فراق وذكريات
هو انا مش هسمع صوتك تانى؟؟
مع مين فى حبى هبقى انانى؟؟
كل شئ ضاع فى ثوانى ؟؟
وخلاص هعيش وحدانى؟؟
ارجوكى ارجعى ليا
ارجعى يا ضى عينيا
مين غيرك هيخاف عليا
وادوق معاه الحنية
كان حبى هو حبك
كان همى يزول فى حضنك
وانا هشكى لمين فى بُعدك
ما خلاص ولا ليا بَعدك
كل يوم عليا يعدى
اقول لدموعى خلاص اتهدى
فى عذابى محدش ادى
الاقيها نازلة على خدى
هتفوت كده ايام و سنين
جوايا ليكى شوق وحنين
مشتاق لعيون حلوين
وانا ليا بعدك مين
فى حياتى كنتى سر كبير
وبقيت لهمى اسير
وتعبت انا م التفكير
ولوحدى ده عليا كتير
وف حبك ما فى استسلام
وكلامى مش اى كلام
ومهما تفوت الايام
هيكون جوايا ليكى شوق وهيام
وبرغم عذاب اهاتى
هتكونى دايما مولاتى
هفتكرك كل يوم فى حياتى
وهعيش على ذكرياتى
وكلامى اللى قلته زمان
عمرى ما اكون عليه ندمان
يا ملاك يا رمز حنان
يا وردة ف اجمل بستان
ومهما اتملى قلبى جراح
ومهما غابت عنى الافراح
ومهما العمر عدى وراح
بذكرياتك هكون مرتاح