الكوسه

[ahmed.dodo]

فى ناس كتير مش عارفين يعنى ايه كوسة


ويقوللك ده نجح كوسة

وده جاب تقدير كوسة

ودى انتخابات كلها كوسة


و كفاية كوسة

و حملة ضد الكوسة

و لا للكوسة لا للكوسة



و بعد كل ده تلاقى الواحد مش عارف اصل الكلمة ايه


فانا بحثت في كتب التاريخ لحد ما توصلت لاصل تراث الكوسة ده




كان يا مكان في قديم الزمان - مش زمان اوى يعنى -

مثلا ايام المماليك او العثمانيين كدة

كانت القاهرة ليها سور كبير



و كانت الاسوار بتتقفل الساعة 8 بالليل و ممنوع اي حد يدخل بعد كدة

- شايف كان فيه نظام ازاى ما شافوهاش و هى على البحرى دلوقتى -



المهم
فكان اي حد من الفلاحين يحاول يدخل بعد الساعة 8 ميعرفش خالص مهما كان


الا الفلاحين اللى بيزرعوا كوسة !!

و ده بسبب زراعى جدا وهو ان الكوسة ما ينفعشي تتحصد الا بالليل بعد 12 كدة مثلا




فكان الباب يخبط


طق طق طق

مييييين ؟

انا

انت مين ؟

انا فلان الفلانى اتأخرت و جيت اهو

لا مانتش داخل و بوووووووووووم طاخ طيخ طووووخ




بعدها يخبط الباب


طق طق طق

ميييييين ؟

انا

انت مين

كوووووسة



يقوم الباب مفتوح





ومن يوميها و الكوسة بقت رمز من رموز الوطن قصدى رمز للمحسوبية وخير مثال لها



يلا بقى اعرفوا تاريخكوا و ان الكوسة دى حاجة
وطنية لازم نفتخر بيها
=))=))=))=))=))=))=))

[amira abdo]

ههههههههههههههه انا بمووووووت ف الكوسه
ميرسي يااحمد ع الموضوع جااااامد ميرسي

[دبدوباية]

هههههههههههههههههههه
موضوع دمه خفيف جدا
وفعلا ماينفعش يبقى من حد الا أميرة