ادخل واخترلك موته
واحد سأل مصري
عايز تموت إزاي ؟
عاوز تموت شهيد
ياتركب طياره
ياتركب عباره
عاوز تموت م الجوع
ياتشترى شقه بالقسط
ياتشترى عربيه بالقسط
عاوز تموت م الحسره
ياتتفرج ع الفاترينات فى ستى ستارز
ياتروح زياره لمارينا
عاوز تموت م الغيظ
تتفرج ع القنوات المحليه
عاوز تموت م الزهق
ياتستنى الأشاره لما تفتح
ياتستنى دورك فى الطابور فى التأمين الصحى
عاوز تموت م الهبل
اسمع نجوم أف أم
عاوز تموت مخنوق
روح مصلحه حكوميه
عاوز تموت مفروووس
اركب تاكسى
عاوز تموت مرعوووووب
استنى نتيجه الثانويه العامه
عاوز تموت مشهور
ياتتجوز رقاصه
ياتنصب على بنك
عاوز تموت مليونير
ياتعمل فيديو كليب
ياتلعب كوره
عاوز تموت ورا الشمس
ياتشغل مخك
ياتفتح بؤك
عاوز تموت منكاد
رشح نفسك فى الأنتخابات
عاوز تموت م الحزن
ياتحط الحكومه ف بالك
يا تشجع الزمالك
عاوز تموت م الضحك
ياتتجوز أتنين
ياتشتغل مع المجانين
عاوز تموت ف حالك
أعمل نفسك دايما....مش واخد بالك
|