[lost love]

تعلن شركه بطالتكوا عن وجود وظائف خاليه لكل الخريجين
سواء دفعه السنادى او السنه الجايه او اى سنه يعنى
الوظايف دى لا تشترط خبرات ولا شهادات ولا ادوات
تشترط بس الجرئه والخفه والذكاء والقدره على الاحتيال والسرعه فى اداء الوظيفه
اما بالنسبه للمظهر فهو مش مطلوب نهائى وياريت
اللى شكله حلو يشوه نفسوا بميه نار علشان يقبل فى الوظيفه
واليكم الوظائف الخاليه
















مطلوب حرامى يجيد سرقه السيارات....خفيف.. ذكى ...جسمه رياضى .....يجيد كسر الزجاج....او فك الكوتش او سرقه الموتور وخلافه











مطلوب شحات على باب السيده براتب جيد...لان كل الشحاتين اللى كانوا على الباب قاعدين دلوقتى على القهوه من غير شغل....يجب ان يكون لديه عاهه مستديمه او تخلف عقلى ...يجيد التصنع بالغلبنه والمسكنه وخلافه....










مطلوب حرامى شقق ...احنا بنحترم التخصص بردوا.......يجيد فتح الكالون بطفاشه ..او تسييح القفل .......خفيف الخطوه.....يداه ناعمتين .....نظره حاد...يجيد تسلق الواسير















مطلوب فتاه للعمل مع عصابه كبيره لها اسمها فى بولاق.....كل اللى هتعمله تغرى الزبون لحد ما يقع....وتقلبه......جميله... ..لبقه...ساحره...عندها من الدهاء ما يكفيها ويكفى العصابه.....اديها تكون طويله.....واهم حاجه تكون بتحب الفلوس...وياريت تكون عانس














مطلوب كناس شارع فى كفر المواشى.......ودى طبعا مش وظيفه حكوميه.....الراتب هياخده من الناس اللى هتعدى عليه فى الشارع....من ده جنيه ومن ده ربع جنيه..........يجيد لم الزباله...ملامحه تدعو للشفقه والعطف......نظراته توحى بالاحتياج










دى الوظايف الموجوده دلوقتى
نودعكم عند توافر وظائف اخرى سيتم ابلاغكم بيها
وعلى كل الخريجين التقدم بسرعه لان الوظايف مش بتستنى حد





حسبى الله ونعم الوكيل
ربنا يرحمنا بقى