انا بصراحه كان رأيى زى ما انتوا شايفين كده معارضه الفكره تماما
بس بعد ما قريت موضوع كونان
واللى حصل مع السيده خديجه رضى الله عنها
كلكم بتقولوا
ده الرسول عليه الصلاة والسلام
ودى خديجه رضى الله عنها
واحنا نيجى ايه جنبهم
ماشى اوكى انا مش معترضه واحنا نيجى ايه جنبهم
بس فيها ايه لو حاولنا نبقى زيهم
وميبقاش فيه كبت آراء وكبت حريه للمرأه
زمان ايام الرسول عليه الصلاة والسلام
كانوا بيحترموا مشاعر المرأه اكتر من زمننا ده مليون مره
فيها ايه لو الواحده غلبها الشوق وحست انها بتحب انسان بدرجه كبيره جدا وكانت عاوزاه فى حلال ربنا
ايه اللى يمنع انها تصرحله بحبها او تبعتله مرسال
قولولى ايه المانع طالما هى كمان غرضها شريف وبتحب الانسان ده وطالباه فى الحلال
ماهى كمان بتحاول تلفت نظره امال يعنى تعمل ايه
حد يقوللى لو انا بحب واحد لدرجه كبيره جدا والشوق قاتلنى اعمل ايه
عندكم حل تانى غير انى اروح اقوله؟؟؟
|