منتدي q8-one.com - اختفى الحشيش والبانجو رجع تانى

بقالى فترة مش فاضى انزل عالقهوة
قلت انزل أشوف الدنيا فيها ايه وايه شاغل الناس
ولقيت الكارثة او حسب ما وصفهالى واحد قهوجى (النجسة)اللى هى النكسة
لقيت مش شغال بال الشباب غير ان مفيش حشيش فى البلد
ولقيت ان الشباب بيقولوا الحكومة منشفاها علينا
واللى يقولك فيه زرعة بانجو نازلة هتغرق السوق
واللى يقولك عشان الانتخابات والحكومة بتشد ودانا
محدش فاهم حاجة وكله بيلف بيدور على السوجارتين
انا قلت يمكن دة عندنا بس لقيت فىاسكندرية والشرقية وكذا حتة
واللى مكدبنى ينزل ويشوف عندهم لان محدش عايش فى المدينة الفاضلة
والشباب مش لاقيه حاجة تعوض الحشيش الا البانجو
واللى بنطرحه دلوقتى .
هل هما دول شبابنا وممكن يفوقوا امتى؟
هل سطوة البانجو هترجع تانى والحشيش يختفى؟
هل حلم البحث عن الوظيفة والزواج والشقة ...الخ اتحول لحلم البحث عن المخدرات؟
ايه اللى بيحصل فى البلد دى وفين شبابها الفايق
وكما قال الشاعر
من شرب البانجو لا ينجو
من شرب الحشيش لا يعيش