يا مثبت العقل فى الدماغ
 

جبتلكو اليوم حوار لطيف جدا بين زوج مع زوجته






هو:

حبيبتي أنا حأطلب بيتزا ، عايزة حاجة ؟




هي:

لا يا حبيبي




هو :

اوكي



هي:

ولا اقولك ..؟




هو:

ها ، أطلب لك كمان ؟





هي:

مش عارفة







هو :

مش عارفة اذا كنتي عايزة ؟





هي:

لا



هو:

انتي جعانة ؟





هي:

يعني




هو :

يعني إيه يعني...؟






هي:

يعني مش متأكدة اذا كنت جعانة ولا لأ.




هو:

الواحد لما بيكون جعان بيعرف







هي :

لأ بس يمكن اجوع بعدين



هو:

يعني اطلب لك بيتزا؟؟ّ





هى:

طيب واذا ما كنتش جعانة وقتها..؟



هو :

ما تاكليش



هي :

بس ده كدة يبقى تبذير






هو:

خلاص ، تبقي تاكليها بكره





هي:

و اذا ما كانش لي نفس آكل بيتزا بكرة؟





هو :

مش محتاجة نفس ، الواحد عادي ممكن ياكل بيتزا كل يوم



هي:

انا لا .. أنا مش باكل بيتزا الا لما يكون عندي نفس للبيتزا







هو:

طيب بلاش ، أطلب لك حاجة تانية؟





هي:

بس أنا مش عايزة حاجة تانية




هو:

يعني عايزة بيتزا؟






هي :

لا






هو:

يعني مش عايزة حاجة؟





هي:

لأ برضه








هو :

جننتيني ، طب أعمل إيه؟






هي:

اطلب انت لنفسك




هو:

الحمد لله ، اخيرا .. ماشي ..






هي :

بس اطلب بيتزا بالتونة






هو:

نعم ؟ انا مش بحب البيتزا بالتونة





هي:

بس انا بحبها







هو:

وانتي مالك ؟ هو انا حاطلب ليا ولا ليكي








هي:

ليك طبعا







هو:

طيب أطلبها ليه بأة بالتونة...؟




هي:

يمكن اجوع لما يوصل الاكل




هو :

وبعدين؟




هي:

يا سلام ، يعني تفتكر آكل حاجة مش عاجباني؟




هو:

ليه هو انتي – أصلاً - عايزة تاكلي؟



هي :

ليه لأ ؟




هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟



هي:

بالضبط




هو:

وأنا بلاش آكل؟



هي:
يمكن وقتها أكون مش جعانة فتاكلها انت


ملاحظه


محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس"



منقول للأمانة

يا جدع أنا م النهارده مش واكل بيتزا تانى

بس لو انتوا ناويين تجيبوا بيتزا ابقوا قوللى

يمكن اجوع ولا حاجة ابقى اكلل البيتزا اللى معاكوا

لو مش عايز تاكل ابيتزا اللى معانا ممكن نجيبلك كانز لو احنا مشربناهوش ممكن انت تشربه
بس لو انت مشربتهوش ممكن احنا منكنش عايزين نشربه

ههههههههههههه
جامده اوى بصراحه ليه حق يموتها

ههههههههههههههههههههههههه هههه
ده الراجل المفروض بعد ما موتها ينتحر

تسلم ع الموضوع
بس اظن ان مكان الموضوع ده منتدى الضحك والفرفشة
تحياتى

مشكور ليك حبيى على الموضع

ههههههههههههههههه
ده ايه الست البارده دي
مشكوور ع الموضوع