[karmen]

صراحه في حركات هبله بنعملها في حياتنا اليوميه و احنا عارفين انها هبله ومع ذلك بنعملها ليييييييه؟؟ مش عارفه!!

مـثــــــــــــلا:



*ليه بعد ما نشرب كانز البيبسي ونخلصه نهز العلبه؟؟

(يعني مستنى عفريت يطلعلك من الكانز يقولك مبروك كسبت كمان شفطه ..؟؟!!)




*ليه اذا شفنا على حيطه او عامود نور عبارة: احترس من الدهان؟...مانصدقش ونجرب بأصابعنا؟؟..

( يعني لازم يحلفوا ..؟؟!!)





* ليه اذا كانت بطارية الريموت كنترول ضعيفه نضغط بقوه على الأزرار؟؟؟؟

(يعني هو كده هتتشحن البطاريه؟؟!!!)




*ليه اذا تأخر الاسانسير نضغط على الزرار ميت مره؟؟؟

(يعني كده خلاص هيحس على دمه ويفتح)




*ليه بنوطي صوت الكاسيت في السيارة اذا كان الطريق زحمه او لو تهنا؟؟؟

(يعني كده الطريق هيفضى ولا هنعرف فين الطريق ؟)





*ليه لما بنكون قاعدين في مكان عام ونسمع رنة مسج ولارنة موبايل على طول نشوف موبايلنا؟؟

(ليييييه حضرتك مهم للدرجه دى علشان يرن بين البشر دي كلها ..؟؟!! ولا يعني انت مش عارف رنة موبايلك عشان كل ما واحد يرن تبص عندك؟؟

ولا حضرتك vip)




*ليه اذا لعبنا بلاي ستيشن (لعبة عربيات) نلف مع العربية
اذا تحرك يمين ويسار؟!!


(على أساس ان الحماس ده هيخليك تفوز)




* ليه إذا جينا نشكر واحد على موضوع حطه فى المنتدى نمد الحروف ونكتب


مشكووووووووووووووووووووووووووور


(احنا كده يعنى بنشكره من القلب واللا ايه مش فاهمه)