[manolly]

كل سنه وانتم طيبين ويا رب تكونوا بخير
المسابقة دى شوفتها في منتدى تانى بصراحة
بس عجبتنى اوى ولقيتها جديدة وحلوة
فحبيت نلعبها مع بعض هنا

مسابقتنا اسمها ((منديل الماجيك))



فاكرين لعبه المنديل بتاعة زمان واحنا صغيرين
مسابقتنا هتكون نفس الفكرة تقريبا مع زيادة حاجات بسيطه


قواعد وشروط المسابقه هتكون بسيطه

اولا: المسابقه هتكون لكل الاعضاء

كل عضو يكون فريق من 3 اعضاء
هيبقى معانا فرقتين في المسابقة
وطبعا هيكونوا لمدة معينة يلعبوا وبعدها نبدلهم بفرقتين تانى غيرهم
فى كل فرقه 3 اعضاء
هما اللى هيدخلو معانا المسابقه
طبعا لازم الفرقه تسمى نفسها باسم
و ترقم فريقها بالترتيب 1 2 3
يعنى مثلا
فرقه الماجيك
الاعضاء
الماجيك1
الماجيك2
الماجيك3

تمام كدة؟

هنسال 6 اسئله وانتو وحظكو
يعنى هقول سؤال للعضو رقم واحد
يدخل عضو رقم 1 من فرقة الماجيك مثلا ورقم واحد من الفرقه التانية
رقم 2 يدخل ورقم 2 من الفرقه التانيه
وهكذا

الاسرع فى الاجابه هو اللى هياخد النقطه

وفى سؤال سلطه هههههه



ايوة زى اللعبه بالظبط

سؤال سلطه هيشترك فيه كل الفرقه

طبعا الفرقة الاسرع فى الاجابه هو اللى هياخد النقطه

الاسئله هتكون دينيه و ثقافيه ومعلومات عامه وفنية وكل المجالات


اما المرحله التانيه هتكون طلب صور
هيكون على شكل طلب عمل معين من الفرقتين"يعنى الفريق الواحد هيتفقوا مع بعض وينزلولنا مثلا صورة عليها اسم الفريق"
هيتم التصويت عليها من باقى الاعضاء اللى مش مشتركين معانا
بمعنى هنطلب مثلا صورة عن رمضان او صورة عن العيد او صورة طبيعيه وهكذا
والصور هتتبعتلى على الخاص عشان محدش يعرف الصورة تبع انهى فريق ويحصل بقى انحيازات وكدة
انا هنزل الصورتين بدون ما يكون معروف بتاعة اى فريق
وهيتم التصويت عليها ودى هتبقى بنقطيتين لصالح الفريق صاحب الصورة

رجاء: وضع اسم الفريق على الصوره

لو حصل تعادل بين الفرقتين هيكون فى سؤال فاصل

والجوايز هتكون لفريق الكسبان نقط اكتر

اتمنى التفاعل