منتدي q8-one.com - مصر هى امى ولابتشتغلنى؟؟؟

منتدي q8-one.com (http://www.q8-one.com/vb/index.php)

- المنتدى العام (http://www.q8-one.com/vb/forumdisplay.php?f=2)

- - مصر هى امى ولابتشتغلنى؟؟؟ (http://www.q8-one.com/vb/showthread.php?t=20871)

مصر هى امى ولابتشتغلنى؟؟؟

مصر هى امى

ولا بتشتغلني!!!?

انا ابنها وضناها

ولا ابن بالتبنى!!!?

بتفرق ليه مابينى

وبين اخويا الكبير

وتطلع ليه فى عينى

لاجل ما يلبس حرير!!!?

وتقولى اصبر شوية

يا ضنايا يانور عنيا

امى بتضحك عليا

مانا شايف خير كتير

مش لاقى فى بلدى شقة

وامى تقولى الظروف

افطر واتغدى دقة

واللحمة للضيوف

واخويا ابن اللذينا

واخد فيللا فى مارينا

وبسين وكمان جنينة

وانا اسكت غصب عنى

ماهى امى بتشتغلنى

مش لاقى وظيفة ليا

اصرف منها واعيش

ومعنديش محسوبية

بالتالى دخلت جيش

واخويا حظه نار

وبيقبض بالدولار

امى بتديله كوسه

وتصدرلى الخيار

مصر هى امى

ولابتشتغلنى ؟

مصر هي أمي واللا بتشتغلني !! أنا إبنها وضناها واللا إبن بالتبني !! بتفرّق ليه ما بيني وبين أخويا الكبير !! وتطلّع ليه في عيني لاجل ما يلبس حرير !! وتقوللي إصبر شويه يا ضنايا يا نور عنيا !! أمي بتضحك عليا مانا شايف خير كتير !! مش لاقي في بلدي شقه وأمي تقوللي الظروف !! أفطر وأتغدى دقه واللحمه للضيوف !! وأخويا إبن اللذينا واخد فيللا في مارينا !! وبسين وكمان جنينه !! وأنا أسكت غصب عني ماهي أمي بتشتغلني !! مش لاقي وظيفه ليا أصرف منها وأعيش !! ومعنديش محسوبيه بالتالي دخلت جيش !! وأخويا حظه نار وبيقبض بالدولار !! أمي بتديلو كوسه وتصدرلي الخيار !! مصر هي أمي واللا بتشتغلني ؟؟؟؟!!!!
الله عليكي يا ريم كلام جامد
مين الدماغ الرايقه اللي كتبت الكلام ده
والله هو ده الحال فعلا
مصر هي أمي واللا بتشتغلني؟؟؟؟؟؟؟؟؟؟؟؟؟؟؟
حد يجاوبنا

لوعرفت اجاوب على نفسى هجاوبك

ياريت اللى عارف يتكلم

بجد صعبان عليا حالى

بجد انا عرفت امى مصر بتعملنا ايه الله يخليها لينا ويباركلنا فيها يريت ندعلها من قلبنا
ونقول ولادك بتدعى عليكى سورى بتدعيلك

لايااحمد مهاما كان دى مصر وهتفضل مصر

احنا اللى عايشين فيها

وكفايه اوى انها مستحملانا ومحتويانا

يا جماعه أمنا ملهاش ذنب بس جوز أمنا بقى هو اللي .............
الله يجازيه بقى عاللي بيعملوا فينا

هههههههههههههههههههههههههههههههه

هى ناقصه تريقه ياكارمن

احنا بنتحدث حول السياسه وانتى تتحدثين حول الهزار

الله يجازيكى

خير طبعا

يعطيك العافيه ومصر هيا مصر بس الناس هيا الي اتغيرت

هودا اللى عايزه اقوله يالمحه

احنا اللى بنتحرك

مصر ثابته

يعنى احنا اللى بنرفعها لفوق

واحنا اللى ...........

متقولش اديتنا ايه مصر قول هندى ايه لمصر