منتدي q8-one.com - المفتش عمروبكو حلقات أسبوعيه تابعونا

بسم الله الرحمن الرحيم

السلام عليكم ورحمة الله وبركاته ..

إزيكم يا جماعه عاملين إيه .. وإيه أخباركم ...

النهارده جايبلكم مسلسل المفتش عمروبكو
وان احنا بنعمل حلقات اسبوعيه كل يوم خميس ..
بنجيبلكم مشكلـ... (( باختصار زي المفتش كورومبوووو ))

وهنبدأ من النهارده ...

الحلقه الأولى بتقول الأتى ..

أحمد و مروه اتنين بيحبوا بعض من زمان أوي عالمسنجر (( حب مراسله يا حبايبي ))
اللى حصل

انه كان يوم الأربعاء الساعه 11 بليل بتوقيت اسكندريه حصل الأتى :-
كان احمد ومروه بيتكلمو عالمسنجر

أحمد : هاي حبيبتي إزيك وحشتيني أوي
مروه : وانت كمان حبيبي وحشتني جدا ومش قادره اقولك قد إيه
أحمد : تسلميلي يا روحى
مروه : انا مش عاوزه روحك انا عاوزاك انت
أحمد : بحبك أوووووووووووي
مروه : وإيه أخبار أخوك كريم..؟
أحمد : (( وهو غيران )) لا تكوني حبيتيه إن شاء الله ..؟
مروه : (( وهى متلغبطه )) أأأ لا ابداً يا أحمد انا كل قرايبك بحب انى اسأل عنهم ..
أحمد : اه
أحمد : بقلك إيه يا مروري انتى اتعشيتي ..؟
مروه : لأ حبيبي وانا معاك بحس انى شبعانه .. مع ان ماما عامله محشي ..وانت حبيبي إتعشيت..؟
أحمد : لأ .. ايه رأيك حبيبتي نروح نتعشا .. المسنجر مش حينفعنا نتقابل بعد نص ساعه حياتى أوكى ..؟
مروه : أوكي حياتى بعد نص ساعه ..

وبعد نص ساعه .. أحمد وصل المسنجر ومروه لسه مجتش ولحد الفجر قعد احمد يستناها وهى مجاتش قلق عليها واتصل بيا وقالى
الحقنى يا عمروبكو مروه مرجعتش للماسنجر تانى .. وانا قلقان عليها أوي

وطلعاً خطر فى بالى ان يكون حصلها الأتى :-

1- انها تكون اتعشت المحشي فكبس على نفسها ونامت ..
2- ان يكون كريم رحلها واخدها وخرجو يتفسحوا ..
3- نسيت إنها المفروض تكلم أحمد ..

انا عرفت الإجابه الصحيحه ..
ولو إنتو كمان عرفتوها إكتبوها فى رد عندك .. وانا هقولقم الفايزين الأسبوع القادم

مع تحيات المفتش عمروبكو