شويه اسئله زى روبرتاج كده معاكوا وكل اللي يدخل الموضوع يجاوب على كل الأسئله بصراحه


ولو محدش دخل أو عدد قليل دخل
هيبقى من حقي إني أستدعي كل يومين كده عضو يجاوب عالأسئله كلها
أوكى

هقولكوا بقى الأ سئله و عايزه اجابات بكل صراحة و مش عايزة لف ولا دوران

1) ما اسم مدرستك الابتدائيه و الاعداديه والثانويه ؟

2) ايه المادة اللى كانت مفضله ليك و ليه ؟؟ و الماده اللى كنت بتكرها وبرضو بتكرهها ليه؟؟

3) مين المدرس اللى كنت بتكرهه جداااااااااا و ليه ؟؟والمدرس اللى كنت بتحبه جدا وليه؟

4) موقف محرج حصلك قدام العيال فى الفصل ؟؟

5) اكيد حبيت و انت فى المدرسه و كان اسمه او اسمها ايه و كام مرة حبيت ؟؟

6) زورت مكتب المدير قبل كدة و كنت عامل مصيبة ايه ؟؟

7) جالك استدعاء و لى أمر و كان ايه السبب ؟؟

8) اخدت فصل قبل كدة من المدرسه و كان كام يوم و ايه السبب ؟؟

9) اكبر علقه اخدتها فى المدرسه و مين ادهالك و كان ايه السبب ؟؟

10) اوصف نفسك فى كلمه واحدة كنت تلميذ ...............................؟؟؟

11) كان الزى الرسمى ال( uniform ) بتاع مدرستك لونه ايه و عبارة عن ايه ؟؟

12) اقل درجة جبتها فى الامتحان و كان امتحان ايه ؟؟

13) شلت مادة قبل كدة ( ملحق يعنى ) و كانت المادة ايه ؟؟

14) عمرك غشيت او عملت برشام ؟؟ بصراحة

15) اوصف ايام مدرستك فى كلمة واحدة كانت .............................؟؟

16) لو قالوك ترجع لأيام المدرسه تقول ايه ؟؟

نعم (أو) لا

17 ) تحب ترجع لأنهي سنه بالظبط في المدرسه
(من أولى ابتدائي لحد 3 ثانوي) ؟؟

18)ايه أكتر سنه (من أولى إبتدائي لحد تالته ثانوي) بتكرهها؟؟ وايه أكتر سنه بتحبها؟؟


ياللا اتفضلوا جاوبوا

[البرنس الوحدانى]

ده تحقيق
المشكلة ان الاسئلة كتييييييييييييرة
ع العموم هجاوبها وهبقى أحطها

[karmen]

أوكى يا علي
بس حط في بالك لو مجاوبتش هيجيلك استدعاء رسمى
وكده خطر عليك
فجاوب بكرامتك احسن
هههههههههههههههه
ياللا يا علي مستنياك

[karmen]

آه تمام كده
طالما بقالنا سنتين ومحدش راضي يجاوب نختار بقى
مين ييجي يجاوب مين؟؟
أسامه
ياللا

[admin]

1) ما اسم مدرستك الابتدائيه و الاعداديه والثانويه ؟
ابتدائى الفرقانيه اعدادى الانجيليه الثانويه اسطنها الثانويه

2) ايه المادة اللى كانت مفضله ليك و ليه ؟؟ و الماده اللى كنت بتكرها وبرضو بتكرهها ليه؟؟

افضل الرياضه اوحش اللغه الانجليزيه والكمياء والله مش عارف ليه

3) مين المدرس اللى كنت بتكرهه جداااااااااا و ليه ؟؟والمدرس اللى كنت بتحبه جدا وليه؟

مدرس الرياضه افضل للحبى للماده وكذلك اللغه والكمياء للكرهى للماده

4) موقف محرج حصلك قدام العيال فى الفصل ؟؟

كان عندى عشم فى استاذ معين وخيب املى

5) اكيد حبيت و انت فى المدرسه و كان اسمه او اسمها ايه و كام مرة حبيت ؟؟

الاسم صعب المرات 1 فى المدرسه بدون الكليه

6) زورت مكتب المدير قبل كدة و كنت عامل مصيبة ايه ؟؟

اه وصلت ايام الغيب الى 26 يوم

7) جالك استدعاء و لى أمر و كان ايه السبب ؟؟

عدم الحضور وكثره الغيب

8) اخدت فصل قبل كدة من المدرسه و كان كام يوم و ايه السبب ؟؟

الحمد لله لا

9) اكبر علقه اخدتها فى المدرسه و مين ادهالك و كان ايه السبب ؟؟

الضرب على القدم كان فى تفتيشفى المدرسه وانا اتكتب اسمى مع الناس الى بتتكلم من مدرسه

10) اوصف نفسك فى كلمه واحدة كنت تلميذ ...............................؟؟؟

هوائى

11) كان الزى الرسمى ال( uniform ) بتاع مدرستك لونه ايه و عبارة عن ايه ؟؟

لايوجد بحكم انها حكومه

12) اقل درجة جبتها فى الامتحان و كان امتحان ايه ؟؟

10 اللغه بس من 20

13) شلت مادة قبل كدة ( ملحق يعنى ) و كانت المادة ايه ؟؟

الحمد لله لا

14) عمرك غشيت او عملت برشام ؟؟ بصراحة

على طول

15) اوصف ايام مدرستك فى كلمة واحدة كانت .............................؟؟

لاتعوض

16) لو قالوك ترجع لأيام المدرسه تقول ايه ؟؟

مواقف ارجع ثانوى

نعم (أو) لا

17 ) تحب ترجع لأنهي سنه بالظبط في المدرسه
(من أولى ابتدائي لحد 3 ثانوي) ؟؟

ثانوى
18)ايه أكتر سنه (من أولى إبتدائي لحد تالته ثانوي) بتكرهها؟؟ وايه أكتر سنه بتحبها؟؟
لااذكر

تم الاجابه

فى انتظر اجابه صاحبه الموضوع

[karmen]

ههههههههههههه
اجابات غريبه اوى يا اسامه
شكلك كنت في الضياع خالص وانت صغير
بس بسم الله ما شاء الله بقيت حاجه تانيه لما كبرت
ميرسي ليك عالمرور
وأوكى هجاوب

[admin]

المشاركة الأصلية كتبت بواسطة karmen التحميل

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

ههههههههههههه
اجابات غريبه اوى يا اسامه
شكلك كنت في الضياع خالص وانت صغير
بس بسم الله ما شاء الله بقيت حاجه تانيه لما كبرت
ميرسي ليك عالمرور
وأوكى هجاوب

ربنا يهدينا


فى انترظ الاجابات

[karmen]

1) ما اسم مدرستك الابتدائيه و الاعداديه والثانويه ؟
مدرسة الزهراء ابتدائي-الشهيد أحمد حمدى اعدادى-مصر القديمه ثانوي

2) ايه المادة اللى كانت مفضله ليك و ليه ؟؟ و الماده اللى كنت بتكرها وبرضو بتكرهها ليه؟؟
كنت بفضل الاينجلش جدا مش عارفه يمكن عشان كنت متأسسه فيه كويس
وكنت بكره الرياضه مبقبلهاش
وهي اللى مضيعانى كل سنه
حتى في الجامعه لازم كل سنه أشيل مادة احصاء
عايزه افهم كلية اداب يدرسوا احصا ليه؟؟
بكره كل ماده فيها ارقام

3) مين المدرس اللى كنت بتكرهه جداااااااااا و ليه ؟؟والمدرس اللى كنت بتحبه جدا وليه؟
بكره جدا مدرس الرياضه بتاع ثانوى
عشان كان زباله وكان لازم كل يوم يقومني اطلع اجاوب
وهو عارف انى مبفهمش رياضه
معندهوش دم
وكنت بحب اوى مدرسة الاينجلش بتاعت ابتدائى
ومدرس الاينجلش بتاع ثانوى
اصله كان مقدر موهبتي في الاينجلش
وكان عاجبه نطقي للإينجلش

4) موقف محرج حصلك قدام العيال فى الفصل ؟؟
كنت تالته اعدادى
وكنت في حصة الاينجلش والمستر قاعد وبيقوللى روحى هاتى مش فاكره ايه كده من مدرس معين
كان قاعد على ديسك وظهره للسبوره
وانا بعدى من وراه الجيبه مسكت في مسمار في الديسك
وما شاء الله صوتها سمع لآخر الفصل
من اولها لآخرها
كان هيغم عليه والله
والمستر يقوللى روحى ويبصلى وانا اقله لا مش هروح دير وشك الناحيه التانيه
وهو بجد كان عديم الاحساس ويفتقد للسائل ذو اللون الاحمر في عروقه وشرايينه

5) اكيد حبيت و انت فى المدرسه و كان اسمه او اسمها ايه و كام مرة حبيت ؟؟
هههههههههههههههه
حبيت مره واحده والله في 5 ابتدائي
كان اسمه مصطفى قاعد في الديسك اللى جنبي
كنت بحبه انا وصاحبتي الأنتيم
وكنا ساعتها متفقين نتجوزه احنا الاتنين سوا

6) زورت مكتب المدير قبل كدة و كنت عامل مصيبة ايه ؟؟
آه
في تالته ثانوي
هي دى السنه الوحيده اللى زرت فيها كل المكاتب
المدير والاخصائي النفسي والاجتماعي
وكنت انا ومانوللى وباقي الشله مسجلين خطر
بسبب الغياب والتزويغ من الحصص والتأخير وهكذا
وتخيلوا 3 ثانوي السنه الوحيده اللى جبت فيها مجموع تمام
98%
بس للأسف مجموع 2 أثر عليه جامد

7) جالك استدعاء و لى أمر و كان ايه السبب ؟؟
لا مجاليش الحمد لله
بس كان بيتبعتلى انذارات عشان الغياب

8) اخدت فصل قبل كدة من المدرسه و كان كام يوم و ايه السبب ؟؟
لا مخدتش فصل الحمد لله
كانت انذارات بس

9) اكبر علقه اخدتها فى المدرسه و مين ادهالك و كان ايه السبب ؟؟
والله مش فاكره خدت علقه واللا لا
اه كان في تانيه اعدادى
مدرسة الدراسات الاجتماعيه كانت عاوزانى ادخل عندها درس وانا مكنتش عاوزاها
فضربتنى بالعصايه ييجي 8 مرات كده
ضرب بغباء
قال ايه عشان معرفتش اجاوب وهو ده كان سؤال طبيعي
والله تانى يوم علطول دخلت عندها درس زي الكلبه
ههههههههههه

10) اوصف نفسك فى كلمه واحدة كنت تلميذ ...............................؟؟؟
مكبره دماغي

11) كان الزى الرسمى ال( uniform ) بتاع مدرستك لونه ايه و عبارة عن ايه ؟؟
ابتدائي (فعلا مش فاكره)
اعدادى(جيب وبلوزه أو دريل لونهم كوحلي)
ثانوي(جيب كوحلي وبلوزه بيضا)

12) اقل درجة جبتها فى الامتحان و كان امتحان ايه ؟؟
امتحان الرياضه بتاع الثانويه العامه(2 ثانوي)
كان 35 من 50
ههههههههههه
زباله اوى

13) شلت مادة قبل كدة ( ملحق يعنى ) و كانت المادة ايه ؟؟
لا الحمد لله في المدرسه كنا مجتهدين
اما الجامعه بقى........

14) عمرك غشيت او عملت برشام ؟؟ بصراحة
ابدا والله في المدرسه لا
في الجامعه هي السنه دي بس
كنت انا وصاحبتى اللى ورايا
كل واحده تذاكر نص الماده وندخل نهيص مع بعض
وكان كل مره المراقب بيبقى زباله ويبعدنا عن بعض
والحمد لله مبنحرمش

15) اوصف ايام مدرستك فى كلمة واحدة كانت .............................؟؟
فعلا متتعوضش

16) لو قالوك ترجع لأيام المدرسه تقول ايه ؟؟
لا مش ناقصه مذاكره بقى وكده
الواحد في الجامعه دماغه مرتاحه ومبيذاكرش

نعم (أو) لا

17 ) تحب ترجع لأنهي سنه بالظبط في المدرسه
(من أولى ابتدائي لحد 3 ثانوي) ؟؟
3 اعدادى و3 ثانوي

18)ايه أكتر سنه (من أولى إبتدائي لحد تالته ثانوي) بتكرهها؟؟ وايه أكتر سنه بتحبها؟؟
أكتر سنه بحبها موت 3 ثانوي
ويليها 3 اعدادي
واللى بكرهها 2 ثانوي

[mahmodsalama]

ياريت الزمان يرجع تاني احلي ايام اي والله اة اة اة رجعتيني لا احلي ايام لاتعليق اكتر من كدة

[karmen]

ايه ده يعنى مش هتجاوب
ماشي ليك يوم جاي قريب
وهيبقى استدعاء رسمي
ياللا يا مانوللى خشي جاوبي
جالك الاستدعاء