الحياة صعبة ليه
سؤال ماحدش رد عليا فيه
الأيام بتغدر بينا واحنا ساكتين
والحزن بيحرق فينا واحنا مش حاسين
وقاعدين بتمر علينا السنين
شايفين حجات بس مش فاهمين
لكل فرحة تلاقي حبيبك عاملك كمين
بس المهم بئر السعادة نجيبه منين
طلام الحياة بتلطش فينا شمال و يمين
مفيش سعادة !! نلاقيها فين
لو كان الغم رجل لذبحته بالسكين
بصوا من المرات القليله في حياتى اللى فكرت اكتب شعر
عشان أرد معاكم في المناظره الشعريه دى
واسمحولى اكمل معاكم واقول
ليه كلنا عايشين مستنيين
لحظة أمل بس مش لاقيين
كنا زمان بنحلم ببكره
بس دلوقتي حتى عالحلم مش قادريين
تفتكروا ايه السبب ؟
يمكن عشان احنا منفصلين
عن العالم اللي حوالينا ومش داريين
ومحدش فينا بقى قلبه عالتانى
وكلنا في الدنيا كده عايشين
عايشين وخلاص ومبقناش حاسين
بالقلوب اللى دايما جنبنا واقفين
الكره بقى مالينا وبيه هنفضل مكملين
طول ما قلوبنا كده تايهه هنفضل ماشيين
في دوامة الحياه غرقانين
وعمرنا ما هنفوق ما دام احنا ساكتين
عن الحق ودايما عيوننا مغمضين
حالنا هيتعدل بس لو كلنا قمنا واقفين
وقفة راجل واحد وإتحدينا كل الشياطين
|