بجد تسلموا على الموضوع الرائع ده
والمفيد اوى واللى بقى خطر اووى
اوى اوى
وانتشر انتشار فظييييييييع
لدرجه انه بقى عادى الكلام ده يتقال فى الشارع
بكل صراحه بين الأصحاب
بدون اى حياء
(فاذا بوليتم فأستتروا)
أنما دول كمان بكل بجاحه بينشروا مرضهم بين بعض
وبيقولا الكلام ده لأى بنت ماشيه فى الشارع فى امان الله
وتلاقى واحد مريض يقولها حاجه سافله شبهه
مع ان البنت بتكون ماشيه فى امان الله وبكل احترام
وممكن يكون هو شاف بنات مش كويسه بتتمايص او بتضحك بصوت عالى
فى الشارع يقوم قايل كلمه سافله لبنت تانيه ملهاش دعوه بيهم ومتعرفهمش
مجرد انها عدت بس ودى حصلت معايا انا شخصيا وللأسف من راجل كبير
بس بصراحه مقدرتش امسك نفسى ومسكته هزأته وبهدلته
على قد ما قدرت وبجد اليوم ده كنت مخنوقه اوى عشان الى بيحصل
وخاصه ان الموضوع ده من الكبار للصغيرين
مبقاش حد محترم سنه بجد
كل الناس عايزه تشبع غريزتها بأى شكل ومع اى حد
زى الحيوانات بالظبط مبيفرقوش انهم فى شارع او لوحدهم
ولا بقى اللى بيحصل فى المواصلات والزحمه
دى كارثه اكبر تلاقى كله بينتهز فرصه الزحمه وان محدش شايفه
ونسوا ربنا اعظم حاجه
بجد يا جماعه المواقع دى دمرت مجتمعاتنا بمعنى الكلمه
بجد مبقاش فيه حد بيحترم حد ولا حتى بيحترم نفسه
ياريت نقف للمواقع دى ونجاهد نفسنا وشهواتنا
عشان يرجع المجتمع تانى لطبيعته البشريه
المبنيه على الأحترام والأدب والخوف من الله سبحانه وتعالى
معلش طولت عليكم بس بجد انا بتضايق اوى لما بفكر فى الموضوع ده
لأن رد فعله خرج للشارع
واحنا البنات اكتر حد بيعانى من المرضى اللى انتشروا فى الشوارع بشكل مخيف
تقبلوا رايى ومرورى
__________________
وأنا نسيت اولانى عشان انا انسى تانى قلقان يا حبيبى ليه ده انا ميجيش فى بالى انساك حتى فى خيالى لو كان فيه بينا ايه ماعاش ولا كان يا حبيبى اللى ينسينى ده اللى ما بينك وبينى ايام وسنين كتير معاك متخفش من الدنيا دى عليا ده انت بالنسبه ليا الأول والأخير لو مدخلتش حياتى كانت وقفت حياتى ومكنتش عشتها دى الأحلام اللى ليا كانوا بيضيعوا من ايديا وجيت انت لحقتها
|