السلام عليكم ورحمة الله وبركاته
طبعا الجواب بيبان من العنوان
والعنوان بتاع الموضوع واضح وبيتكلم عن شىء خطير وهو الوحدة العربية
الوحدة اللي هتخلينا نتسيد هذا العالم ويكون لينا صوت زاينا زاي الدول الكبيرة
زمان الاستعمار قبل مايمشي ساب حاجة ساب التفرقة اللي عمله في كل شبر من
الاراضي العربية
اول حاجة الغئء الخلافة الاسلامية اللي كانت جمع الدول العربية علشان يفرق
بين الدول وزرع العدوات بين الشعوب العربية وانشاء مشاكل علي حدود الدول العربية
علشان تقع في خلافات مع بعضها البعض ده غير حاجات تانية كتير
ده كمان بعض ماعمل انقسامات وانشاء عدوات بين الدول العربية اللي يقول انا مصري وانا سعودي وانا ليبي وانا كويتي وانا مغربي وفي النهاية كلهم عرب
ده غير انهم انشاء انقسامات جوه كل دول
ففي مصر علي سبيل المثل تلقي اللي يقول انا صعيدي وانا فلاح وانا اسكندرني وانا بورسعيدي وانا دمياطي
وفي العراق نفس الموضوع الكردي والشيعة ومش عارف ايه والكل مفكر انو احسن من التاني بس المشاكل انهم هم في النهاية بردو عرب يعني كلهم واحد وبعضين التفرقة اللي بيعملهوه ديه هي اللي خرب الدنيا .
وده ياريت علي المحافظات وبس دا دخل المحافظ في انقسامات يعني في اسكندرية مثل اللي يقول انا من بحري وانا من العصافرة وانا من المندرة وانا من سيدي بشر
بتاع سيدي بشر احسن من بتاع المندره ولا العصافرة اصيع من شباب بحري برده نفس الكلام في القاهرة انا من امبابة وانا من الدقي وانا من الهرم وغيرهم وغيرهم
هو ده اللي اخرنا احنا نفكر فيه لكن لو دورت في الاخر هتلقي اننا برده عرب
والانقسام مش كده بس دجواه المناطق كمان يعني اللي انا من شارع كذا وانا من شارع كذا مش ناقص غير يقولك انا من عمارة كذاياعم والله عمره ماكان كده خلاص دحنا كلنا عرب يعني كلنا واحد يعني نحط ادينا في ادين بعض علشان الاتحاد قوة والله العظيم قوة ومش اي قوة كمان ديه اقوي قوه وفي حاجة تانيه اوي تنسه غير القوة احنا معنا ربنا يعني اقوي معنا النصر باذنه .
يلا مش عوز اطول عليكم بس عاوز اقول حاجه بجد انو لو فكرنا صح شوية هتلاقي اننا في الاخر كلنا عرب بس هم زرعوا فين التفرقة علشان يقدرو علينا علشان عرفين اننا لم بنكون مع بعض محدش بيقدر علينا
واحنا عوزين نخلع التفرقة ديه ونزرع مكانه اتحاد وده دور الشباب العرب مع بعض علشان حنا الامل القادم
وانشاء الله هنكمل الموضوع بعض الامتحانات
بقلم : عبدالرحمن الهواري