ليه يا دنيا وخدانا وسايبانا فى نار الجرح
ليه تملى ظلمـــانا وجـوانا يموت الفـــرح
ليه نصرخ ونتـألم ومحـدش بيسمع حــــد
أسيتى زمان علينا وأمـــانينا بتنزف مـــر
نقول جايز هتتبدل وتتعدل وبكــرة تمـــر
ييجي بكـرة تتحول لحزن كبير يفوق الحد
ليــه الدنيا غـــدارة ودوارة م راسي لحـــد
ليه بسهولة مات فرحى وجرحى م عاد يتعـــد
ليه يادنيا أيامـــــنا وأحلامنا تضيع ف الارض
سنين تايهين بنتحير وبندور على الافراح
نلف ف كل الاماكن لكن قطر السعادة راح
نرجع تانى وندور نلاقى اخرة طريقنا سد
فى عز الليل باقوم وابكى وأدعى واقول يا رب
تهون بكرة دة علينا وتروينا طيابة وحب
وقد الدمع وجروحنا تملى حياتنا فرحة وورد
أرجوكى يادنيا تقوليلنا وتحكيلنا بصراحة وجد
لأمتى حيفضل خضوعنا ودموعنا بتملى الخد
أرجوكى يادنيا تقوليلنا وأنا مستنى منك رد